-﮼روح فَــاطـم. (متوقفة)

بارت 10

بنوتاتي مراح انزل هل يومين لان شوية مريضة فـ ما اكدر .... ادعولي وياكم 🙏♥

لا تنسون التصويت ♥

خذنَي يَمك ، عيني مِشتاگه لضوَاك
وَگلبي چَن شباك ماشَايف شَمس .
______________________________________
______________________________________

لكيت عمو احمد واكف مسافة يم باب بيتة شافني وعكد حواجبة درت وجهي لكيت ميثم رايح
مشيت وصلت يم عمو باوعتلة مستغرب
كتلة

_ هلا عمو شلونك شوكت جيت

_ قبل شوية ، أفاطم منو هذا

بلعت ريك وثبتت كلامي علمود ميشك بية انو مسوية غلط لان ادري عمامي شكاكين يشكون حتى بتربيتهم
كتلة

_ عمو الحجية الاشتغل عدها ما رضت اجي وحدي لان دنيا العصر وخلت ابنها يوصلني هذا جان مسافر اجة وباجر جوز يرجع يسافر

هز راسة وسكت فتحت الباب دخل قدمتلة ماي ضل يسال شوية نسى السالفة خذت نفس براحة ضطريت اجذب لان اذا اكلة عايش وياها مراح يخليني اشتغل

شوية وراح لبيت عمو كاظم واني رحت لبيت خالة ام نور دكيت الباب فتحتة خالة سلمت وكعدت ما شفت نور كالت خالة بغرفتهة رحت دكيت باب الغرفة ودخلت لكيتهة تكلب بل الموبايل من شافتني دارت وجهة ضحكت ورحت حضنتهة كالت زعلانة

نور _ وخري أفاطم شكو جاية مو انتهت صداقتنة

_ شبيج مخبلة اني اعوفج وداعتج هاي سجى سوينة لعبة وعاقبتني وطلبت اتصل بيج واكلج هيج

نور _ خوفتيني ونبي كلت ليش شمسوية

_ يروحي ما مسوية شعندي غيرج اعوف روحي ولا اعوفج

حضتني هي هم شوية وخرت كرصت خدها كتلهة

_ يلة اني اروح اجيت اراضي الحلوة الزعلانة واخذ علي

ابتسمت

نور_ ماشي

كمت سلمت وخذت علي ورجعت للبيت طبيت للبيت شفت علي مو على بعضة

_ علوش حبيبي شبيك

علي_ بلاعيمي يوجعني من الصبح

_  سودة علي هسة اسوي عشة وانطيك دوة وصير زين

هز راسة وكعد بصالة خفت لا يصخن كل متجي الفلاونزة يصخن يوصل الموت

رحت سويت عشة وتعشينة ونطيتة دوة فرشت فراشة ونام تمددت ضليت اكلب بل الموبايل لكيت هم مراسلني حيدر استغفرت ياربي شلون لزكة هذا ما رديت علي
مرت ساعة
سمعت علي يون فزيت كعدت كضيت كصتة لكيتة يجوي لا ياربي هذا الجنت خايفة منة صخن

كمت شفت الثلاجة همزين عدنا خافض حرارة كعدتة كوة شربتة ورجع تمدد جبت مي ووصلة بقيت اسويلة كمادات
تكطع كلبي من صوت ونينة كل شوية وكال ماما وينج
مسحت دموعي وبقيت اسويلة كمادات مرت ساعتين واني كل سوية اسويلة كمادات لمن شفت شوية خفت منة غطيتة وكمت طلعت بل الطرمة حسيت نفسي مختنكة كعدت  بقيت فترة كاعدة