-﮼روح فَــاطـم. (متوقفة)

البارت 5

التنزيل انزل وكت فراغي ، لا تنسون التصويت ♥

يـا أول عَـهد يـا تالي الأيام .. يَـ لعـب صبانه يـا شيبـة كُـبرنا
________________________________________
________________________________________

مرت الايام الحمدالله كلش زينة مقسمة وقتي للشغل وللبيت كل يوم اروح لبيت الحجية بـ 9 الصبح وارجع بـ 4 العصر وكذالك مستمرة كل يوم

حيل حبيت الشغل وخاصتاََ عند الحجية حبيتهة تنحط على الجرح ابد ما حس بتعب تكعد يمي وتضل تسولف الي على حياتهة قبل وعلى زوجهه ( الله يرحمه)
مرات تسألني على اهلي اختصرتلها حياتي انو اهلي متوفين وبس ما سألت بعد

دك المنبه فتحت عيوني وكمت شفت الساعة بـ 6 ونص الصبح كمت عسريع حمدت ربي مشتغل المنبه جان راح دوام علي صالي يومين نومي مو منتضم بسبب الارهاق

رحت كعدت علي طلعت الة ملابسة خليتة يبدل
رحت للمطبخ سويت ريوك عسريع اجة تريك وتأكدت حافظ دروسة وكتبة موجودات صار صف رابع ابتدائي واني كل يوم ما خلي يروح اذا ما أتاكد كلشي تمام

اجو اصدقاءة وراح تريكت عسريع وكمت شفت الساعة بـ 8 رحت طلعت لي ملابس وطبيت سبحت وبدلت وطفيت كلشي وفقلت البيت وطلعت ربع ساعة وصلت لبيت الحجية دكيت الباب شوية وطلعت الي ابتسمت بوجهي أني رديت الابتسامة صبحت عليهة طبيت لكيتهة كاعدة بصالة ومشغلة دعاء الصباح

نزعت جنطتي ولبست الصدرية ورحت اسألهة

_ خالة متريكة لو اسويلج ريوك

_ اي يمة بعدني ما متريكة سويلي رويك

_ تدللين خالة

رحت سويتلهة ريوك وخذتة الهة باوعتلي وكالت

_ فدوة لايدج يمة ، تعالي تريكي وياي

_ الف عافية خالة متريكة

هزت راسهة عفتهة ورحت بديت بتنضيف هو نضيف بس كل يوم ارد انضفة احسن علمود ميتوصخ بس يلة هو منو البي علمود يوصخة هو بس الحجية

خلصت تنضيف كلشي رحت شلت المواعين وديتهن للمطبخ اغسلهن شوية وصاحتلي رحت كالت

_ يمة اني رايحة على جيرانة صويحبتي مريضة اشوفنهة وشوية واجي

_ تمام خالة

راحت الحجية واني خلصت غسل المواعين طلعت الخضراوات وبديت اطبخ

واكفة جاي اكشر بتيتة وادندن سمعت الباب نفتح عبالي الحجية اجت درت وجهي واني احجي

_ هاا خالة شـ....
رفعت راسي جان الكة شخص واكف كدامي رافع المسدس بوجهي ولابس زي الجيش فتحت عيوني بصدمة وصرخت ورفعت اديه كمت ارجف من الخوف حجيت وكوة تطلع مني الكلمة

أفاطم _ و والله والله ما مسوية ش شي

وباوعلي وهو عاكد حواجبة وعيونة تجدح وكال