السلام عليكم ورحمة الله وبركاته.
كل عام وانتو بخير وينعاد علينا وعليكم بالصحة والعافية واعذروني على القصور .
~~~~~~~~~~~~~~~~~~~~~~~~~~
خوله بقهر: هذي وينها عن العالم بالله؟؟
شمائل: اتركك منها طيب وينه هايل ؟
خوله: على ذكرك لاسمه شوفيه هذا هو توه صحي من النوم . ووجهت الكاميرا على هايل الي توه خرج من غرفة امه وشعره فوضوي وكارثي ولابس بجامته
شمائل: يمة ي هايل وشلونك ي قلبي؟
هايل اول م سمع صوت شمائل: قعد يناظر ويلتفت يمين ويسار يدورها
خوله: تعال تعال هذي هي هنا لا تدور عليها يمين ويسار
وجه نظره هايل لخوله ويوم شاف الجوال بيدها شهق بقوة وهو يقول: ي الكذوب الجوال هذا هو بيدك ليه ذاك اليوم جيتي عندي وقلتيلي اني خذيت جوالك والله لا اعلم امي عنك كنتي تتبلين علي !!
خوله انخرشت من كلامه السريع والي م وقف ولا ثانية عشان ياخذ نفس
وشمائل ودارين اول م خلص ماتو من الضحك على خوله وشكلها وعلى صدمة هايل.
~~~~
عند الهنوف: ها كيف حاسة الحين خف الوجع ولا باقي؟
الجدة بارتياح: والله ياني مرتاحة
الهنوف: حلو اجل سويتي الي وصيتك عليه؟؟؟
الجدة بتعب واضح من نبرة صوتها: ايه والله ي اني مشيت ومشيت م قد مشيته غير بذا اليومين
حتى وانا شباب م مشيت كذا
الهنوف بضحك: عاد ي امي الي اعرفه ان قبل كم سنة كنتو رحالة ومن ديرة لديرة لين استقريتو هني وشلون تقولي م قد مشيت مثل هالمشي؟؟
الجدة بضحك: أووه لازم أبالغ شوي ولا وشلون بخليكي تتعاطفين معي وتعفيني من هالمشي
الهنوف بضحك: بس انتي لازم تمشين عشان صحتك المشي زين وم يصير تقعدين طول الوقت لازم تمشين
الجدة هزت راسها
~~~~
: بشر ي عز
عز : خذينها ي ولد العم ، بس ان كانك م سمعت ترا سمعت انهم قاعدين يخططو علي شي والعلم عند الله انهم ناوين علينا
: ادري عنهم
عز : ي ولد العم بغيت اسالك ..
: ولو اني ادري وش بتسأل بس اسلم
عز بتردد : اختي ..
: بخير م عليك
عز : طلبتك خلهم بين عيونك م صدقت انهم رجعو لديرتهم واهلهم بعد هالسنين
: لا توصي حريص ي عز لا تنسى انهم اهلي وشرفي بعد
عز : وش اخبارهم؟
: والله على حسب م أشوف انهم بخير وان شاء الله قريب ترجع لهم
عز وهو يمسح وجه بضيق : نقول ان شاء الله
رفع عز راسه بعد م حس باليد الي على كتفه
: لا تخاف عمره الكذب م طال ولو طال مرده يبان
عز : بس ي عضيدي انت تدري وش أنا فيه ووش الاتهامات الي فيني وفوق ذا أ..
زفر نفس بضيق وقهر: لا تخاف علمتك مرد حبال الكذب تبان
عز : ي رب ستر وعفوك ورضاك ؛ متى بينتهى كل ذا !
~~~~
اسر: شجاع شجاع وقف
شجاع كان يمشي ولا يسمع
اسر بغضب: وقف ياخي خلني اعرف انت وين رايح
شجاع: ....
اسر: طيب اصبر خلني اجي معك
لف شجاع بقوة وهو يرفع إصبعه بتهديد: يويلك إذا جيت وراي
اسر وهو مكمل : والله ياخوي حتى أنا م ودي اجري وراك لكن جدتي خايفة عليك وانت لك فوق الساعة تدور بهالديرة بيت بيت وش تدور عليه بالضبط علمني يمكني اقدر اساعدك
شجاع بعد م نفذ صبره وقف وهو يتنفس ويحاول ينظم انفاسه
اسر بعد م قرب منه حط يده على كتفه اخوه وهو يقول: وش فيك ووش تدور عليه
شجاع ناظر اخوه بحنين اشتاق له زمان عن هالحنية
اسر اهتز موقفه من بعد م شاف نظرات اخوه وكانه مشتاق وعلطول صد عنه ورجع قسى قلبه : صحيح ان م بيننا شي الحين لكن تبقى اخوي الكبير
شجاع حس بوجع من كلمته وصد هو بعد وبعد ثواني من الصمت : الفرس
اسر لف عليه وهو يقول: وش فيه الفرس؟
شجاع وهو متردد وبنفس الوقت م يدري وشلون يقوله ووشلون يبداء
اسر : علمني وش فيه الفرس م اخبر انه فيه بلاء
شجاع: لا بخير هو بخير الحمدلله لكن الفرس..
اسر: دامه بخير اجل وش؟ علمني يخي!
شجاع بسرعة : ف وحدة خذته
اسر : ها؟
شجاع: وشو ها !اقولك ف وحدة خذت فرسي
اسر وهو يحاول يستوعب: وشلون يعنى وحدة اخذته ! صاحي انت هذا فرس ،فرس عربي اصيل م يطيع إلا صاحبه وشلون تجي وحدة تاخذه ووين كنت انت يومنها خذته؟
شجاع : هنا البلاء ان الفرس كان طبيعي معها ولا ثار ولا سوا شي بالعكس راح معها وقدام عيني
اسر : وشلون يروح من قدام عينك ؟
اسر وكانه شي لمع بعقله : دامك تقول الفرس كان عادي معها لايكون..
شجاع علطول التفت له وكانه توه يستوعب
اسر بضحكة غلبة من الموقف الي هم فيه الحين
شجاع وهو يضرب كفينه ببعض: وشلون م جت ع بالي
اسر : يعنى هي صدق؟
شجاع وهو يناظر اخوه بحده وتفكيره راح عندها : وف غيرها يتجراة ويلمس فرسي ف غيرها الفرس يسمع كلامه؟
اسر : والله مدري... يعنى انت يومنك تدور بالديرة م فكرت تروح يم بيتها وتشوف إذا الفرس موجود هناك ؟
شجاع: ولا جت ف بالي ي رجال
اسر: اجل دام وضحت لك الصورة أنا بمشي وانت لا تتاخر ترا جدتي شيبت راسي حتى القهوة م خلتني اتهنى فيه
شجاع: روح روح وخلني أنا بعد اروح اجيب الفرس
اسر: ف امان الله
ومشى اسر وكذلك شجاع الي غير طريقه لاتجاه بيتها
~~~~
خوله :يلا دامك قمت روح غسل بحطلك الاكل لا تجي امك وتقول موتي ولدي جوع
راح هايل للحمام وبعد دقائق : خلصتي المويا علينا ترا مافي مويا بالحمام الله يكرمك
خوله: هايل قم انقلع من وجهي وش الي خلصتي المويا وش شايفني انت؟
هايل: محد بالبيت إلا أنا وانتي وانا توي صحيت يعنى انتي الي خلصتي
خوله: ي صبر الارض خلاص ادخل ادخل بروح اجيب لك مويا من المطبخ
راحت خوله للمطبخ وخذت السطل الي معبي مويا
هايل: اتركيه باخذه أنا انتي بنت م ينفع تأخذينه
خوله: لا طلع لك شنب وقتها تعال اتأمر علي وبعدين م قلت لك انقلع من وجهي وترا هذا السطل كبر حجمك ومعبي مويا وشلون بتقدر عليه
هايل: بس أنا رجال وأقدر عليه
خوله بصوت خافت: قسم بالله شكلي بيوم باخذه واعطيه لاحد المرعى يرعونه مع النياق عشان يعرف ان الله حق
خوله وهي تحاول تتمالك نفسها: هايل حبيبي لاكبرت كمان شويا وقتها سوي الي يريحك بس حاليا روح ادخل الحمام واخلص علي لا تجي امك وتشوفنا كذا وتأكلني بقشوري لان ادري محد بياكلها إلا أنا وتقول م اكلتي ولدي وولدي كان جوعان وانا نبهت عليك كان كبرتي عقلك وتركتي الولد ؛ اعرف اعرف وش بينقالي عشان كذا من البداية اسمع الكلام لا تجي امك وتفصل علي وعليك
هايل سكت وراح للحمام وخوله خذت السطل ويالله بالعافية شالته للحمام الله يكرمكم ورجعت تمسح المويا الي طاح بالارض وهي تشيله
عند شدن الي وصلت لبيتهم وكانت مترددة لكنها بالاخير دقت الباب
عند خوله الي كانت بالمطبخ وهايل عندها ياكل : لايكون الهنوف رجعت! بس غريبة مو كانه بدري
هايل: روحي بسرعة لا تخلي امي توقف بالشمس كثير
خوله وهي تناظر لهايل بغضب خفيف تركت الي بيدها وراحت للباب واول م فتحته م كانت تشوف شي من الشمس وحطت يدها فوق عيونها
شدن: هذي أنا شدن
خوله بربكة : ها ! .. ي هلا تفضلي تفضلي
دخلو الاثنين ؛ شدن: الصحن
خوله ناظرت فيها وبسرعة مدت يدها وخذت الصحن الي جايبتها شدن : م قصرتو بس م كان له داعي
شدن: هذا اكرام الضيف
خوله: اي ضيف الله يعافيك صارلنا قرابة الشهر هنا
شدن: بس تعتبرو ضيوف لأنكم جدد ولا تعرفو احد هنا
خوله: ايه أيه أنا بحط ذا وارجع لك
شدن : خذي راحتك
وبالفعل راحت خوله للمطبخ
هايل: من برا
خوله: ايه هذي شدن
هايل: خذي لها مويا جايتنا بهالحزة والشمس صاقعة وجايبة معها صحن اكرميها اقل شي بمويا
خوله: ايه صح
وبالفعل راحت خذت كاسة وصبت فيه مويا ورجعت للصالة
~~~~~
وبالفعل نفس م توقع هذي هي هنا ومخبيته بالحوش وراء البيت عشان محد يشوفه ولكن بسبب طوله وطول الفرس قدر انه يشوفه من فوق السور الي م كان طويل مرة واول م قرب ويبي ينقز من فوق السور اتجمدت خلايا جسمه كله اول م شاف الحسناء الي طالعة من باب البيت ولابسة جلابيتها الواسعة وشعرها الطويل الي مسويته جديلة على كتفها الأيسر طايح والشيلة الي على راسها محطوط بشكل عادي وبيدها سلة م قدر يركز وشفيها بسبب شتات ذهنه بالاحسناء نفسها والي كانت طويل ونحيفة نوعاما وفيها من الجمال الي يجذب اي احد جمال طفولي رقيق جمال ناعم كنعومة اطراف أصابعها مشت لين م وقفت عند الفرس ونزلت الي بيدها وبدات تمسح على الفرس وتسولف معه واذا سالتو وش كانت تقول ! ف والله مدري كل الي كان مركز فيه شجاع هي نفسها وصوتها العذب ومنطوقها الممتلئ الي يخرج الحروف منه كانه الحان موسيقي ولا يدري وش هي تقول لكنه صافن فيها لمدة لا تتجاوز عن الدقيقتين وفجاة م حس إلا بيدين تسحبه بقوة على وراء
عند شجاع الي خاف من الموقف وارتعب واستوعب على نفسه واول م لف بيشوف من ذا ولا ينكر ان الخوف دب ف قلب شجاع ب..
~~~~
شدن بحماس: والله كنت ادري انكم مب من هنا
خوله بحماس نفس شدن: ايه والله انك جميلة ليه تحطي ميك اب وتشوهي نفسك؟
شدن: يوه هذي قصته قصة
خوله: علميني عنها
شدن: امم دامنا فاضين ف بعلمك
خوله: اصبري اصبري بجيب لنا شي
شدن : مب وقته
خوله: لا اصبري بروح المطبخ وارجع
شدن: دام كذا ف بجي معك
خوله: يلا
وبالفعل راحو الاثنين للمطبخ وجلسو هناك وقعدت خوله تخرج الاغراض وتجهز وشدن جالسة تسولف
خوله : واختك الحين عساء بس طيبة مع زوجها؟
شدن: ايه الحمدلله طاير فيها
خوله: اعذريني بس ترا اختك تقهر م حبيتها
شدن: اختي وش اسوي
خوله: وانتي غبية! ليه تشوهين نفسك بالميك اب عشان اختك تقدر تتزوج
شدن: شوفي أنا عندي عدة أسباب اولاً زي م قلتلك لان اختي كانت تبي تتزوج قبلي بحكم ان هي الكبيرة ثانيا الرجال نفسه ذا الي اتقدم ترا ماهوب كويس يعنى هو طيب بس مو مرة مدري شلون افهمك وتدرين الحين احمد ربي اني م تزوجته ولا جاء خطبني لان والله الحين وانا اسمع سواليفه من اختي والله م كانه رجال عاد على قولة المثل كانه خاتم بإصبع اختي وم فيه خير لاهله
خوله: هو اكيد انه خيرة لك لكن ليه تشوهين نفسك قدام خلق الله عشانهم
شدن: قلتلك مو عشانهم كثر ماهو عشاني أنا عشان ارتاح
خوله: دامك تقولين عشان نفسك ف الله يوفقك
شدن: إلا م قلتلي وجوالك وش صار عليه آخر مرة جيت كنتي مضيعته
خوله: ايه لا تذكريني عاد للان م حصلته وأشك اني تركته عند البركة
شدن: يمة عند البركة؟؟ لايكون احد شافه عاد البركة كل يوم وعنده حريم وأطفال
خوله: لا مو البركة هذيك اقصد البركة الي محد يروح له المسكونة على قولتكم
شدن فزت : البركة المسكونة؟؟؟ وش موديك هناك؟
خوله: لايكون انتي بعد تصدقي الخرافات هذي؟
شدن: وشلون م تبيني اصدق والله لو يعطوني كنوز الدنيا م رحت للبركة نفسه
خوله: ايه نشوف
شدن: ترا صدق اتكلم لاعاد تروحي له تراه صدق مسكون
خوله: انا احصن نفسي وإقراء أذكاري واصلي صلواتي بوقته وكل خميس واثنين أصوم ولله الحمد وكل يوم اقراء وردي من القران وبعد كل ذا اخاف من وش بالله؟
شدن: حتى حنا نقراء ونصوم ونصلي
خوله: المهم تخاويني اروح ادور جوالي هناك؟
شدن بضحكة خايفة: أنا توني اقول لو عطوني كنوز الدنيا كلها م اروح له وجاية تسألني إذا بخاويك ؟؟؟؟ لا طبعا
خوله: اوف تكفين ي شيخة خاويني
شدن ببرود : أنا من متى أعرفك عشان أخاويك؟
خوله بصدمة: أمداك تبيعيني؟؟!
شدن برجاء: الله يخليكِ والله خايفة م ودي اروح له
خوله بإصرار: أنا معك تخافين من وش؟ مو توك تقولين انك انتي بعد تصلين وتصومين وتقرين أذكارك !؟
شدن: بس..
خوله: بدون بسبسة خاويني وم بنتاخر كثير بس بنروح ندور الجوال ونرجع
هايل: خالة
خوله: نزل له الوحي؟؟
هايل: ي خالة
خوله بصدمة: تسمعينه؟
شدن هزت راسها: ايه يناديك الولد روحي له
خوله: انتي سامعة وش يناديني به؟
شدن باستغراب: ايه يقولك خاله انتي مو خالته؟
خوله : ها ! اصبري اصبري بروح البس ومنها بشوف وش يبي
شدن: تمام لا تتأخر أنا بكون بالصالة
خوله راحت لهايل : وش فيك! بعدين من متى الاحترام وخالة؟
هايل؛ اوف الواحد حتى وهو يحترمك م تتركينه
خوله: لو اني متعودة على الاحترام منك كان تركتك ي راعي الاحترام المهم قولي الحين ليه ناديتني؟
هايل: بتروش
خوله: وهذا وقتك؟
هايل: وش اسوي يعنى قرفان من نفسي
خوله بعد تفكير دام ثواني : تمام قوم يلا وانا بجهز لك الاغراض
هايل: نسيتي ان مافي مويا بالحمام الله يكرمك!
خوله: ايه صح.. تدري وش أنا وشدن بنروح للبركة تعال معنا ومنها تتروش
هايل: طيب
خوله : يلا أنا باخذ أغراضك واحطه بالسلة
هايل: تمام
وبالفعل اتجهزو وخرجو من البيت الثلاثة
بيت الشيخ وباحدى غرف حريم الشيخ:
: تسوي الي اقولك عليه سامع اليوم ابي الكل ينام من بعد العشاء علطول سامع وش اقول؟؟
الغلام بخوف: حاضر ي عمة
: امشي بسرعة من هنا لحد يلمحك
مشى الغلام من عندها وهي قفلت الدريشة وطلعت من الغرفة.
~~~
فوق السطوح الترف: يمة
نجد بحنان: عيون امك
الترف بدلع: مشتهية أكلة بسييييطة مرة
نجد بضحك: امري وتدللي كم ترفة عندي أنا؟
الترف: احبك يمة
نجد: يلا تعالي ننزل نشوف عروب ومنها انزل اسوي لك الي تبينه
نجد: ابشري
وبالفعل نزلو وشافو شمايل واول م شافتهم انخرعت
الترف بتشكيك: وش وراك كذا خايفة؟
شمايل باقي الخوف واضح عليها لكن تحاول تتقاوى : وليه حاشرة نفسك؟؟
الترف : ابد بس قلت اكيد ان وراك بلاء وخلني اكتشفه
شمايل بقهر: واذا وراي بلا انتي وش دخلك بالموضوع؟
الترف ببرأة : افا وش ذا الكلام ي ام سهم لزوم اتدخل ولا وشلون انقذ نفسي وأهلي من سمك؟ الله يسامحك م تحبين تشوفيني اسوي خير لاهلي
شمايل انقهرت ولا زادت معها بالكلام وراحت مشت من عندهم
الترف بصوت عالي: ي ام سهم لا تنسي تعلميني آخر اخبارك لزوم اسوي ترياق لسمومك الجاية
نجد: امشي ي بنت فجرتي أذني بصراخك
الترف: اسفة ي بعد دنيتي
غرفة العروب :
الجدة: ها كيفك ي يمة !
العروب وهي جالسة وبحالة يرثى لها من التعب: بخير يمة
الجدة: شوفي جبت المعالجة حقتي عشان تشوف وضعك
العروب وهي تناظر الهنوف: م عليه يمة تعبتكم معي
الهنوف: لا تعب ولا شي والحين انسدحي خلني أشوف وضعك
العروب هزت راسها وهي تحس بثقل براسها لدرجة وهي جالسة كان راسها منزل لتحت ويالله ترفعه والحرارة ضاربة فيها مرة ثاني. راحت من الجهة الثاني وقعدت جنب عروب وبدات تشوف وضعها
الجدة: ها ي بنيتي وش فيها البنية!
الهنوف : م عليه يمة بخير بس..
وبذا اللحظة دخلو نجد والترف وانصدمو من الموجودين بس م قالو شي
الجدة: كملي وش فيها بنيتي العروب؟
الهنوف: اظن انها توحي شين براسها لكن لا تخافي طبها عندي
نجد باستغراب: ليه وش فيها
الهنوف : زي م قلت البلا براسها وانا الحين بكتب لكم كم عشب وأبيكم تجيبونه وبكتب لكم وشلون تحضرونه وبعد م تخلصوه أبيكم تخلونه على جنب ربع ساعة وشي كذا وبعدها شربوها الدواء وباذن الله كلها يوم وتتعافى
نجد هزت راسها وطلعت الهنوف وطلبت حبر وورقة
وراحت الترف تجيب لها وبدات الهنوف تكتب الوصفة وطريقته وبعد م خلصت عطته لترف وراحت بعد م نبهتها على كم شي
الجدة: وش المكتوب بهالبلاء
الترف بحده: المكتوب بهالبلاء هو الي بيشفي العروب
قالت جملتها وراحت وهي تكره جدتها لانها حرمتها من انها تكمل دراستها وايضاً لأسباب ثانية بنعرفها بعدين
والدراسة ف هالديار تقتصر للمتوسط فقط لكن بسبب الجدة م قدرت الترف تكمل إلا للابتدائي وهذا احد من أسباب كره الترف لجدتها
نجد وهي تمسح على شعر العروب : قومي ي بنتي خلني اروشك لعل تصحصحين شوي
العروب وهي تناظر عمتها نجد بذبلان: بردانة ي عمة
نجد: م يخالف شوي بس عشان تنزل حرارتك لين م نحضر الدواء
العروب استحت ترد عمتها وقامت وهي تشد على نفسها بالقوة
الترف : سهم
سهم لف عليها : وش بغيتي؟
الترف: أنا أختك الكبيرة احترمني
سهم بأدب: سمي شبغيتي
الترف: امك وينها هي؟
سهم: امي عمتك احترميها
فزت الترف بحده : تعقب
سهم: اجل انتي بعد تعقبين اقولك عن مكانها
الترف بتكشيرة: إيه أنا الي ميتة عشان اعرف وينها.. اقول دز بس ي محور الكون انت وامك
طنشها سهم ورجع يلعب بالتراب
الترف وهي تلف بالمكان وبعد م خلصت لف رجعت لسهم وهي تقوله: اممم اسمع سهم
سهم: ها
اختك بحده: كم مرة اقولك أنا اختك الكبيرة احترمي
سهم بطولة بال: ها ي اختي الكبيرة العزيزة شبغيتي؟
الترف وهي تشبك أصابع يدينها بتردد : امم عادي العب معك؟
سهم رفع نظره وقاعد يناظرها وهي واقفة فوق راسه وهو جالس ويدينه كلها تراب وبعد تفكير وتردد وخوف من امه هز راسه بهدوء بنعم وترف م صدقت نفسها وعلطول قعدت تلعب معه وتحط مويا على التراب : شوف الحين بسوي لك احلى كيكة
سهم بحماس يشابه حماسها وأكثر: أنا بسوي بيت
~~~~
شدن: ي بنت مافي شي هنا خلنا نروح أنا خايفة
خولة: اصبري باقي م دورت زين
بعد عنهم هايل وفتح ملابسه ونزل البركة وبدا يتسبح ويتروش
شدن بشهقة : شوفي
خوله التفت بخوف : وش فيه !
شدن وهي تاشر للبركة وبذات لهايل الي بعيد شوي عنهم: ولد اختك
خوله بقهر: ي زينك وانتي ساكتة
شدن: اقولك ولد اختك نزل للبركة الملبوسة
خوله بسخرية : وينه م اشوفه لابس شي كله مياه اي ملابس وملبوس؟
شدن بقهر: اقولك الولد ف البركة الحين بتجي الدابة وتأخذه خلنا نطلعه بسرعة
خوله وهي مطنشة: اقول ولد اختي على قولتك حافظ قران م يجيه شي ان شاء الله انتي كملي دوري معي الجوال بموت من الحر والله إذا طولنا شكلي بطب مع هايل أريح جسمي شوي بالبركة
شدن بخوف : أنا بروح اطلعه
وبالفعل راحت تطلع هايل وتقنعه
~~~~
عند الهنوف الي رجعت البيت لكن محد فتح لها الباب وطولت وهي تدق واخر شي طلعت ام مشعل من بيتها ودخلتها بيتها ام مشعل وهي تترنح من رجولها الي مع الايام ماعاد صارت تقدر تمشي فيه زين: ارتاحي ي بنتي ارتاحي بجيب لك ماء
الهنوف: اقعدي يمة أنا بروح
ام مشعل: م يصير ي بنتي
الهنوف: بزعل منك ها مو تقولي ان حنا زي بناتك! والبيت بيتنا! اجل ليه م اروح اخذ بنفسي
ام مشعل استحت ونزلت راسها ومشت الهنوف ودخلت المطبخ واول م دخلت شافت منظره مكركب والدنيا قالبة فوق تحت لكن رغم ذلك كان نظيف لكنه مكركب بزيادة وعرفت ليه ام مشغل استحت ولا كانت تبي الهنوف تدخل المطبخ وابتسمت وبدات سريع ترتب لها المطبخ وهو صحيح مكركب لكن مو مرة وكان كم صحن ف المجلى وبدات هي تجلي وتغسله كله وام مشعل راحت وراءها يوم سمعت صوت المواعين
ام مشعل بحياء: لين ي بنتي تسوين كذا!
الهنوف: وش اسوي ي امي! انتي ضيفتينا واكرمتينا اول م جينا هنا وقلتي لنا نعتبرك امنا وانا الحين قاعدة اشتغل بصفتي بنتك ولاهو عيب ان البنت تشتغل عند امها صح ولا لا
ام مشعل وهي باقي مستحية لكن كلام الهنوف خفف عليها كثير : الله يرضى عليك دنياء وآخرة اقعدي عندي لين تتغدي واذا جت بنيتي خوله وولدي هايل دخليهم هنا ابيكم اليوم تتغدون عندي
الهنوف ببتسامة: ابشري ي امي انتي الحين روحي ارتاحي
وانا إذا خلصت الي بيدي جيتك وبتقهوى معك
~~~~~
اسر بهمس وحده: وش تسوي هنا
شجاع بتوتر خافي: جيت اخذ فرسي
اسر بحده: البيت ذا له رجاله من انت يومنك تطب عليهم كذا بدون احم ولا دسور؟
ولا لانك ولد الشيخ تحسب الدنيا على هواك ي ولد القايد!
شجاع وهو طقت معه : اقول احترم نفسك ي اسر مو لاني سكت تتطاول علي
اسر: لا بالله واشوفك تطب بيوت الناس واحط يدي على خدي وانا أشوفك واسكت !! لا بالله ماني برخمة عشان اتركك تدخل لحرمة البيت
شجاع بحده وهمس يرعب: اسررر
اسر م ينكر انه خاف لكن مستحيل يرضى: تحسبني بخاف منك
شجاع: وانت وش جابك هنا؟
اسر بتردد وخوف : شفت الشياطين تلوح حولك قلت مستحيل اتركك بذا الحالة .
أنت تقرأ
ديرة المناحة🌿
Lãng mạn* من شخص عاقل وله هيبته لشخص مجنون يعامل كالمشرد * من فتاة تعيش حياة عادية بأرضي إيطاليا الي ديرة اقل م يقال عنهم عقول متحجرة قصة ابطالي { مهاب & الهنوف } 🤍🌿.
