بابا:حمد الله على هاد النهار جينا وشفناكم راه شحال هادي مجينا خصوصا المدام أو الدراري
جدي:الله يرضي عليك آولدي كيف ما فرحتيني هاد النهار شير الله يفرحك أجي أولدي سفيان عند جدك راه توحشتك بزاف
سفيان عنق جدي وباس ليه يديه:حتى انا توحشتك أ جدي توحشتكم كاملين
جداتي ;مزيان ملي جبتي معاك حتى الدراري باش يخرج يفوج هنا راه كولشي عدنا
زهرة :شنو لي عندنا أ خالتي راه حدهوم يمشيو لداك الواد الخانز ولا داك فيلا لي خلاو نصارة يسرقو ليمون
زاهيرة نغزات ختها وقالت بشوية:سكتي أختي سكتي هالعار غادي تخيبني مع لوسي أو عائيلتو فنهار لول حشومة عليك
زهرة دوات بجهد :على مالهم غادي يعطيك لويز أنا كنعرف ناس المدينة كيجيو عامرين بداك الخلا ديال كادويات أو نتوما جيت خاويين
زاهيرة حشمات مسكينة أو ناضت كتجري
عمي مصطفى :نوضي أ هرة عند ختك تشوفيها مالها وباركة من الهضرة لي معندها دور
جدي :كوني تحشمي ياهاد المرآة راه ولدي أنا بغيت يجي غير هو وليدات و مرتو باراكة عليا ونتي مكترديش دقمك كاع
زهرة ;أنا قلت غير الحقيقة
ماما :حنا أحبيبة جبنا الكدويات لكولشي ولكن معرفتش راك حتى نتي كاينة مجيتش ليك غير سمحي ليا ولكن ملي نمشي لسوق نجيب ليك والله منها نعرف دابا ذوقك باش نجيب ليك شي حاجة على دوقك
جداتي ;غير عطيوها داكشي لي جبتي ليا غير هنيونا من صداع
فاطمة :حتى داكشي ديالي عطيوها ليها أو حتى ديال بناتي غير بصحتك
زهرة :إيوا هادي هضرة أنا غادي نمشي نجيب ليكم العصير أو حتى تجيبي ليا داكشي ديالي أمرات لوس ختي (أو مشات)
بابا ;با هادي مالها واش عايشة معاكم ولا شنو
جدي :أه أولدي راه مورا العرس سيمانة جات أو مجاتش بوحدها أو راه عايشة معانا حيت راجلها طلقها
نقزات ريم و قالت :سمحوليا حيت دخلت موضوع الكبار ولكن راجلها تهنا منها أو حنا تبلينا بيها
كولشي ضحك وصافي قلبنا الموضوع بقينا جماعين حتى جابت لينا عصير شربناه أو دخلنا البليزات بدلت حوايجي
من بعد مشيت جلست مع البنات حتى جا وقت الغدا تغذينا و نضنا البيت لي سادو جدي حتى كنجيو حنا أو كيحل لينا واخا هكاك لقيناه مجموع حيت قالو لينا بلي كيجمعوه كل سيمانة أااه راه ماشي شي بيت راه غير صغير فيه جوج سدادر كبار ينعسو عليه جوج الناس
💙يتبع💙
VOUS LISEZ
محنتي😞
Action❌ بالدارجة المغربية ❌ 🦋الكاتبة:SAFAE🦋 ❤️أنا نجلاء حياتي عادية كنسكن مع عائلتي متكونة من أب وأم و خويا جاد و خويا سفيان ماما أستاذة وبابا حتى هوا..... مكنتش عارفة أن حياتي العادية مع عائلتي غادي تقلب كاملة بسباب العقاب ديال بابا لي غادي يدمر ليا...
