دخُـــآن المَاضيِ.

دٍخِـأّنِ أّلَوٌأّحًدٍ وٌأّلَعٌشُـروٌنِ

لاتنُكِري عنَد اللَقاءِ تَلَعْثُمي
فأنا بقربِكِ لؤلؤ منثوُر
اَقُضي الليَاليِ بأَلف قَصيده.
وآَذا ألتقيَنا خاَنني التعبير !

#زهراء آل شـــــــموس
#دخـــــــان الماضي.

ليث.
________

طبيت للبيت اني وغيث الي لازمني وكلساع يبوس
بيه. وراي اسد او رائد. امشي وعيوني تتجول بالمكان
وكُل ارجاء البيت بكُل تفاصيله عيوني تشوفه. دخلت
للاستقبال وشفت امي وابوي والولد كلهم والبنات
من شافوني انصعقو وكل ملامح الصدمه على وجوههم

گبل امي هلهلت بكُل علو صوتها وعيونها تدمع وتصب
اتقدمت سريع وحضنتني بقوه وتبجي وتمسح بضهري

سناء : يمه حبيبي يابعد امك رجعتلي عجل عش هچ تسوي
بيه ولك يغضب انه امك تعوفني هيج عش شمسوي
يمه الحمُدلله رجعتلي سالم مابيك شي عش هيچ ياربي
الف الحمُدلله ياربي هيچ رجعتو ألي.

ليث : يمه حبيبتي هياتني يمچ حبيبتي ولا يهمچ بعدني يمچ
وماروح بعد ياريحه هلي.

سناء : يمه حبيبي ولك ضگت المر من انتَ ماكو عجل هچ تسوي بيه
حبيبي الف الحمدُلله رجعتلي سالم مابيك شي يابعد امك انتَ

كلها تباوع عليه وممصدگه رجعت. اني نفسي مامصدگ عجل هم شلون؟
باوعت على ابوي عيونه ادمع واگف بعيد اجاني گبل شبگني وباسني من جتفي

محسن: ولك حبيبي ياگلب عمك خوفتنا رجفت گلوبنا ولك شسويت بحالنه
ليث : اعذرني عمي حبيبي هسه رجعتلكم ولله مشتاقلكم كومه.

باوعت على ابوي عيونه ادمع واگف بعيد اجاني گبل شبگني وباسني من جتفي

مصطفى : اروحلك فدوه وليدي الف الحمدلله رجعتلي سالم.
احمد الله واشكره كلش اشتاقينه الصوتك

ليث : يابه الله يحفضك الي واني هم حيل مشتاقلكم. ولله

وخر ابوي وگبل اجه مهدي حضني ويبچي حضنته قوي وهم نزلت دموعي

مهدي : يابويه ولگ خايس حيوان امداك وامده هذولچ الگوا*** اي ولله
شلون هيچ تمرمرنه ولك يالحبيب

ليث : عجل هيچ مشتاقلي ماجنت اعرف ولله وتحبني هم. يابعد روحي.

وخر من عندي ويمسح بدمعته نغزني گلبي گلت هلگد فرحانين بيه. شلون راح اعيش وياهم اخخ
اجوني ولد عمي حسن واحمد وهم ضلو يشبگون بيه ويبوسون ويگلولي شكد مشتاقيلك وشكد تمرمرنه
من رحت ولله النوم ماضگناه.