ديرة المناحة🌿

ديرة المناحة🌿 {6}

بارت الرمضان وكل عام وانتو بخير
انت تأتي متاخراً خير من الا تأتي 😁🤍.
~~~~~~~~~~~~~~~~~~~~~~~~~~~~~~•

شدن هزت رأسها بتوتر وقعدت وخولة خذت الخيشة ودخلت للمطبخ وتركته هناك ورجعت قعدت معهم لين مر الوقت وقامت أم مشعل وهي تقول: بجيكم بكرا ماعاد في حيل اقعد بروح أريح شوي
خوله: افا اقعدي كمان ي عمة
أم مشعل: قلتلك اتعاب السنين بدأت تظهر علي ولا لي حيل يلا استودعتكم ربي أنا بروح أريح
الهنوف قامت وراءها : الله يسلمك ويبقيك وم قصرتي ريحي شوي وأنا بجيكي بالأكل ع العشاء لا تتعبي نفسك
أم مشعل كانت بترفض لكن الهنوف حلفت عليها وراحت ام مشعل لبيتها
إيطاليا 🍕:
كانت دارين قاعدة قدام هالشخص كانها جماد وبس تناظر فيه ببرود مخيف مخيف لدرجة ديفيد الي راح وقعد بمكتبه ويناظرهم وم بينهم إلا الطاولة كان خايف من ردة فعلها
دارين بعد صمت دام دقايق طويلة جد : ليه جاي؟
وسام بحنية: اشتقت لك
دارين: خلصت الي عندك!
وسام : دارين
دارين بحده : لا تنطق اسمي
وسام بحده: عاجبك وضعك بين الكفار؟
دارين ببتسامة مخيفة: اكثر مما تظن
وسام: دارين لا تجننيني
دارين: وش تبي جاي أنت بعد كل هالسنين! وش تبي انطق
وسام: صالح...
دارين بقهر من ذكر هالإسم: عساه مات!؟
وسام : يعاني من سرطان المعدة وقاعد يتعذب بالمستشفى
دارين: عساه من هالحال واردى وبعدين أنت وش تبي جاي عندي ! وش اسوي لكم ترا ماني طبيبة عشان اعالجه واصلا إذا كان بيدي العلاج وعز الله إني ارميه ف المجاري ولا أعطيه "الله يكرمكم "
وسام بصدمة: من وين لك كل هالقسوة؟
دارين بضحك واستهزاء: لا بالله؟ أنت يوم جيتني وش منتظر إني ابكي وأجري عليك آخذك بالأحضان؟ لا ي بابا ماني دارين الي تبكي على أي شي ماعادني نفس دارين الاولى حلفت باليوم الي اتبريتو مني إني ماعاد انزل عشانكم دمعة وحدة حتى، والله ان هالدمعه استكثرها عليكم ولا أنزلها ، الكلب يستاهل دمعتي ولا انتو تستاهلوها.
وسام كان منصدم من نسخة دارين الي قدامه م تخيل بيوم ان دارين البنت الي قلبها ابيض البنت الي على نياتها وإذا احد رماها بكلمة تسكت وتضحك وتمشي الأمور البنت الي م كانت تزعل ابد وإذا مات ذبان بكت عليه وإذا انجرح إصبع بالغلط من احد من عائلتها تبكي بكاء هيستيري م تخيل بيوم انه يشوف دارين قالبة، لدرجة بدأ يشك إذا الي قدامه هي نفسها دارين ولا لا ولا الغرب ذول عطوها شي وغيروها عن اول لكن الي م كان مقتنع فيه وسام ان هالتغير كله صار بسببهم بسبب أبوه واخوانه وخواته وكل عائلته بسببهم هي صارت كذا من بنت رقيقة ارق من الورد لبنت ماعاد يهمها شي من هالدنيا غير رضاء ربها وانسانة متبلدة تماما وقاسية بمعنى اصح هذا الي وسام يشوفه في دارين قاسية وأقسى من الحجر
دارين بطفش: إذا خلصت لو سمحت اطلع برا عندي شغل ولزوم ارجع لشغلي ماني فاضية لأشياء تافهة وكلام فاضي ؛ والتفت لديفيد وهي تسأله بـ TI: هل يوجد شي آخر؟
ديفيد بلغته الأمية الإيطاليا البحت : هل انتهى كل شي!
دارين عرفت مقصده وهزت رأسها بنعم
ديفيد: حسنا إذا يمكنك الذهاب
دارين قبل م تمشي لفت على ديفيد وهي تقول: إذا أتى مرة اخرة أتمنى ان لا تطلبني ف أنا لا علاقة لي به
ديفيد سكت وهز رأسه وهي مشت وطلعت من المكتبة
التفت ديفيد لوسام وهو يقول: أخبرتك انها مختلفة عن قبل لقد استعجلت ي صاح
وسام وهو يرجع راسه وكتفه لوراء بعد م رفع يدينه وهو شابكهم مع بعض وحطه على عيونه TI : ماذا افعل لقد ظننت أنها نفسها الذي تركتها ظننت أن استعادتها سهل مع قلبها الطيب لكن ،... هذا آخر م توقعته منها
ديفيد: وماذا كنت تظن ان يكون ردة فعلها ها؟ هذا اقل شي تفعله بك ؛ وقال بالعربي المكسر ؛ يالخسيس
وسام ضحك على الجملة لكنه مازال على نفس الوضع يفكر ويفكر يحس عقله مو مستوعب هالنسخة من دارين للان يفكر والحين بعد م الكل عرفو أنها بريئة؛ بعد م طلع برائتها مثل براءة الذئب من دم يوسف م كان بيدهم غير أنهم يرسلو وسام اصغر اخوانها وأبوها على فراش الموت من غبنته وقهره وصالح!.. حتى هو كل م يتذكر صالح وده لو يروح ويقتله بيدينه لكن وين وهو محجوز بالمستشفى.
الديرة ف صحاري السعودية 🌿🐪:
كان الحرب قايم وكل واحد منهم على فرسه وبيده سيفه ونصهم تلطموا بالشماغ
كان عز من بينهم يقاتل و اي شخص قدامه يقتله بدون م يرف له جفن بقوة لين سمع صوت من وراءه يقول وهو يصارخ: ي عز انتبه وراك
ولا امدا عز يلتفت إلا ويشوف ذاك الي رافع سيفه بأقوى م عنده وناوي يقتل عز ولا هي ثواني إلا وسهم من بعيد يخترق هالجسد الي كان ناوي على عز وهنا عز فتح عيونه بقوة وناظر للمكان الي جاء منه السيف وأول م شاف هالمنظر يحلف انه كان احلى مشهد له اليوم كأنو واقفين وكل واحد فيهم متلطم بشماغه وكأنو هالاثنين يعرفهم عز زين وشلون م يعرفهم وهذول يدينه اليمين واليسار الدب والتريبي الي رسلهم يجيبو الإمدادات ووصولهم بذي اللحظة م تعني إلا ان النصر قريب بإذن الله والإمدادات وصلت
عز بصوت عالي: الله اكبر
واصوات جيوشه واصحابه كأنو يرددو وراءه : الله اكبر
عز: النصر لنا
: النصر لنا
عز: اشهد ان لا إله إلا الله
وفعلا هالكلمتين لوحدها رفعت معنويات الكل ورجعو يحاربو بأقوى من قبل وهالمرة معهم مساعدات ونزل التريبي للساحة مع عز وبقية أصحابهم والدب واقف ويأمر الي معه يرمون بالأسهم على الاعداء ...
بعد يومين بالضبط من هالاحداث :
بذا الوقت دخل واحد من الفرسان لمجلس الشيخ وهو يقول: ي شيخ الرحالة اقبلو على الديرة
ابتسم الشيخ وهو يقوم ويقول: ي مرحبا بهم مشينا نستقبلهم ، والتفت على ولده شجاع وهو يقول: ي شجاع قوم فز انت وأخوك وروحو اذبحو من الحلال نبي نكرم ضيوفنا ، وناظر لزهير واحد من العيال الي كان بالمجلس وهو يقول : وانت ي ولدي قم رح علم الكل ان غداكم وعشاكم وفطوركم اليوم وبكرة وبعده على الشيخ وبمجلسه وابي الكل يحضر ولاحد يعتذر ابد
هز زهير راسه وراح بالفعل وطلع للمنبر وهو يصارخ بصوته ويعلم الكل وكان المنبر بوسط السوق بحيث الجاي والرايح يسمعه والحاضر يعلم الغايب
عند اسر الي كان قاعد جنب شجاع وهمس بينه وبين نفسه: تونا م قلنا بسم الله
ابو شجاع بحده: اسر قوم مع اخوك بسرعة
اسر : ابشر يبة
وبالفعل راحو بسرعة الاثنين وكان الطريق صمت لين وصلو لمكان الحلال وبدا شجاع يختار وأسر واقف ينتظره
اما عند ابو شجاع الشيخ ف وقف قدام مدخل الديرة واول م شافو الرحالة بنياقهم وأغراضهم تقدم ابو شجاع وبدا يرحب فيهم وضيفهم بمجلسه
الشيخ: أنورت الديرة بقدومكم يالله انك تحييهم
واحد من الرجال والي يعتبر قائدهم او خلنا نقول المرشد الي الكل يروحو وراه بدون استثناء: الله يبقيك
ابو شجاع: زهير ي ولدي ضيفهم من القهوة وأجود انواع التمر الي عندنا
زهير : ابشر ي شيخنا، وبالفعل بدا زهير يضيفهم بالقهوة
عند الهنوف الي كانت قاعدة مع خولة وشدن وكانو يسولفو سوالف عادي
شدن بتردد: انتو من وين بالضبط؟
الهنوف: من الديرة القريبة من هنا
شدن: وش اسمه!
الهنوف رفعت راسها وناظرت لشدن ورفعت حاجبها باستغراب من لقافة شدن وكثرة اسألتها : وليه السوال؟
شدن: أنا اعرف كل الديار القريبة مننا لذلك اسألك كود يطلعلي احد اعرفه ويعرفكم بعد
الهنوف توترت وانقهرت وقالت بقهر: ديرة السحيلي تعرفينها اكيد
شدن الي بالفعل كان ف ديرة قريبة منهم بذا الاسم قالت: لكن أنا خوالي بنفس هالديرة واروح له كل فترة والثانية ولا بعمري شفتكم ولا حتى بصغري
الهنوف اتوترت زيادة وبدا وجهها يقلب احمر وخولة ولا همها كانت بغرفتها تدور جوالها الي توها تستوعب انها ضيعته لكن وين م تدري ولا تذكر وقلبت الغرفة فوق تحت لكن م حصلت شي ونست تماما اوجود شدن برا ف الصالة وخرجت بسرعة من الغرفة وهي تقول بصوت عالي: الهنوف دقي على جوالي بالله مدري وين ضيعـ...
الهنوف اول م سمعت هالجملة قفلت عيونها بوهقة وانقهرت من غباء خوله الي طيحتهم بمصيبة او هذا الي كانت تشوفه الهنوف
شدن بصوت واطئ لكن يسمعوه: جوال... كنت ادري ... كنت ادري انكم مو من هنا.. كنت حاسة أشكالكم م توحي انكم من هنا
الهنوف فتحت عيونها تناظر لشدن وكذلك خوله الي وقفت متنحة وتناظرهم بخوف من العيد الي جابته.
ايطاليا🍕:
عند دارين خرجت من مكان شغلها وخذت شنطتها وطلعت بسرعة لسيارتها ومشت بأعلى سرعة والسيارة كان نوعه جاكوار إف تايب 2020 والهواء يضرب فيها بقوة بسبب سرعتها وبسبب اجوائهم الغير تماما عن ارضي السعودية
اخذت جوالها وهي بهالوقت كانت محتاجة خوله وبشدة وعلطول طغت على رقمها لكن كالعادة يرن بس محد يرد وانقهرت زيادة ورجعت تدق ثاني وثالث لكن نفس الشي
الاراضي الحبيبة🇸🇦:
عند مطلق الي كان بالحوش ينظف البيت لامه بحكم كبر سنها ووجع رجولها وتعب جسمها بالكامل والي ي دوب تقدر تقوم بنفسها ويادوب تطبخ لكن الصوت الي كان يخرج من جيب ثوبه وقفه عن الشغل وخرج الشي الي يرن وعلطول ناظره باستغراب وظل يناظر ويناظر وهو كل شويتين يتقفل ويرن من جديد ولا هو داري وش ذا الشي بحكم عيشتهم وبعدهم التام عن العالم والناس لين سمع صوت امه من داخل البيت وهي تقول: ي مطلق ي امي تعال ابيك تساعدني بذا الخضار
مطلق بتوتر قعد يهز الجوال لعله وعساء يتقفل لكن ماش مامن نفع ولا عرف له دبرة وعلطول راح وحط الجوال بنفس السلة الي جابه قبل والي فيه اغراضها ودخل داخل البيت يساعد امه
عند البئر كانت تسحب المويا سحب وتعبي الدلو الحديدي الي جايبته معها لين خلصت ورفعت جسمها بتعب ورجعت ضبطت الشي الي من بعد الله يسترها والي هو حجابها وخمارها على راسها ومسكت الدلو بقوة ومشت ترجع للبيت وهي ترجع مرت من عند البركة المهجورة لكن وقفها شي غريب وهي تعرف ان هالبركة محد يجيه واستغربت اكثر يوم شافت نفس الفرس الي كان واقف قدام بيت الشيخ ولا فكرت لثانية وعلطول تقدمت وبدت تلمس الفرس وكانت طايرة للسماء وكانها حققت حلم من أحلامها، فرح الواحد يستغرب منه وقعدت تلمسه وتداعبه والغريب ان هالفرس م عطاء اي ردة فعل مثل اي فرس عربي اصيل الي م يرضى احد يلمسه إلا صاحبه بالعكس الي يشوفها يحسب ان هالفرس اساسا لها لكن الصوت الي جاء من وراءها خلَها تفزع وبقوة لدرجة تمسكت بالفرس ودلو المويا الي بيدها كله انكب على رجولها والدلو راح لين عند رجوله وهو يتدحرج وكلها ثواني ورفعت راسها تناظر بذا الشخص الي فجاة صرخ بصوته المخيف الجاف
ديمة رفعت راسها وقعدت تناظر لذا الشخص الي جاء من حيث لا تحتسب لكن سرعان م راح شعور الخوف من قلبها وجاء بداله شعور الاستنكار وقالت وهي رافعة حاجبها اليمين: ومن انت؟ م تستحي جاي تكلم بنات الناس! ولا بعد ترفع صوتك
شجاع بغضب احتله تماما وقال وهو يصارخ وبحده: ابعدي دام النفس طيبة عليك
ديمة رغم الخوف الي دب داخلها من صوته وصراخه لكن مستحيل تسكت له وهو كذا يصارخ وقالت باستهزاء: يوه خوفتني تكفى... اقول تكلم عدل ولا ترفع صوتك علي ماني بأصغر عيالك تجي ترفع صوتك 
شجاع بحده وهو يحاول يمسك نفسه لا يروح لها ويكسر عظامها على ذا اللسان: اقول امشي من هنا ي بنت الناس امشي من هنا ؛ وقال آخر كلامه م بين اسنانه
ديمة خافت وبكثرة لكن العناد راكبها وبدون اي تفكير ابتسمت بوجهه وسحبت اللجام حق الفرس وبحركة سريعة ركبت على الفرس وبأقوى م عطاها ربي أضربت اللجام والفرس م كان منه إلا انه يسرع وفجاة وخلال ثواني معدودة حتى شجاع م قدر يستوعبه الفرس والبنت اختفو من قباله وهو بقى متنح بالحركة ويناظر لموضع الفرس الي كان والي صار فاضي ومافي إلا غبارهم...
المغرب:
الجدة: ي ولدي روح دور على اخوك شوف وينه مختفي من اليوم وحنا ننتظره روح ي ولدي شوفه وينه هو ووين ارضه لايكون رجع مرة ثاني واختفى
كانت تقوله بخوف واسر قدامها طفش من كثر م الجدة كررت عليه هالجملة الي حفظها اكثر من اسمه اسر بتنهيدة: ابشري الحين بقوم بس بتقهوة مع أخيتي شوي.
واخذ فنجان القهوة الي مسويته عروب ولا أمداه يحطه بفمه إلا والجدة رجعت تكلمه وواضح الزعل ف نبرة صوتها ويحس شوي وتبكي : ي ولدي القهوة وأخيتك ماهم رايحين مكان بتحصلهم إذا رجعت بس هذا شجاع .. انت خابره ي ولدي روح عشاني الله يرضى عليك
اسر بفزع من نبرة صوتها : ابشري ابشري ها شوفيني قمت والحين رايح له بس انتي لا تبكي الله يسلملي الي جابوك إلا دموعك ي زينة البنات لا تنزل
الجدة: الله يرضى الله عليك روح شوف اخوك والله اني خايفة عليه واحس قلبي مقبوض ريح قلبي ي ولدي وجيبه معك
اسر: ابشري خلاص رايح
راح وباسها على راسها وطلع بسرعة وهو يلف عمامته
بهالوقت الديرة كانت سكون محد برا بيته وهذي من عادات اهل الديرة اول م تغيب الشمس كل واحد ببيته وم يخرجو إلا للصلاة وخلاص من بعد صلاة العشاء الأبواب تتقفل وشبابيك الحلال ينربط زي الناس والتاجر ياخذ بضاعته ويرجع لمكان استقراره او بيت الضيوف الي هو مرحب فيه والبايع يقفل متجره والكلاب تحرس اهل الديرة والفرسان يتمشون حولين الديرة ويراقبونه
خوله: هايل تجي معي!
هايل بنفور: بكون خبل إذا مشيت معك روحي لوحدك
وبهمس ينسمع: غبي أنا امشي وراءك!
خوله: الهنوف اقلها انتي تعالي
الهنوف: ارحميني انتي شايفة الظلام برا مستحيل اروح وانتي تعرفيني اخاف من الظلام لو اموت م طبيت برا البيت بهالوقت
خوله بقهر: اوف يعنى الحين مع من بروح مثلا
الهنوف: ووش فيها إذا رحتي الفجر بعد الصلاة
خوله: أنا ماني من اهل الصباحيات أنا انام الصباح وشلون تبيني اروح الفجر وانا م انام إلا وقته
الهنوف: اقول روحي الصباح وخذي هايل معك وبعدين مو قلتي مضيعة جوالك خلاص الصباح لا رحتي مع هايل تقدري تدورينه هناك
خوله بقهر : قسم بالله مدري وين راح ذا الجوال قسم بالله بديت اشك ان عنده رجول
الهنوف: بس أنا تاكدت ان م عندك عقل اقول خلاص طفشت ضفي عن وجهي وانت تعال اراجع لك الي حفظته ، صدعت قسم بالله والله لو انك هايل
هايل: أنا احسن منها
الهنوف: لاول مرة اتفق معك
خوله: ترا باقي واقفة عندكم يعنى اسمع تراني
الهنوف: والمطلوب!
هايل: افهميها المقصد انك تسمعين وتبطلين حركة البزران والتفكير الغبي الي حتى الورعان م يفكرو فيه
خوله انقهرت من الاثنين ورجعت دخلت لغرفتها بقهر
الهنوف بعد م خوله دخلت الغرفة علطول ضربت هايل على كتفه وهي تقول: احترم الي اكبر منك سامع؟ لا أشوفك تقل ادبك مع خوله مرة ثاني فاهم!
هايل بانصياع: ابشري
الهنوف: يلا
هايل: بسم الله الرحمن الرحيم ...