جاد :سكتي أحبيبة ديالي راه ماماتش غير غيب هاهوا غادي يفيق دابا متخافيش متخافيش
دخلات زهرة لي ماكانتش تما بوحديتها لي تعطلات حيت نعاسها تقيل غير شافت هاداك لي طايح فالأرض غوتات بأعلى صوتها بكلمة لي خلاتنا كاملين نشوفو فيها بصدمة (غير أنا وعائيلتي لاخرين راه عارفين)
:والدددددي سيييييف
مشات كتجري عندو هزات راسو كتشوف فالدم لي كان فالبلاصة لي ضربت فيها نجلاء بالحديدة ماشي كبيرة بزاف ولكن راه الحديدة قاصحة خلات دم يهبط بغزارة :ولدي حبيب ماماه حبيبي سيف الدين نوض نوض أولدي متخلينيش
زاهيرة مشات كتجري عندها :تهدني أختي راه غير دقة بسيطة مريم جيبي البصلة أو نتي أريم جيبي لماء وفوطة والفاصمة بزربة
زهرة(بالغوات) :شنو لي بسيط ولدي كيموت بين يديا أ عباد الله شنو لي جاكم بسيط شكون دار فولدي هكا شكووون هئ هئ هئ ولدي هئ سيف الدين حبيبي
عماد :راه ماشي شي حاجة زيدي أريم أري داكشي أجيو عاونوني نهزوه لبيتو
نجلاء :واش غادي يموت
زهرة لي شافت فيها بعينيها لي بحال قرطاس :شنو قلتي نتي عاودي عاودي (هزات راس ولدها من فخاضها ومشات عند نجلاء) واش قلتي على ولدي غادي يموت أنااا أنااااا ولدييييي يموت جاوبي
-هبطات شداتها من شعرها كتديه وتجيبو جاد لي زربات عليه كان نجلاء معنقها غير ملي بغات دوي طلق منها حتى كيلقا زهرة كتدي وتجيب فشعر ختو نقز كيدفع فيها:واش منيتك جمعي يديك حيدي يديك
نورة;حيدي يديك على بنتي واش نتي مريضة
سفيان لي كيعض فيديها ويقمش: حيدي يديك من ختي حيدي
سي محمد لي كيجر بنتو من تحت من زهرة :مدام جمعي يديك على بنتي راه غير دوات
ناضت حالة فداك الكوزينة كلشي كيجر فزهرة أو والو واش بغات طلق منها نجلاء لي كانت سخفانة فيديها مقداش تدافع على راسها بقوة صدمة أما سيف جروه عماد و زاهيرة حيت راه صحيح سيد مغاديش يقدرو يهزوه داوه البيت عقمو ليه الجرح أو دارو ليه فاصمة فراسو غير سالا ليه عماد خرج بزربة خلا زاهيرة دير ليه بصلة باش يفيق رجع عندهم لقاهم كيجر فزهرة لي لصقات على نجلاء فشعرها راه غير غيرة منها أنا ولدها خلاتو أو هاهيا كتجر ليها شعرها لي جابت ليها الغيرة منو أصلا ملي شافت نجلاء وهيا حاضيا ليها شعرها بداك العينين لقات الفرصة فين تخرج الغيرة ديالها أو دخلات يديها مزيان باش ميجروهش حيت إلى جرو نجلاء غادي بزيدو يضاعف ليها الألم لي كاتحس بيه
جاد لي تعصب أو هو كيشوف ختو تحت منها نصف فايقة نصف مغيبة ماماه لي غادي نحماق بالبكة عيات متدفع فزهرة جرات ليها شعرها حتى هيا باش طلق من بنتها أو والو طبعا مغاديش طلق أو هيا مرآة تربات فالخير مكتعرفش تناتف قدام زهرة جاتها بحال شي نملة كتجر فيها وطاحت غيبات ليهم مشات عندها الجدة أو فاطمة ميفيقوها 'سي محمد لي معرف ميدير واش يشوف بنتو ولا مرتو مبغاش يدير يدو فزهرة ويعطيها شي دقة تغيب حدو كيحاول يحيد لزهرة يديها أو هو معصب مبغاش يشوف جيهت بنتو حيت مقدرش يشوف فيها كتعدب براكة غير صوت أنين ديالها لي كيسمع و كلامها لي كتقول ليه باش يعتقوها من يدين هاد المجعورة / أما سفيان هداك خلا يدين زهرة كلها قميش أو غضان كيعض أو يبكي واخا يديها قاصحين أو كدفع فيه باش يحيد إلى أنه كيطيح فالأرض و ينوض يرجع ليها عاوتاني /أما التوأم مساكن كيبكيو من بعد ماعياو مايجرو فزهرة ولكن شافو بلي غير نجلاء لي كتقصح أما زهرة مكتحركش مشاو يبكيو فلحضن ديال جدهم لي مافيديه والو معندوش حتى صحة باش يجر بحال مصطفى لي كيدفع فزهرة :زهرة صافي براكة طلقي من البنت راها كتموت طلقي منها مالك جعرتي راه بنت صغيرة معرفات شنوكتقول
سي محمد دفع زهرة حتى طاحت فالأرض بالعصاب;براكة طلقي من بنتي واش نتي حمقة بغا تقتلي البنت مدارت ليك والو سيري شوفي ولدك أش هاد الهماج فيك جيتي بنتي فوقت الضعف ديالها
جاد جر نجلاء عنقها أو هيا شرويطة بين يديه شعرها مشعكك أو حوايجها تقطع بقوة مجروها منهم سفيان عنقها أو هيا غير كتبكي فالحضن ديال خوها سند ديالها واخا كبر منو ولكن كيبان العكس
زهرة لي مبرداتش ليها باقا باغا تخرج سمها ناضت عوتاني بحال بقرة 🐮 أو مشات قاصدة نجلاء
عماد لي دخل على داك المنضر مشا كيجري هو و مصطفى و محمد باش يشدوها ولكن تلاحت عليها عاوتاني ولكن هاد المرة سفيان لي مشا كيجري جاب جنوية ديال لحم 🥩 أو مشا قاصد زهرة كيغوت غير بجملة 'ختي بعدي منها بعدي من نحلاء'
جاد غير شافو خضاها ليه من يديه هزها حتال فوق بلا ميفكر ضرب زهرة ليديها ولكن من زهر ديالها عماد لي شافو أو شد ليه يديه شي لي خلا دقة متكونش قاصحة
زهرة شدات يديها كتغوت بتبوحيط ديالها ولكن متسوق ليها حد كولشي ضار على نجلاء لي كانت سخفانة
جاد دفع عمو ومشا عندها ;نجلائي فيقي صافي متخافيش أنا معاك نقتل أي واحد بغا يقرب ليك
نجلاء لي كانت صفرة بزاف أو نفس مكطلعهاش لالة نورة لي فاقت من بعد البصلة لي دارو ليها :بنتي فين هيا بنتي نجلاء
فاطمة :غير بشوية عليك أختي راه عتقوها من يدك داك المجعورة
ناضت بزربة جيهت بنتها غير شافتها بداك الحالة غوتات ربي لخلقها غوتة لي غادي تكون فيقات جيران :نجلااااااء بنننتي
سفيان :نجلااااااء نجلااااااء نوضي متخلعيش ماما نوضي مالها هكا
ريم ;عمي شوفها واش كتنفس
جاد بحال شي حمق: سكتي نتي راها كتنفس هيا غير ناعسة مابيها والو هيا غير ناعسة سكت باش متفيقش سكت
مصطفى :راه مكتنفسش البنت عيط على فقيه يجي يقرا عليها
محمد :حيد ندي بنتي طبيب أشمن فقيه مالها فيها جن
نورة :أويلي على مكتنفسش مال بنتي أمحمد مالها أش واقع ليها ياسيدي ربي خذني أنا وخلي بنتي
الجدة لي كانت شادة فنورة من جيه أو فاطمة من جيه : استغفري مولااك أبنتي بنتك مابيها والو متخافيش غير صبري راه حتى نتينا غادي طيحي عاوتاني صبري و صبري ولادك
مريم لي كانت شادة الحاج حتى طاح على طولت :با با أبا بابا أجي شوف با هئ هئ هئ با مالك أ با
عيط عماد على الإسعاف لي خاصها نصف ساعة باش توصل حيت داك البلاصة بعيدة على مدينة
:ياسيدي ربي أش هاد المصيبه وقعات لينا فهاد نهار
زاهيرة لي جات داخلة الكوزينة تشوف شنو وقاع من بعد ما غطات سيف وخلاتو ناعس حتى كتصدم من الحاج لي طايح و ضيرين بيه توأم و عماد و الحاجة ومن نورة لي كتغوت وتضرب فراسها وشاداها فاطمة ومن نجلاء لي كيدير ليها باها تنفس صناعي أو خوتها غادي يحماقو فوق راسها ومن داك المجعورة لي كتشوف فيديها وتشوف فداك الدم لي فالأرض بحال حمقة أو حتى حد متسوق ليها حتى من ختها مشات عند الحاج تشوف وخلاتها
💙 يتبع 💙
VOUS LISEZ
محنتي😞
Action❌ بالدارجة المغربية ❌ 🦋الكاتبة:SAFAE🦋 ❤️أنا نجلاء حياتي عادية كنسكن مع عائلتي متكونة من أب وأم و خويا جاد و خويا سفيان ماما أستاذة وبابا حتى هوا..... مكنتش عارفة أن حياتي العادية مع عائلتي غادي تقلب كاملة بسباب العقاب ديال بابا لي غادي يدمر ليا...
