سجينة قلب الأبهر
بقلمي:نبأ حسن✨
لتنسون التصويت+التعليق بين الفقرات+متابعه الحسابي✨.
أريد أنٍ يكون بيتًا صغيراً
منعزلا محاطا بالورد
تنيره الشمس ولا يعرف
طريقه إلاِ مٍن نحب
له شرفة مُنطلة على حديقة
صغيره وسماء واسعة
فيه كرسيان يميلان
بزاوية محسوبة بدقة حتى
أنظر لك لا المشهد الذي
تطل عليه الشرفة
...............
سديته وكمت خلصت تعزيل أخذت ملابس الجهال ونزلت جوه أغسلهن كعدت يم الماطور خليت طشت بديت أغسل أريج بعدهي كاعده بالحديقة من شافتني أجت يمي
أريج.. أكلج ماما
مياده.. ها كولي
أريج.. لو بيوم من الايام أجيت وكتلج أني أحب واحد رح توافقين لو لا
عفت البيدي وباوعت عليها
مياده.. شنو ولج تحبين
أريج.. لا لا والله هسه أني ماحب بس جاي أسئلج لو بيوم أجيتج وكتلج أحب واحد رح تأيديني بهذا الشي لو لا
رجعت دنكت أغسل بالملابس
مياده.. إذا خوش ولد واني أعرفة وعرف عائلتهم وأنتِ حبيتي وأجيتي كلتيلي طبعاً أخليج أوافق بس كلشي واله حد
أريج.. يعني عادي عندج
مياده.. كتلج عادي إذا أعرفة شلون أمن على بنتي يم واحد أني مااعرف منه شيء
أريج.. زين شكد عمرنة ورح زوجينة
من جابت طاري زواج شلت نعال هية من شافت نعال راحت تركض شمرتة عليها شوية ورجعت تضحك
أريج.. هاي شبيج ماما غير جاي أسئلج وأشاقة وياج
مياده.. ولي مني أريج أنتِ مو مال واحد يطيج وجة
أجت شبكتني من وره وباستني بخدي
أريج.. على كيفج ويانة آنسه مياده شنو هسه أحنة شكلنة هوه سؤال
مياده.. أوفف من لسانج أوفف
أريج.. يله خلصي حتى من ترجع أفنان أنروح البيت بيبي حيل ضجت
مياده.. ديله كافي دخلي جوه موزين عليج بارده
..........
أريج
عفتها ودخلت جوه رحت كعدت يم بيبي حتى العب عليها
أريج.. أكلج بدرية
أم هيثم.. شني ولج بدرية هازه كاروكي وجاية بكل رهاوه تكليلي بدرية
أريج.. أهوو غير هوه أسمج بدرية قابل شنو أسمج
أنت تقرأ
سجينة قلب الأبهر
Mystery / Thrillerالسيف في الغمدِ لاتخشى مضاربهُ وسيف عينيكِ في الحالتين بتارُ"" إنَ المَفَاتنَ فَيْ عَيْنَيْك مُخْمَرَةُ مِنْ نَظرَةٍ مِنكِ يَغْدُوْ الَمرْءُ سَكرَانَا
