سجينة قلب الأبهر""
بقلمي:نبأ حسن🤍
لتنسون التصويت+التعليق بين الفقرات+متابعه الحسابي✨.
انَه الچنت الم اهلي وضحكهم
واني المنعزل هسه
وأكثر جمله جاي اسمعها هل ايام
تحمل تكبر وتنسى
صفيت مبهذل وتعبان
بس بالي ولا يصفى
...............
كلها نامت بالسيارة والجو بارد الكوستر ضلمة أريج مخلية راسها على متني ونايمة ضليت كاعده عيني مخذت نوم بس أبجي أريد أوصل وكعد يمة صارت ساعة أربعة وصلنة المقبرة ضل السايق يمشي ومن جهت اليمنة واليسرة كبور أول ماشافت عمتي المقابر نعت وكلها كعدتة تبجي
كالت حلوات
يالولد يابني حلوات
يمه يالولد يابني حلوات
يمه اولهن عيونه وساع حلوات
حلو طول الوليد ثاني العلمات
يمه الولد مات يمه الولد مات
بعد شالفايده يمه الولد مات
كلها تبجي على نواعي عمتي الجهال كعدت مرعوبة وتبجي وصلنة الكراج نزلونة هناك صاح عمي
أبو هيثم.. يله روحن صلن وزورن وطلعن حتى نتوكل نروح المقبرة ساعة خمسة كون كلجن طلعن
ام هيثم.. حجي كول يالله شنو ساعة خمسة هيه هسه ورح صير بالأربعة ونص جا شوكت يلحكن يزورن يصلن
أبو هيثم.. ماادري دبرو روحكم
أم هيثم.. ستغفرالله يله يمه أمشن
كل وحده أخذت الي وياها وطشن رحنة اني وقمر وياسمين والبنات ويانة سجاد راح هوه وأمير دخلنة الحمامات كملن وتوجهنة الإمام علي زرنة وصلينة كاعدين منتظرين يخلصن
أفنان خلت راسها بحضني وتمددت أجن أمي وعمتي كعدن يمنة
أم مياده.. زيارة مقبولة
.. قبل أعمالج
أم هيثم.. خلصتن بعد اكو لو لا
ياسمين.. بعد أكو جوه راحن يزورن
أم هيثم.. يله بس كون بسرعة رح نطلع ويستلمنة الحجي دك رزايل
شوية وكلهن لتمن رجعنة الهم لكيناهم منتضرينة صعدنة بالسياره وتوجهنا المقبرة ساعة ستة الجو هستوه بده يكشف وصلنة المقبرة من شفت صورة هيثم على القبر تسودنت شبكت القبر وضليت أبجي بعلى صوتي عمتي وبناتي وياسمين بصفي كلها واكفة تبجي نسوان وزلم وعمتي خلصتها نواعي
يمه رتك لحد أيام كبري كبري
ورتك اتنزني بكربي
راح الولد رح الولد ويلي بويه راح الولد
راح الولد عفيه اعله صبري
يمه اعيوني عليك يايمه تربي
اعيوني اعليك يابويه يابويه يابويه تربي
انه وفكد الولد ماشوف دربي
يايمه التعب التعب وين
تعبت اعليك يايمه التعب وين
تعبت اعليك يايمه التعب وين
ياثمر جبدي اوياكرت العين الولد يبني
بويه رايح يالولد رايح رايح
رايح يلولد يايمه لوين
يمه رتك يمه رددت نعشي على امتونك تشيله
وتراب الكبر بيدك تهيله ويلي بويه
أنت تقرأ
سجينة قلب الأبهر
Tajemnica / Thrillerالسيف في الغمدِ لاتخشى مضاربهُ وسيف عينيكِ في الحالتين بتارُ"" إنَ المَفَاتنَ فَيْ عَيْنَيْك مُخْمَرَةُ مِنْ نَظرَةٍ مِنكِ يَغْدُوْ الَمرْءُ سَكرَانَا
