دخُـــآن المَاضيِ.

دُخاَن التَاسع والعشَروُن.

# دُخان الماضي.
# بقلم الكاتبه زهراء آل شموس.

في مخاطره زوال الحُزن
وَفي مغامره تحاول العَيش
وَفي عَيش بداَيه جديده‌َ

لَكن ما لَم يلاحضهُ هيَ
حياتهُ آلتي قد دُمرت
في طفولتهِ

هَل يُمكن آن يَعيش
حياتةُ كہ شَخص عادي؟.

صُراع بين الماضي والحاضر
في ملاحقة المستقبل.

بقلمي...

نبدء..

زهراء  : الوضع متوتر جداً. غيث خلصها بس يبچي ويرجف ميعرف شيسوي خايف عليها حيل.

الوضع صامت الا من اجت امها. اباوع على منضرها وابچي

ماجده  : يمههه ولچچچ يمهههه لحگيييليييي راحتتتت بنتتييي راحتت ولكمم راحت الابنت ولكم بنتي شصارر بيها اريدنهااا بنتيي

تصيح بكُل علو صوتها وتبچي. وبالگوه تمشي ولازمه لين بنتها الصغيره تبچي.
راح عليها غيث يهدي بيها اخر شي حضنها وبچو ثنينهم ولين اجتني من شافتني حضنتني وضلت تبچي خطيه صغيره متعرف حضنتها وبچيت وياها.

اجت گعدت امها جابولها مي. سكتت شوي ورجعت تبچي لأن اتأخرو الدكاتره. هبط ضغطها او وگعت.
لين ضلت تصرخ وغيث اخذها گبل هوه والممرضه للغرفه. بقيت گاعده اني

احمد وليث وحسن ميعروفون شيسوون. واگفين اجوي رائد وعمر وهم من شافو غيث حضنو ويهدئون بي.

ضلينا گاعده على احر من الجمر. بس طلع الدكتور منتضرين خبر يبرد گلوبنه

:- سيدي الرائد الحمدلله زال الخطر وحالياً مخدره بسبب العمليه ألي اجريناها الها

غيث  : دكتور شنو من عمليه

:- راسها مفتوح فتحه چبيره ونازفه هواي. او هم ايدها انكسرت هم جبروها الها

غيث  : شنو دكتور كسر چبير

:- لا لتخاف بسيط بس للاحتياط نجبرها.

غيث  : شكراً دكتور شوكت تكعد!

:- هسه شويه وتگعد راح ننقلها لغير غرفه

غيث  : الله يحفضك.

زهراء  : قالب ثلج نزل على گلوبنه. كُلنا انقهرنا عليها متستاهل. واكثر واحد اتأثر غيث لأن يحبها حيل
نقلوها لغير غرفه ودخلنا وانتضرناها تگعد. ضلينا نحچي.