دخُـــآن المَاضيِ.

دخِآنِ آلَخِآمًسِ وٌآلَعٌشُروٌنِ

#زهراء آل شموس
# دخان الماضي.

وهذه البارت لعيون الطيبين. ♥.

زهراء : كعدتنا امي من الصبح اليوم الحنه مال احمد. الابنيه حنتهم بيتهم احنى هم سوينا حنه ولد
بالبيت. الخبصه بالبيت تقره الف. احنى البنات كلنا ومشبعانين نوم من البارحه سهرنا للفجر يلا نمنا.

سناء : گومن ولجن الرجال راح يعرس وانتن نايمات.

بتول : عمه تدرين الساعه بيش ياهو يعرس من الغبشه

ايمان : ولج گومي بتول اخوج عيب.

بتول : وين امي خل اروح انام يمها

ايمان : نبراس مو هنا يمه راحت لبيت اهلها.

بتول : راحت لبيت جدي ومگالتلي؟؟

زهراء : تسكتين لو لا اكووو بشرر نايمم يالحمزهه المكرمهه

جاي احچي وفجأه اجت المدرسه على بالي گمزت من الفراش مفزوعه
شافتني امي

سناء : يا اسم الله شبيچ يمه گولي؟

زهراء : يمه المدرسه المدرسه بابا وين

بتول : اني على الاكل ما اگوم هاي تفزع للمدرسه ولله بطرانه

سناء : ابوچ اخذ اجازه الج لاتخافين

زهراء : رجعت حطيت راسي على المخده براحه وغفيت حسيت ماكو صوت قريب عليه فتحت عيوني محد موجود اتغطيت ورجعت نمت ماگعدت آله الساعه 8:30 سمعت صوت طفل يصرخ

طلعت من الغرفه شفت ابن خالتي كافح جاي بجي استغفرت ونزلت

زهراء : خاله دسكتي شنيه

كفاح : يااا حبيبتي گعدچ اعذريني بس استجلب شوي.

زهراء : يلا عادي اصلا طارت النومه. متقصرين

طبيت للحمام واني تعبانه جسمي يوجعني احس فلاونزه واحنى بسنه 2020 كورونا صاگره الكل
حسيت انصبت بيها لأن صدري يوجعني. سبحت وطلعت بتراسكون مبدلت مابيه حيل.

طلعت امسح بخشمي صار احمر شافني غيث هوه وخطيبته ساره. اتفشلت لأن سبحت بغرفته المي بارد وجوه حار. واني ما اسبح الا بمي بارد.

نزلت راسي مستحيه شافني وجاني

غيث : شبي خشمچ احمر

زهراء : منشوله مسدود مدري مفتوح مدري

غيث : هههه حبيبتي روحي انزلي من امي اخذي علاج ونشفي شعرج لاتوكفين على السبلت

زهراء : حسيت بحنيته شكد حلوه ابتسمت وهزيت راسي بأي.

غيث : يلا حبيبتي انزلي.