نجلاء :بابا واش قربنا
محمد :وي بنتي باقي لينا غير 20 دقيقة
سفيان :ولكن راه 20 دقيقة بزاف راه من 6أو حنا شادين طريق أو دابا راه 5 ديال لعشية
نورة :ولدي نتا راه أول مرة غادي تمشي لقرية لي ساكنين فيها عائلة ديال باباك راه بعيدة بزاف علينا
سفيان :شنو سميتها
محمد: تافيلالت
سفيان :أنا سامع هاد السمية فشي بلاصة
نجلاء :راه أفقر بلاصة فالمغرب ضروري غادي تكون سامع بيها
نورة :بنتي واش نتي لباس عليك ياكما نتي بنت أخنوش
نجلاء ;ماما مقصدتش بحال هاكا
قطعها باباها :أو شنو قصدتي سمعيني مزيان أنا راه تعذبت فصغري باش وصلتكم لهاد نيفو ماشي باش تكونو أنانيين أو عندكم الفرق مابين الفقير أو الغني مع العلم نتي راك من الفقراء
نجلاء :بابا أنا مقصدتش بحال هاكا
قطعها باباها :صافي سكتي-وجدو راسكم قربنا نوصل
-------------
نورة أو نجلاء عاود الميكاب ديالهم أما سفيان أو جاد جمع داك روينة لي دارو فطموبيل
------------
وصلو أمام بلاكة مقشرة باين عليها راه قديمة غير من الوسخ لي فيها مكتوب ✍️ فيها تافيلالت بخط عريض ولكن الحروف مكيبانوش مزيان بسبب الغبرة لي عليهم أو حيت مقشرين شي حروف
----
جاد :ياربي أش هاد الريحة خانزة
نجلاء :واش كان كيسحاب ليك غادي تشن الريحة ديال الورد والياسمين راه غادي تشم غير ريحة ديال داكشي ديال لافاش أو لوشوفال 😉
سفيان :أو علاش ؟
نجلاء :حيت هادي راه عروبية ماشي مدينة راه فيها غير الحيوانات
بابا واش غادي يكون عندي بيتي راه خاصني فين ندير الروايح ديالي أو حوايجي أو ميكاب
محمد :واش منيتك راه بيت واحد غادي ينعس فيه النساء كاملين أ الله تواحشت هاد الأجواء
جاد :بابا فين هوما هاد الأجواء راه غير القحط أو الجفاف هنا شوف داك دري صغير عريان أو تابع دجاج بالحجر أو داك العيالات كاملين كيشوف فينا أو داك البنات حوايجهم عامرين وسخ أو كيلعب وسط الغيس أو زيد و زيد فين هوما هاد الأجواء
سفيان مصدوم 😲 من هادشي لي كيشوف أو نجلاء كضرب فدبان :ترحيب زوين من عند هاد الذبان أووفف بعدي مني سري بحالك
-----
وقفات فطموبيل قدام باب من القزدير أو هبطو كلهم مشات نجلاء عند مها أما سفيان خاف من الكلب أو هرب عند باباه جاد كيضور راسو بعصبية أو شمس مرتافعة
نورة :واش نذوقو عليهم ولا شنو ندير
نجلاء :غادي يكون كيتسناو فينا
محمد :لا أنا بغيت نخليها ليهم مفاجئة مقلت ليهم والو جاد دق نتا
مشا جاد يدق هوا يطيح لباب
جاد :بابا أنا راه غير دقيت مالو هاذا مشدود بلصاق ديال درهم
نجلاء :شفتي أ ماما شفتي أبابا لباب تهرس ربي عطانا علامة باش نرجع بحالاتنا
نورة نغزاتها باش تسكت
محمد شاف فيها بعصبية بغا ينطق وهيا تخرج من داك لباب واحد المرآة غليييضة لابسة جلابة مسخة أو مقطعة من جيهت اليدين فيها ريحة ديال البصلة و تومة أو قالت: سبحان الله مالكم هاجمين علينا شكون نتوما عوتاني مهرسين لينا لباب كان كيشريه باكم ولا شنو مالكم كتشوف فيا جاوب شكون نتوما ولا باغين تنصبو علينا بداك شنو سميت أااه تفكرت تيد أريول ولا تقول لينا خودي شيتة ديال السنان تاخذي معاها داك سينال ولا معرت شنو سميت فابور أنا راه عايقة بيكم غير سيرو بحالكم مابغيتش الله يعاونكم
💙يتبع 💙
VOUS LISEZ
محنتي😞
Action❌ بالدارجة المغربية ❌ 🦋الكاتبة:SAFAE🦋 ❤️أنا نجلاء حياتي عادية كنسكن مع عائلتي متكونة من أب وأم و خويا جاد و خويا سفيان ماما أستاذة وبابا حتى هوا..... مكنتش عارفة أن حياتي العادية مع عائلتي غادي تقلب كاملة بسباب العقاب ديال بابا لي غادي يدمر ليا...
