دخُـــآن المَاضيِ.

دٍُخِـأّنِ الخامس

ضعٌ آلَعٌآلَمً فُيَ
مًکْآنِيَ سِيَبًقُﮯ فُآرغُاً...
.
.
.
طلعنا كلنا من البيت وسألتهم اذا اكو واحد مطلع كالو اروى

غيث: اروى اروىى وينچ يمعوده
اروى: اجيت يمعود اجيت

غيث: ديلا عيني ست محاسن
ليث: شنو ترحون بدوني دوكفو البس حذائي

غيث: انت شوكت هنا جاي اسد الباب شو كالو بالسياره

ليث: هذه الجني لاتخاف

طلعت ولگيت زهراء جاي تحجي ويه وحده تشك الحلگ اطك بالكاع ضليت اباوع عليها وهيه شافتني اباوع عليها دنگت راسها

صعدت بالسياره او اني بعدني اباوع عليها من الجامه صدگ لو گالو خلقه او اخلاق بياضها يضوي بنص الليل شفتها راحت مشيتها تخبل عبالك تمشي بگلبي

زهراء اجت كعدت يمي ليوره
ليث: هاي منو زهراء؟
زهراء: منيه؟

ليث: هاي الجنتي تحجين وياها
زهراء: ها صديقتي حوراء

ليث: شعدعا جايه بهيج وقت وشتريد منچ؟
زهراء: اوي هو تحقيق خوما تحقيق

دفعتها: دروحي مو صوچچ اصلا صوچ اليحجي وياچ

: يابه حتى هنا تتعاركون اسكتو لاتخربون الطلعه

ضليت افكر بيها الوقت كله شني من جمال شايله ياعليي اتشك شك

وصلنا للمطعم ناكل دخلنا كلنا صعدنا بالمصعد وجبتين ماشاءلله عائلتين
كعدنا على طاوله چبيره طلبنا هواي اكل ومقبلات اكلنا وخلصنا وكعدنه نشرب چاي

كمت من الكرسي مالتي رحت يم غيث كعدت بصفه وحطيت حلگي بأذنه

: اريد اتزوج

ضل يضحك بصوت عالي وباس راسي
: الضاهر مانطوك چاي انطوك شراب مال خبال

: شو تستهزء؟ انت
حجه بصوت عالي متقصد حته يسمعهم
: منيه بلا الي تريد تزوجها

باوعت عليهم يباوعون على غيث او رجعت باوعتله صفنت بوجهه لان فشلني

: ليش هيج تسوي شمسويلك اني
: دكوم منا لك يريد يزوج هوه انت زهراء بالگوه تشتريلها نوب تريد حمل زواج اني ممتزوج بعدني

: اي واني شعليه بيك
: عمري 28 سنه وانت 17 ليش ماتروح تبول وتنام

: يعني بشرفك هم يسموك اخ انت؟

: وغصبا على راسك كوم منا يلا ترا اكتلك هنا

گمت رحت كعدت بالكرسي الي بالبدايه كبالهم يعني كلهم اكدر اشوفهم وحجيت بصوت عالي او اباوع على غيث

: اريد اتزوجج
صفنو بوجهي كلهم وامي طگتها بضحكه والبنات هم

: وحق العباس محاجي نگته شبيكمم انتمم