مصير الليالي السَود يظهر قمرها

P/2

‏كني بعد فقده بحامي اللواهيب
‏وكني غريب الدار مالي جماعه ...

في الطرف الاخر من الحي
كان عبدالعزيز واقف يشرف مع العمال  اللي ينزلون الأثاث ويدخلونه داخل البيت تأفف من بطئ عملهم وكل شوي يصبر نفسه ويدعي ان ما ينفجر عليهم لانه مواصل وتوه مسلم من دوامه والحين واقف عليهم

واثناء نزول احد العمال من شاحنة النقل سقط وتعثر من الحجارة اللي عرقلة سيره واسقط معه الكرتون اللي كان حامله في ايده سمع عبدالعزيز صوت التكسير وصرخ بوجه العامل اللي بلع العافية من شاف عبدالعزيز متقدم له ومسك ياقة قميصه خرج عبدالله من البيت هو يسمع سب وشتم عبدالعزيز للعامل اللي استسلم  له بسبب بنية جسمه الكبيرة
عبدالله  : يا ولد فك الادمي ذبحته وانت ماسكه خلاص حصل خير عبدالعزيز دف العامل : اي خير يبه وهو كاسر نص الأثاث ومدمره ما يشوف ال ***** عساه العمى
مسح عبدالله وجهه وهو عارف ان عبدالعزيز ماخذ اطباع جده ومايحب يشوف احد يغلط في شغله او يقصر فيه وغير انه وقفته تحت الشمس زادت عصبيته
عبدالله : اهدى وادخل وخلي الباقي علي أنا وسهم بنكمل ادخل انت وارتاح ونام مسكت خط وانت راجع من دوامك والحين واقف  روح ريح وعين من الله خير وما يصير إلا كل خير
مسك عبدالعزيز راسه وهو حس انه انفعل وجاب العيد وقرب من ابوه وباس راسه ودخل البيت بدون ما يقول شي وراح متجهه يشوف سهم ويبلغه انه راح ينام عشان يروح عند ابوه
دخل عليه الغرفه وشاف بيده بكت دخان وفي فمه سيجاره صر على اسنانه بعصبيه وهو يكره الدخان اشد الكره ودخل على طول ورفع ايده وصفع سهم كف ألجمه وأدوى صوته في المكان سهم ألجم وانصدم من قوة الكف اللي جاه وما أمداه يتكلم إلا ومسكه عبدالعزيز من
تيشيرته وهو يقول بصوت بان فيه الرجفة والعصبيه : أنا ما حذرتك انك تترك ذا الزفت ولا لا ما قلت يا سهم لا تشوفك عيني وانت تاخذ ال****  هذا قلت ولا ما قلت

هز راسه سهم وفكه يرتجف ودمعه متجمعه في عيونه مو قادر يتكلم بكلمه وحده وهو وعد اخوه انه يتركه ومعد يقرب صوبه عبدالعزيز دفعه لوراء بقوة وارتطم كتفه بقوة على الجدار وصار يأن بألم من كتفه و صدره يهبط وينزل من إطارب تنفسه كمل

عبدالعزيز والشرار يتطاير من عيونه  : وربي يا سهم واللي رفعها سبع ان شفتك تاخذ من السم ذا ولا اعرف انك رجعت تكلم أصاحبك  الزفت هذولاك انك لتندم ووقتها لا أنا اخوك ولا اعرفك وصلك العلم خرج من الغرفة وهو يمنع مشاعره من انها تداهمه

ولكن استوقفه صوت سهم  : انت مالك شغل مالك دخل فيني انت أصلا مو اخوي لا تسوي نفسك المهتم وانت ما تدري عن شي أصلا ، تهددني فيك  ترا ما يفرق  طول عمرك عايش بعيد عنا مابتفرق معي الحين

التف له بكامل جسمه ونظر إليه لفتره بنظره ثاقبه تكسوها الحده وتخلو من الحنان او العطف : مو أنا اللي اخترت البعد وانت عارف سبب عيشي بعيد عنك لا تلومني على شي ما كان لي قرار او راي فيه لوم اللي كان السبب ولا تزيد نار قلبي كفاية اللي فيه