سجينة قلب الأبهر""
بقلمي:نبأ حسن🤍
لتنسون التصويت+التعليق بين الفقرات+متابعه الحسابي✨.
لا تتوقف أبداً عن المحاولة لا تتوقف أبداً عن الايمان لا تيأس فيوم بجناحك قادم
......................
مرام .. ياااا أرييج شبيج وينج مامااا ماماا ... نزلت جوه تركض بعد ماتحملت رجلية بادن كاعدت بالكاع واني أبجي من كد الوجع صعدو كلهم راح ركض صالح يشغل السيارة وعمتي ومرام مخبوضات خلن شال على راسي ونزلنة جوه طلعنة
أم سند .. روحيي مرام بسرعة دكي الباب على بيت أمها خلي تجي وياي ... راحت مرام ركض شوية ورجعت وأجت وراها ماما طايره وبس ترجف كضت أيدي وهية ساندتني
مياده .. على كيفج ماما على كيفج هسه نوصل لا تخافين
أريج .. ولجج ماما رح أموت وجع موتني وينة سند خلي يجي والله رح أموت
مياده .. سوده علية يايمة شنو تحجين بالموت هسه نوصل وتجيبين وتكومين بالسلامة يلة شدي حيلج بعدمج ... صعدنة بالسيارة وأخذنة صالح كوه بطلاع الروح وصلنة المستشفى واني كلما يزيد الوجع روحي أسحها تطلع
أريج .. ياااعلي فدوه أروح لسمك أوكف وياي رحح أمووت والله ياربي دخيلك
أم سند .. يلة ماما يلة أمشي ... وصلنة صالة الولاده ونسواان هوايي كاعده تطلك واكو بيهم عادي يفترن وكل ماشوف وحده تبجي أحس الوجع يزيد عندي والخوف بعد أكثر شوية وأجت بنات كوه بطلاع الروح يلة سمعت صوت أبني وهوه يبجي غمضت عيوني ونزلت دمعة من عيوني كملت وطلعوني الغرفة خاصة شوية ودخلت ماما بيدها علي مديت أدية أخذتة ومنها وخليتة على صدري واني أباوع بوجها وأحس كلشي نزاح من عندي بستة واني أشم ريحتة وأبجي رفعت راسي واني أحجي
أريج .. سند أجة
أم سند .. بالطريق يمة جاي ماردنة نكول إله خاف علية طريق وليل بس مرام طلعت متصلة علية ... هزيت راسي وسكتت بقيت أباوع على علي واني أحفظ ملامحة وشكلة شوية ونفتح الباب دخل سند وهوه وجها أصفر أول ماشافني أجة علية شبكتي وهوه ياخذ نفس طويل
سند .. ولج هديتي حيلي الله شاهد صرت ماشوف طريقي أريد بس أوصل الج
أريج .. ههههههه هيج تخاف علية
سند .. شلون ماخاف عليج والله أحس جسمي كلة يرجف ... وخر راسة وباوع على علي بتسم بتعب واخذة من عندي شالة والدمعة بطرف عينة
أم سند .. تشاهد بأذن يمة ... رفعة شوية ودنك يحجي بأذنة
سند .. اشهد ان محمد رسول الله صلى الله عليه وآله وسلم .... أشهد أن أمير المؤمنين علي ولي اللّٰه عليه الصلاة والسلام ... أشهد أن أمير المؤمنين علي ولي اللّٰه عليه الصلاة والسلام
أنت تقرأ
سجينة قلب الأبهر
Mystery / Thrillerالسيف في الغمدِ لاتخشى مضاربهُ وسيف عينيكِ في الحالتين بتارُ"" إنَ المَفَاتنَ فَيْ عَيْنَيْك مُخْمَرَةُ مِنْ نَظرَةٍ مِنكِ يَغْدُوْ الَمرْءُ سَكرَانَا
