لد النظر في عيون اللي يحبك وشوف
اشياء واجد بتعرف ويش تفسيرها
ماهـو ضروري احبك تنقرا بالحروف
عيون الاحباب تغني عن تعابيرها
——————————————————————————
~قراءة ممتعة 💅🏻~
ابي تفاعل كبير والجدد اللي يصوتون ابي تفاعل في الكومنت حبابي ❤️
~ عند ليث ~
بعد خروج هادي لتوقيع على أوراق خروجه من المستشفى تحت مسوولية
لان من المفترض بقاه لنهاية الاسبوع ولكن سفرته لاهله ما تحتمل التاخير
التقط هاتفه وفتحه دخل على جهة الاتصالات ونقر على اسم ( لؤي )
ثواني حتى وصله صوت لؤي المنزعج : همممم
ضحك ليث بخفه عليه واضح انه قومه من نومته : قوم قوم وصحصح لؤي بسرعه احتاج كل تركيزك معي
ابعد لؤي الجوال عن أذنه وما ان انتبه للاسم الظهار على الشاشة اعتدل بجلسته وصار يفرك وجهه : هلا هلا ليث المعذرة ولله توي قايم
ليث : ما عليه معذور ، ابسالك وش صار آخر شي معكم
توتر لؤي للحظة يعرف ان هادي استلم المهمة من بعد دخول ليث المستشفى
وإصابته وما يدري إذا احد بلغه ولا لا وبتردد : اا. ... هادي حاليا هو اللي مستلمها وتوصله اخر الاخبار
عقد ليث حواجبه باستنكار : كيف يعنى هو مستلمها توي سأله يقول ما عنده خبر لؤي انت متاكد من اللي تقوله
انربط لسان لؤي في ذي اللحظه عرف انه جاب العيد بدون ما يدري وبمحاولة لتغير الموضوع : مدري ليث والله يمكن سمعت غلط المهم وش صار على سفرتك لأهلك
ليث بهدوء: لؤي عارف انك تضيع الموضوع وتحاول تغيره
لؤي بإنفعال مصطنع حتى يوهم ليث بصدقه : ليث تكذبني الحين
قلب عيونه ليث من لؤي وحركاته ومشي الموضوع معه : خلاص مصدقك
لؤي : طيب ما قلتلي متى بتسافر لأهلك
ليث : على كلام سيف بكره الفجر او الليل باذن الله
لوي : توصل بالسلامه ان شاءالله
ليث: الله يسلمك ، يالله استأذنك الحين في امان الله
لؤي : مع السلامه
بعد ما اغلق مكالمته من لؤي اتجه فور لقائمة الأسامي وهو يبحث عن رقم الرئيس عبدالرحمن واللي راح يعطيه كل المعلومات اللي يحتاجها بدون ما يتعبه
نقر على اسمه وصار يناظر في شاشه هاتفه حتى راى ان الطرف الثاني رد
حط الجوال باذنه
ليث : السلام عليكم ورحمة الله وبركاته
الرئيس عبدالرحمن بصوت مبتهج : هلا وعليكم السلام ورحمة الله وبركاته
وأكمل مردف : كيف الحال يا الليث ان شاء الله بخير
ارتسمت ابتسامه صغيره على مبسم ليث : الحمدلله بخير انت اخبارك وكيف القاعدة والفريق ان شاءالله بخير
عبدالرحمن : بخير بخير كلهم يسلمون عليكم وينتظرون رجعتك لهم بسرعه
أومأ ليث براسه بهدوء: الله يسلمهم يارب وسلملي عليهم
عبدالرحمن : يوصل ان شاءالله
أنت تقرأ
مصير الليالي السَود يظهر قمرها
Adventureمادام حنا بخير .. وعافية وازدهار لا طالت المعسره .. ياتي معاها يسر الليل مهما يطول .. بيقتفيه النهار ونضحك رغم كل ضيق ونستحث النظر ومصير الليالي السّود يظهر قمرها تنويه : الرواية لا تمد بصلة بتصنيف الرومانسية او وجود كبلز وعلاقات تتكلم فقط...
