ديرة المناحة🌿

ديرة المناحة🌿 {2}

اعتذر على التأخير لكن لا الدعم حلو ولا زانت نفسيتي
والحين أترككم مع البارت:
لكن قبل بعرفكم على الشيخ واهله .
الشيخ > شيخ القبيلة القايد متزوج اربعة اثنين منهم متوفين
الجدة ام الشيخ
حريمه:
الثالثة شمايل ام سهم
الرابعة نجد عقيم وهي الي ربت ترف وعروب
عيال الشيخ:
اكبر عياله شجاع من زوجته الاولى عبلة "متوفية" ٣٤
ثاني عياله مهاب "البطل المجنون" من زوجته الثانية العزوف"متوفية" ٣٠
ثالث عياله آسر من زوجته الاولى عبلة "المتوفية" ٢٨
بنته ترف من زوجته الثانية العزوف "المتوفية" ١٧
واخيراً سهم من زوجته الثالثة شمايل ٨
عروب تعتبر خادمة ترف لكن هم علاقتهم علاقة صحبة وهي بنفس عمر ترف يتيمة ١٧
~~~~~~~~~~~~~~~~~~~~~~~~~~~~~~
الحكمة من الرواية لا تعترض على فضل الله واعرف ان كل شي يصير لك بالحياة هي قسمة ونصيب والنصيب مكتوب :
بسم الله نبدأ الحين🤍
~~~~~~~~~~~~~~~~~~~~~~~~~~~~~~~~~

الصباح بالديرة 🌿:
خرج وصال باستعجال وبيده سندويشات بالمرق وعلطول بدا يجري واول م وصل لمكان مهاب الي صار ينام فيه والي كان برا الديرة بالضبط بمكان فيه شجرة كبيرة ووصال حاط فيها سرير من حديد هو مسويه بنفسه عشان مهاب ومفرش فيه عشان يرتاح مهاب واول م وصل شاف مهاب باقي نايم وحزن على حال صاحبه وأخوه قبل كان يصحى قبل لا الديك تصايح والحين مر صلاة الفجر وطلعت الشمس وصاحبه باقي نايم ولا يدري عن العالم شي والأسف الأكبر انه م يصلي مهاب ماعاد صار يعرف شي لا صلاة ولا دين ولا ناس ولا اي شي وهنا صحي وصال من هواجسه وابتسم وراح جنب مهاب عند راسه وبدا يصحيه وهو يمسح على راسه : مهاب مهاب
مهاب بدأ يفتح عيونه وقال: خير وش تبي!
قال بنبرته الي كان وصال معتاد عليها قبل، قبل لا تصير هالحادثه كله وهنا وصال فتح عيونه بقوة وبدات يدينه ترجف من فكرة انه صاحبه رجع وكان يدعي من داخله ان ظنونه تطلع صح لكن بالدقيقة الثانية خاب كل اماله
وفز مهاب من مكانه بحماس اطفال: انت ! انت جيت تلعب معي صح؟
وصال نزلت دمعة منه وعلطول مسحها وصار يضحك زي مهاب وابتسم وهو يهز راسه: ايه أيه أنا جيت العب معك وو..وكمان شوف وش جبت معي
مهاب بشهقة اطفال رغم كبر سنه: هذا لي؟
وصال: ايه ايه هذا واحد لي وواحد لك انت
مهاب؛ هاته
وصال: لا امي قال بالاول لازم نغسل نفسنا
مهاب؛ بس أنا نظيف وصال ناظر لصاحبه الي الي يشوف حاله مستحيل يقول عنه نظيف هذا اقل م يقال عنه انه لاعب بالتراب والزبايل الله يكرمكم ،وصال: بس هذا كلام امي يلا وانت لازم تسمعه
مهاب: طيب طيب بقوم اغسل وارجعلك لا تروح مكان
مشى خطوتين والتفت على وراء وهو يعيد كلامه: لا تروح مكان أنا برجع الحين ولا تاكل اكلي
وكان كل م يمشي خطوتين يرجع يلتفت لوراء ويعيد الكلام نفسه
وبالفعل غسل اي كلام وجاء وعطاه وصال الساندويش المحطوط فيه مرق الإيدام وبداو الاثنين ياكلو تحت الشجرة الكبيرة الي صارت بيت لمهاب ومأوى لوصال من ضيق الدنيا
وناظر لمهاب وهو يقول : 
" اثرك بقلبي من البارح وانا استعجلك
‏واثري نسيتك من الفرحة وقمت احتريك "
مهاب: الله انت شاعر؟
وصال ببتسامة موذية؛ ايه شاعر واتعلمت الشعر من انسان لو ادور الدنيا هذي كلها ماني بحاصلن مثله والحين تراني منتظر رجعته على امل اصحي يوم واسمع هالخبر الي اموت بسببها من الفرحة
مهاب بخوف؛ لا تموت
وصال بصدمة: وشهو،
مهاب: لا لا تموت انت لا تموت محد يحبني مثلك لا تموت
وصال ناظر فيه بعمق: بأذن الله ماني بميت لين اشوف رجعته
سكت مهاب ورجع يكمل اكله ويطلع اصوات غريبة
ايطاليا 🍕:
الهنوف كانت تسوي الفطور مع خولة وبالها مشغول تماما وخولة كانت مركزة عليها ،خولة: وشفيك؟
الهنوف: ها؟
خولة: اقولك وشفيك؟
الهنوف: مافيني شي مافيني شي
خربة: أنا ادري ان فيك شي بس براحتك
الهنوف بتفكير رجعت تكمل التجهيز وكانت خولة لازالت تراقبها خولة بفجعة: بنت هذا سكر
الهنوف ناظرت لخولة ولاهي دارية عن شي: واذا سكر؟
خربة: اقولك سكر سكر وشلون تحطي سكر بالبيض؟
لا صدق انتي وشفيك اليوم؟
الهنوف بتعب نزلت راسها على الطاولة وهي باقي واقفة: برجع السعودية
كان هالخبر كبير على خولة الي م شافت السعودية من سبع سنين
الهنوف ناظرت لخولة وشافتها متنحة: بنت اقولك بسافر للسعودية واحتمال ماعاد ارجع
خولة بدات ترجف وترتعش من فكرة الفراق: ليه !
الهنوف: صار الوقت الي ارجع فيه
خولة: ليه طيب؟ مو قلتي بتقعدي هنا لين تحصلي اخوك؟
الهنوف: وهذا السبب الي برجع السعودية عشانه
خولة: وشلون؟
الهنوف: مو ضروري الحين كيف ووش صاير المهم اننا بنرجع السعودية جهزي أغراضك ماني بتاركتك هنا
خولة وهي باقي بحالة صدمة: بس... البنات
الهنوف مسكت راسها وهي تحاول تاخذ نفس لان فراق البنات هي بعد صعب عليها لكنها مضطرة ، الهنوف: افهميني ي خولة حتى أنا م ودي اتركهم حتى أنا ودي اقعد معهم العمر كله بس افهميني مضطرة والله اني مضطرة غصب علي افهميني
خولة هزت راسها وخرجت من المطبخ ودخلت غرفتها علطول ولا بينت لاحد شي دخلت غرفتها وقفلت على نفسها الباب
الهنوف بالمطبخ كانت تروح وتجي وهي تفكر،
فكرة الرجوع للسعودية بيكون تحول كبير بحياتها ولا هو بيدها كل شي تسويه تسويه غصب عنها مجبورة
خرجت من المطبخ وهي تحاول تتصنع الابتسامة وبيدها الفطور وحطت قدامهم وقعدت هي بعد
دارين: بروح انادي خولة تاكل معنا
الهنوف م اتكلمت وراحت دارين
خولة : مابي كلو انتو بالعافية
دارين بكذب : ترا الهنوف مسوية جريش
خولة: قلتلك مابي كلو انتو عليكم بألف عافية
دارين استغربت ورجعت للبنات: بنات شكلها مريضة
اصايل: بسم الله عليها اشفيها؟
دارين: قلتلها الهنوف مسوية جريش وقالت م تبي متخيلين
اصايل: معقولة!
دارين: أنا اقولكم اكيد هي مريضة
الهنوف؛ اتركوها خلاص وعاد إذا هي جاعت الاكل بالمطبخ تروح تاكل متى م تبي
البنات زاد استغرابهم من الهنوف الي كانت م ترضى خولة تقعد بدون اكل
دارين: وين سلطوني!
ليلي: نايم
دارين: ي قلبي هو اشتقت له
ليلي: إذا صحي بكلمك
دارين: ايه تمام
دارين: ووينه هايل وسوسو؟
الهنوف؛ سهر الليل والحين نايم
اصايل: سوسن برضو نايمة الليل كله م نامت كانت مريضة وارتفع حرارته وتوه الفجر شفتها الحمدلله خف
دارين: وش ذا الصباحية بزارينكم نايمين وش ذا؟
الهنوف: أكلو أكلو
الديرة 🌿:
مطلق: يمة محتاجة شي؟
ام مطلق: لا ي يمة كل شي عندي أنت روح تيسر لحلالك
هز مطلق راسه وخرج من البيت وهو قلقان على امه
ومر يومه بشكل طبيعي وكالعادة راح يدور مهاب قبل لا يرجع البيت وبعد م قعد معه وأشترا له من البقالة واتاكد انه بخير رجع البيت
ايطاليا 🍕:
الهنوف رفعت راسها بعد م قررت واخيرا تعلمهم: بنات بقولكم حاجة
دارين رفعت راسها ومعها اصايل وليلي: وش؟
الهنوف اتنهدت بقوة: برجع السعودية خلاص
دارين وأصايل تركو الي بيدهم وناظروها بصدمة وسكون
الهنوف بحزن شديد: مضطرة والله مضطرة ارجع
دارين: ليه طيب؟
الهنوف: ماعاد في سبب يخليني اقعد هنا
أصايل بخوف: وشلون؟ اخوك فيه شي! حصلتيه!!
الهنوف هزت راسها بلا : لا بس جاني خبر انه هو حاليا بالسعودية وتحديدا بديرة من ديارها ومتخبي هناك
اصايل: يعني بتروحي!
الهنوف هزت راسها بنعم وسكتت
دارين تركت الاكل وقامت وهي تقول: الله معك وتوصلين بالسلامة مضطرة اروح لشغلي الحين
الهنوف: باخذ خوله معي
دارين وقفت بمكانها بصدمة وناظرت الهنوف بنظرات صدمة وحسرة وكانها تقولها م يكفي انك بتروحين بتاخذين وحدة مننا بعد !
الهنوف: لازم اخذها صدقوني هي وجودها مهم ولازم تروح معي
أصايل: ليه اوجودها مهم م فهمت؟؟
الهنوف: صحيح ان خوله م علمتكم عن حياتها شي لكني عرفت أشياء كثير عن حياتها و لذا السبب لازم اخذها معي لازم تتصلح أمورها هي لازم ترجع للي تنتمي لهم اهلها قبيلتها ناسها
دارين بحده: بس انتي تعرفين انها م تطيق احد فيهم ومستحيل تتقبل انها ترجع لهم
الهنوف: كل اهلها ماتو قبل شهر
دارين برجفة: وشلون ! وانتي كيف عرفتي!
الهنوف: مو مهم كيف عرفت لكن هي لازم ترجع ولازم تقابل اهلها
أصايل: دامك تقولين ان اهلها ماتو ترجع لمن ؟
الهنوف؛ اهلها عمرهم م عطوها حقها من شي بذي الحياة والحين كل شي تركوه خلفهم من حقها ومالهم وريث غيرها ولازم ترجع تاخذ حقها بيدها او تسلبه منهم
دارين: وانتي تحسبي ان خوله إلا تخاف من ظلها تقدر تحارب ناسها عشان حقها؟؟
الهنوف: أنا ماني بتاركتها
أصايل: بيكون ف وقت انتي بتنشغلي فيه بحياتك وقتها خوله وش تسوي؟؟ هل بتقدر تحاربهم؟؟
الهنوف: تقدر خوله ماهي ضعيفة واذا هي خافت من ظلها فهي م تخاف من الوحوش ولا نسيتو يوم كلنا خفنا من الذئب ورجعنا على وراء كانت خوله الي اتقدمت وحاربت الذئب لين فصلت راسه عن جسمه؟
دارين: الهنوف افهمي الناس مهم مثل الذئابة وبعدين هي قدرت ع الذئب لانه كان واحد وهناك بيكون ف وجهها قبيلة
الهنوف: علمتكم قبل ماني بتاركتها لوحدها وحقها بنأخذه بالقانون بدون م نوسخ أيادينا بشي
دارين: وبالله الحين بتفهميني انكم بتاخذو حقها بالقانون ولنفترض انهم هجمو عليكم ولا سولكم شي فجاة
الهنوف: ولذلك بنروح لديرة يصعب على اي احد من القبيلة ذيك انها تدخلها او تقرب لها
أصايل بشك: لايكون....!!
الهنوف: ايه بنروح لديرة القايد "ديرة المناحة🌿" .....
عم الصمت لثواني...
اصايل ودارين اتجمدو بمكانهم من الخبر الي نزل عليهم مثل الصاعقة وكذلك خوله الي توها خرجت عشان تدور مناديل لان الي عندها خلص بعد م مسحت فيه دموعها الي م وقف لكن بمجرد م سمعت اسم الديرة اتجمدت بمكانها وقعدت تناظر الهنوف
ومن هنا تبدأ روايتنا مع البنات والديرة المشؤومة ومع اهلها ومع غموضها وقصصها الكثيرة والغريبة واهلها الأغرب🤍🌿.