-﮼روح فَــاطـم. (متوقفة)

بارت 13

بنات اسفة كلش اسفة اعرف تأخرت عليكم بس صدكوني مريضة واليوم لخاطركم نزلت

لا تنسون التصويت ♥

عِفت چَم كَلب رايدني ورضَيت استَوطن بـ كَلبك.

______________________________________
______________________________________

طلع وصار بوجهة ميثم
شافة وعكد حاجبة وباوعلي كأنو يسألني بنضراتة منو هذا؟
بلعت ريكي وكلت

_هلا ميثم  ، احم اعرفك ارام الي ساعدني ارام ميثم

مدلة ايدة ميثم وابتسم الة صافحة ميثم وسلم علي

ميثم_ اشكرك على معروفك الله يجازيك خير علي

ارام _ ماكو داعي لاشكر ما سويت شي اي واحد مكاني يسوي اكثر مني

هز راسة ميثم وعزمة على بيتة بس مقبل ارام اترخص وراح نداراي ميثم كتلة

_تفضل ليش واكف برة

ميثم _ لا عندي شغل بس مريت عليج اشوفج

بقيت اباوع علي تحمحم وكال

ميثم_اقصد اشوفج اخاف محتاجة شي

_لا سلامتك ما محتاجة شي

ميثم_ اي شي تحتاجين تصلي بية

هزيت راسي وراح صعد سيارتة وطلع ابتسمت واخذت نفس براحة سديت الباب ودخلت للبيت كضة النهار
ثاني يوم قررت اروح لبيت الحجية تريكت وبدلت رادت توصلني خالة ام نور بس مقبلت لبست كمامة اخاف يشوفني ويعرفني
طلعت من البيت اخذت تكسي اسرع شوية وصلت نزلت دكيت الباب شوية وفتحتة سجى سلمت ودخلت لكيت رائد والحجية كاعدين سلمت عليهم كال رائد

رائد_ توة ما نور البيت

ابتسمت بخفة وكلت

_ منور بأهلة

الحجية_ المن طلعتي يمة ما ضليتي بل البيت

_ لا خالة صالي خمسة ايام بل البيت ضجت كلت اجي لشغلي بس خاف بطلتيني بعد

ضحكت وكالت

الحجية_لا يمة وين الكة مثلج اني وابطلج

ابتسمت كال رائد

رائد_ أفاطم بروح امج سوينة اليوم فاصولية مشتهيهة صالي سبوع

_ تدلل اليوم اسويها

لبست الصدرية وكمت انضف ساعدتني سجى وياي خلصت ورحت بديت اسوي غدة تغدو وخلصت صبيتلهم جاي وكفت اغسل مواعين وسجى كاعدة يمي تسولفلي من جنت مخطوفة شوية وطب ميثم سلم وكال

ميثم _ أفاطم ؟ ليش طلعتي مو كتلج ابقي بل البيت هل كم يوم خاف هذا الك** هنا

_ مليت من البيت ومن جيت لبست كمامة وماكو احد بشارع ما اعتقد احد شافني