محنتي😞

✨24✨

ساعة 5 ليلا

كنت ناعسة فسداري حتى فقت قافزة على صوت زديح فالباب حليت عيني لقيت ريم أو مريم ناعسين أنا خفت خذيت تيلي أو نضت نشوف شنو وقع مع خرجت لقيت ماما و بابا وخويا حتى هوما فاق(يهمس) :ماما شنو وقع شكون كان كيضرب فالباب البنات ناعسين مافاقوش بهاد صداع
جاد ;ماشي غير البنات راه كولشي ناعس
بابا :بقاو هنا أنا عادي نشوف شكون كان كيضرب فالباب
ماما :أويلي غادي تمشي بوحدك لا أحبيبي أو إلى كان شي شفار أو عند شي سلاح ولا موس
بابا :راه خرج عليكم أفلام بقاو هنا أنا جاي
نجلاء :لا أبابا عفاك متمشيش لوحدك فيق جدي أو عمامي حتى هوما علاش غادي تخرج بوحدك
بابا :جاد ماماك أو ختك أمانة عندك/أو خرج
نجلاء :بابا بابا فين غادي بابا بابا 🥺
دازت 5دقايق أو ماسمعنا حتى شي حس
نجلاء :أنا مغاديش نبقا هنا غادي نمشي عند بابا
ماما :حتى أنا غادي نمشي جاد حيد من قدامي
جاد :بابا قال ليا ماماك وختك أمانة عندك يعني مخليكمش تخرج
ماما :واش منيتك أولدي باباك مشا ماجا أو بغيتينا نبقاو هنا
(دفعات ماما جاد أو خرجات تبعتها أنا وتبعنا جاد خرجنا قدام لباب أو مالقينا حتى شي حد)
ن:فين هوا بابا أنا راه بديت نخاف
عنقني جاد عند ;متخافيش راه غادي يكون غير هنا
نجلاء :(بفرحة) بابا راه بابا جاي
ماما :(بلهفة) فين فين
جاد:راه أ ماما شوفي حدا داك شجرة صغيرة
/وصل عندنا بابا أنا وماما تلاحينا عنقناه أو جاد باس ليه يديه/
بابا؛ علاش خرجت من دار ياك قولت ليكم متخرجوش
ماما :واش نتا خرجتي وحنا نبقاو تما نتصطاو
جاد :الواليد واش لقيتي شي حاجة شكون ضرب فالباب
بابا:ملقيتك والو مشيت بعيد أو ملقيت والو من غير لكلاب
ماما ;أو شنو هادشي شكون ضرب فالباب
نجلاء :دابا خليونا من لباب لي أصلا ماشي باب😅علاش حتى شي واحد مافاق واش هادشي كولو غير نعاس مفهمتش راه هاد القزديرة كانت غادي تهرس أو مافاق حتى شي واحد راه بزاااف
بابا :حتى انا مفهمت والو مهم دخل تنعس غدا ان شاء الله ندوي مع خويا مصطفى فهاد لبلان
جاد:أنا غادي نموت نعاس تصبح على خير
ماما :تصبح على خير واخا راه دابا قرب الفجر أو ناس دوار كيفيق مع لفجر أو حتى حنا خاصنا نفيق
نجلاء:كيفاش دابا أنا نفيق مع لفجر ميمكنش
بابا :سيرو تنعس يكون خير
//دخلنا لدار ماما و بابا دخل البيت ينعس أو جاد حتى هو مشا لبيت لي عطاوه ليه هوا أو سفيان مسكين داك لبيت كتنعس فيه حتى زهرة غادي يعيش العذاب معاها حتى انا دخلت نعس لقيت البنات ناعسين ممسوقينش تخشيت فبلاصتي أو نعست حتى انا
==بعد عشرين دقيقة ==
كنت ناعسة حتى سمعت تخرشيش قدام الباب بديت كنترعد هزيت تيلي باش نصوني على بابا لقيت طافي حسيت بالموت أو ريم ناعسة غير مريم لي كتقلب مرة مرة مرفت شنو ندير ولكن نضت نشوف شنو وقاع هزيت تيلي ديال ريم درت بيه بيل واخا معارفاش الكود ولكن راه كاينة واحد لعيبة باش كديري بيل لبست بانطوفة أو حليت الباب بشوية طليت واش كاين شي حد ملقيت والو خرجت أو سديت الباب كنت خايفة بزااف واش هاد ليلة مغاديش تسالي ملقيتك والو كنت غادي نمشي عند ماما وبابا البيت خيت مقدرتش نرجع لداك البيت أو أنا غادا سمعت شي حاجة طاحت قفزت حسيت بسي حد جاي دخلت بزربة الكوزينة مشيت تخبيت تحت طابلة أو حيت أنا عندي زهر بزااف هداك لي فدار دخل الكوزينة كنت كنشوف غير رجلين ديال شي واحد مشا حل تلاجة أو جبد شنو بغا أو جلس على الكرسي كياكل ولات رجليه حدا وجهي أو طابلة صغيرة إلى غير زعزع رجليه غادي يقيسني أنا خفت بزاف فداك لحضة بغيت غير بابا ولا ماما ولا رجع الوقت لور منخرجش أنا من البيت مرة تسنيت باش ينوض أو والو عاد كياكل بشوية عليه دازت 10دقايق أو أنا كنتسنى فيه يخرج من الكوزينة نفس  كنطلعها بشوية باش ميعرفنيش تحت طابلة وأخيرا ناض ولكن مشا جاب غير كأس ديال عصير من بوطاجي أنا بغيت نحماق كان عندي خيار واحد هو نخرج من تحت طابلة استغليت الفرصة وهو مكيشوفش جيهتي مشيت بزربة هزيت حديدة ديال الحريث كانت فالكوزينة هز راسو شاف فيا
:شكون نتي
أنا:نتا لي شكون غادي نغوت على كولشي إلى مخرجتيش
:راه أنا لي غادي نغوت على كولشي منين خرجتي ليا نتي فين كنتي\كان بدا كيجي عندي باش يشدني أنا الخلعة ضربت بالحديدة الرأس داك ساعه طاح فالأرضأنا غوت (بصرخ) ;بابااااا بابااااا عتقونيييي ماماااااااااااا😭😭
دقيقة لقيت عمامي جايين كيجريو تصدم ملي شافوه طايح أو أنا حداه كلي دم ديال شفت فيهم وقلت:بغيت باباااا
بابا لي دخل كيجري أو موراه ماما موراه دخلات العائلة كولها حتى من سفيان فاق
بابا :بببب بننتي شششنو هادشي شكون هادا أش هاد الحالة
ماما ;نجلاء بنتي بنتي مالك شكون هادا شنو دار ليك 😨
جاد خويا لي جا كيحري عندي أما بابا و ماما والعائلة كولشي غير كيشوفو من بعيد مصدومين. جاد عنقني :مالك أنجلائي شنو دار ليك متخافيش أنا معاك
أنا(بهستيرية) :قتلت أنا قتلت مات صافي أنا قتلت أنا قتالة غاجي ندخل الحبس قتلت مات مات مات مات مات /شفت فعمامي /:شوفو أنا قتالة قتلت

          💙يتبع💙