مصير الليالي السَود يظهر قمرها

P/3

‏P/2

‏الغالي الليّ عجزت ألقى عذاريبه
‏جمايله تقلب عتابي علي ضدّي

‏غامرني بـ عطفه ومحرجني بـ طيبه
‏يخشى على خاطري لا أضيق من قدّي

‏لو قلت أبغى القمر يروح ويجيبه
‏من زود حبي يبي القمرا وسط يدّي

في مدينة الرياض الساعة ٨:٣٠ صباحا
وتحديد حي العقيق داخل احد المراسم التي تمتاز بتعامل موظفينها الجميل والراقي مع زبائنهم كما يمتاز بطابع جميل من حيث الاضاءة الخافته واللوحات المعلقة التي تحمل قصة ورسالة وسر وراء رسمها يرسم لوحته بكل هدوء ودقة منغمس برسمه كأنه يختفي من هذا العالم عند البدا إلى عالم آخر سامح لخيالاته وافكاره بالتحرر ليجعل منها لوحة فنية جميلة خرج من تأمله وتركيزه من الشخص اللي ينغز كتفه وينادي عليه بضجر
بهاج : سييييييييف ولد امسك بسرعه
التف سيف بجسمه الكامل عليه وهو يمسك اكواب القهوة الحارة من بهاج ويضعها على الطاولة بعيد عن مكان لوحته
بهاج : صباح الخيرات
سحب سيف من عضده وضمه سيف بادله الحضن واصبح يمسح على ظهره : صباح النور
وسكت وهو يشد عليه عقد بهاج حواجبه : بس صباح النور مافي اشتقت لك وحشتني ولا ليكون ماتبيني
ابتسم سيف وبعد عنه و رد بهدوءه المعتاد : تعرف بدون ما اقول اني فقدتك ومشتاق لك بعدين ليش متاخر
ضحك بهاج وباس خد سيف بسرعة : اموت على اللي يفقدوني بعدين ليه تصرف الموضوع مفتاح المرسم وصار عندك ليه تبيني اجي مو كفاية ان ابوي يخليني اداوم فيه واذا جيت اساسا انت ترسم وتندمج وتتركني قاعد اطالع فيك
كشر سيف من حركة بهاج وضربة بخفه على راسه
سيف : بهاج يا حيوان كم مره اقول لك ما حب ذي الحركات عندك اخوانك بوسهم إلى ما تشبع والشره على أنا اللي ابيك قدامي خلك نام في بيتك احسن
سحب بهاج احد الكراسي وجلس عليها : طيب اوك تعال جبت فطور خلنا نفطر سواء وبعدها نطلع ولا تكمل رسمك سكت شوي وهو يطالع سيف ويتأمله وقال بحنية : ياخي اشتقت لك
سيف ابتسم قلبه من صاحبه ورفيق عمره وارتشف من القهوة بهدوء : عشان ما كذب واخذ ذنب حتى أنا اشتقت لك كثير
وأكمل حديثه وهو يطالع في ابتسامة بهاج : اي ماقلت لي كيفك وكيف داومك وعمي وعمتي اخبارهم
بهاج طالع فيه نص عين : الحين تسال عني ولا عن دوامي ولا عن ابوي وامي حدد وش المهم عشان أجاوبك عليه
سيف رد عليه بنفس العبط ولكن بملامح وجه جاده : امممم خلني اشوف اول شي عمي وعمتي وبعدها دوامك وبعدين انت
وسع عيونه بهاج بصدمه من سيف : سيف يا ***** والله فيك الشره علي قايم من نومي وجاي افطر معك انقلع ارجع بيتنا انام وخلك مع لوحاتك
وقام من الكرسي طالع ضحك عليه سيف هو يلحقه ومسكه من يده ورجعه لمكانه وقبل يرجع يجلس حضنه من الخلف باس راسه وجلس بالكرسي المجاور له وهو يمسك يده
سيف : امزح معك يحمار انت المهم عندي وانت اول أولوياتي وش ابي من الدنيا غيرك
رد بهاج وهو مستلطف حضن ومسكة سيف وبمزح صار يمسك خدود سيف ويشدها : ياقلبي انت والله وانت وش على بالك بخليك تاكل الفطور لحالك وانا طالع في الشموس وجايبه تبطي والله
ضربه سيف على ايده : ادري فيك بطيني تعلمني فيك
وبدوا يفطرون وياخذون اخبار وسواليف بعض بعد ما خلصوا رجع سيف يكمل رسمته ورجع مره ثانية لعالمه الخاص اللي يبعده عن كل اللي حوله وهو يستمتع برسمه ويعشق كل ثانية تمر وهو يرسم ابتسم من قلبه بهاج وهو يشوف صاحب طفولته ويتأمله وهو يرسم فتح جواله والتقط له صورة من الخلف وهو مغمس في رسمه ومو منتيه له حط يده على خده وتنهد و ابتسم وهو يقلب صور طفولتهم بجواله وأخذ احدى كرسات الرسم وبدا الاخر يرسم صورة تجمعه مع سيف في عمر ٥ سنوات وكل واحد سرح برسمه وخياله ..