كاعدين بصالة شوية وماما كامت ما احس الة داخت ووكعت نغمى عليها خفت حيل احاجي بيها
_ ماما ماما شبيج شجاج حاجيني فدوة
صحت على علي يروح لـ بيت عمو كاظم لان قريبين شوية واجة عمو كاظم اخذناهة للمسشفى علي ضل يم بيت عمو واني رحت لحد ما وصلنة كبل نزلنة دخلناها على الدكتور طلعنة برة الغرفة تقريبا ضل نص ساعة خفت حيل خاف ماما بية شي
شوية وطلع الدكتور سألة عمو شبيها وليش اغمى عليها
الدكتور _ للأسف المريضة عدها فتحة بل القلب وكلبهة تعبان حيل فـ لازم نسويلهة عملية لان اذا بقت هيج راح سبب حالة وفاة
فتحت عيوني بصدمة من كلام للدكتور ما ضل بية حيل اذاني شوشت كمت ما اسمع شيحجون كعدت على الكراسي ودموعي خذت مجراهة على خدودي
راح الدكتور اجة عمو كعد يمي
_ عمو فدوة كلي السمعتة غلط
كاظم_ اهدي بنيتي نشالله ما بيهة غير العافية لا تخافين الدكتور كال اذا خذت دواها بنتضام صير زينة وحتى عملية ما تحتاج
بقى عمو يحجي وياي هدأني شوية رتاحيت لكلامة الدكتور كتب النة العلاج الي لازم تاخذة ماما راح عمو يجيبة من الصيدلية واني كعدت بل المقاعد الاستراحة مقبلو ادخل على ما يخلص المغذي
اتصلت على بيت عمو طمنت على علي وسديتة شوية واجة عمو جاب العلاج دخلنة لـ ماما لكيناهة كاعدة تحمدنالهة على سلامتهة راح عمو وقع ورقة الخروج كومتهة سندتهة تمشي طلعنة وصلنة للبيت نزلتهة وتشكرت من عمو وراح كمت سويتلهة شوربة خضراوات شوية واجة علي سمعتة يسالهة شبيج ماما انتِ زينة ردت علي كوة تحجي " زينة حبيبي ما بية شي " علما خلصت الشوربة سمعت اذن رحت توضيت فرشت السجادة صليت ودعيت لماما تطيب وترجع عافيتهة خلصت صلاة رحت سويت عشى تعشينة ونطيت العلاج لـ ماما شوية ونامت هي وعلي فرشت فراشي وتمددت فتحت موبايلي لكيت جايني اشعار من رقم غريب اغنية اضعف كدامك ( هيثم يوسف ) عقدت حواجبني بأستغراب
دزيتلة _ بلا زحمة منو حضرتك ؟
ورة شوية شافهة رد _ مو مهم تعرفين
_ شنو مو مهم اخوية اني ما اعرفك ولا تعرفني شكو دازلي اغنية بلا زحمة لا تدز ولا شي وامسح رقمي
_ صح ما تعرفيني بس منو كال ما اعرفج؟
عصبت كلش كبل حضرتة وفقلت الموبايل وغطيت راسي اريد انام بس ما جاني ابد النوم ضليت افكر من فكرة لفكرة لحد محسيت على نفسي غفيت.
مرت الايام عادية ماما منتضمة بعلاجهة بس احس مو مثل قبل طول الوكت تعبانة درت بالي عليهة ما اخليهة دكوم وتتعب جنت داغسل بل الطرمة محسيت الة علي اجاني يركض ويصيح علي
