يـا أول عَـهد يـا تالي الأيام .. يَـ لعـب صبانه يـا شيبـة كُـبرنا لـ جبار رشيد _________________________________________ _________________________________________
كاعدة بصالة اباوع على التلفيزون سمعت الباب اندك كمت افتحة شفت عمو احمد
_ هلا عمو تفضل
احمد_ هلا بيج بنيتي امج موجودة
_ اي عمو تفضل موجودة هسة اصيحها
دخلتة للاستقبال ورحت صحت لماما لكيتهة تخابر بـ خالة ام نور ترخصت منهة وطفتة كتلها
_ماما عمو احمد اجة ويصيحج
_ هلا بي بنيتي جاية
رحت حضرت الضيافة ورحت اقدمها سمعت ماما سلمت على عمو احمد ويسال على احوالنا
_الحمدالله خوية بخير
احمد_ عسى دوم نشالله
ضلو يسلفون هو وماما سالتة عن الاهل شوي وترخص وراح راحت ماما لميت البيت علما خلصت كعدت اباوع على التلفزيون ضليت اكلب ماكو شي جديد ضليت صافنة فزيت من صفنتي على صيحت ماما
_أفاطم
_ ها ماما جيت
كمت رحت لماما _ها ماما
_بنيتي روحي سوي عشى واني راح اصيح اخوج
_ تمام ماما رحت سويت عشى راحت ماما صاحت علي من بيت عمو كاظم شوية واجو
_ انت مو عندك دراسة شكو تلعب
علي_ خلصت دروسي كلهن ورحت العب وثاني شي غير اليوم عطلة حتى بل العطلة ما العب؟
_ اي حتى بل العطلة
عافني وراح ما عاجبة شالع كلبي بدراسة ومتعبني بس كل التعب يهون من اشوف شهاتة ناجح
كعدت الصبح ساعة 6 ونص كمت ندهت علي كوة كعد رحت سويتلة ريوك علما بدل تريك راجعلتة على السريع تاكدت كتبة موجدات نفس كل يوم اتاكد كلشي تمام شوية واجو اصدقاءة وراح سديت الباب رحت سويت ريوك النة اني وماما درت وجهي فزيت من لكيت ماما واكفة
_ اسم الله ماما فززتيني
_ اسم الله بنيتي هاي شوكت كعدتي اخوج راح للمدرسة
_ اي هستوني كعدتة ريكتة وراح سويت ريوك علمود نتريك
هزت راسها وراحت غسلت وجت صبيت جاي تريكنة وخلصت كمت نضفت البيت نفس الروتين مثل كل يوم مرت الايام هادئة سمعت الموبايل يرن رحت شفت نور تتصل
_ الوو
نور _ هلوو أفاطم شلونج
_ هلا بيج الحمدالله انتي شلونج مشتاقتلج بذات
نور_ اني هم مشتاقتلج والله بس تدرين خامس ودراسة وماما متخليني اطلع علمود ما التهي عن دراستي
_ معذورة حبيبتي اشاقة شكو ماكو
نور _ ماكو شي بس طاكة روحي اريد تخلص الامتحانات
_ نشالله تخلص على خير حبيبتي
ضلينة شوية نسولف وسديتة للضهر سويت ماما غدة تمن ومركة فاصولة تغدينة وخلصنة كمت غسلت المواعين كعدت اكلب بل الموبايل صارت ساعة ب 6 سمعت أذن كمت توضيت وصليت سويت عشة تعشينة قريت علي لحد منمنا مرت الايام عادية هادئة
جنت كاعدة اكلب بل الانستا خليت ستوري شعر جبار رشيد ( تهموني بمحبتك ) ضليت اكلب بي شوية وطفيتة رحت صبيتلي كلاص جاي كاعدة وحدي بل البيت ماما وعلي بيت خالة ام نور
شوية واجت ماما سويت عشة تعشينة خلصت كعد علي يباوع على التلفيزيون وماما كعدت هم تباوع ويا على الواهس رحت فرشت فراشي تمددت فتحت موبايلي لكيت شخص داز رسالة كلبي نقبض اني ما احجي وية ولد غريب لان احس كسرت ثقة ماما واخاف بنفس الوقت
فتحت الرسالة شعر لـ( جبار رشيد)
ايام البعد جبناها صفنـات بين امالنة وحيرة امرنا تجي! لو ما تجي كضينا الايام وصرنا ياهو يدري شلون صرنا صبرنا متاع صار وبعدك بعيد وتجوع ايامنا وتاكل صبرنا شبعدلك يل الما تمر مو كافي الغياب صار هواي ننتضرك تمرنا نذرنالك تجي وندعيلك تعود وعمت سجينا وشيب نضرنا
أستغربت منو هذا وليش دزلي هيج شعر شفت ما رديت كبل فقلت الموبايل وتمددت ضليت افكر منو هذا وليش دزلي هيج شعر دخلت دوامة الافكار اخير شي تعبت قنعت نفسي انو مجرد واحد دز شعر وفضت السالفة غمضت عيني ونمت . _________________________________________ _________________________________________
تابعونـي على الانستـا 👇♥
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
