زهراء آل شموس
#دُخان الماضي.
... هذه الخد كتلك ينام وياي اعلى نفس المخده موش اعلى التراب....
نبدء....
:- وعليكم السلام دكتور. تفضل هنا
_دخل الدكتور للغرفه مال زهراء جانت كاعده على الجربايه وحالتها حاله.
اتقدمت ممرضه الها حتى تسحب دم منها. جاي تاخذ ايدها وزهراء سحبتها.
خزرها غيث. ومانطت رده فعل. وضمت ايدها وره ضهرها.
الدكتور : بويه ايدج بس يسحبون دم بنتي
زهراء : ماا ماا شني گوه وخروو
غيث : شبيج بابا؟
_ اتقدمت يمها وجريت ايدها من وره ضهرها.
زهراء : مانطي ماريد اخاف.
_ لزم ايدي قوه وضل يصيح
غيث : منين تخافيننن؟؟
ضليت ابچي مدنگه راسي
زهراء : وخرر ماريدد اخافف ماريد شيسوولي ولله ماخذ بعد
_ خزرني وجر ايدي وقدمها للممرضه واني اباوع عليه بخوف
زهراء : ماريد عفيه وخروو.
_ ماحد حچه وياي حطت الابره بأيدي وسحبت دم.
_ ضليت ابجي بصوت. طلعو الممرضات وبقى الدكتور ويه غيث والولد.
الدكتور : بعد ماتسوولها شي غير تلتزم بالعلاج هذه ومتنطيها اي حبايه
مخدر رجاءاً.. او اذا فقدت او سوت شي خارج قابليتها اذا لزم الامر انطيها من الابره المهدئه.
غيث : تمام دكتور شكرا الك متقصر. ان شاء الله التزم وياها.
الدكتور : العفو هذه واجبي.
_ طلعو من الغرفه ضليت كاعده ابجي. ماعرف شنو اسوي شنو اتصرف شجاي يصير وياي
ليش هيج جاي يصير وياي.. شلون اخذت منها ودمرت حياتي ليش هيج ضحكت عليه
شمسويتلها اني... زين شنو تريد من عدنا شنو تريد من غيث؟
ضليت افكر وافكر لحد ما دخل غيث وباقي الولد للغرفه.
غيث : ليش تبچـين؟
زهـراء : خايـفه!
غيـث : منين بويه!؟
زهـراء : غيـث اني ماردت هيج يصير بيه. من البدايه هيه بدت وياي ولله.
معبالي راح....
غـيث : آشش بويه لاتحجين شي. معليج اني اعرف. بس اهدي الي اريده منج هسه.
تلتزمين بالعلاج ومتعبيني حتى تتعالجين وترجعين. سلامه! تمام؟
زهـراء : اي اني اريد اتعالج تعبت جسمي يوجعني.
غـيث : يابعد روحي ان شاء الله بحيل الله ترجعين مثل قبل واحسن.
أنت تقرأ
دخُـــآن المَاضيِ.
Mystery / Thrillerاربعه اشخاص قد عانو طول حياتهم. وقع امام حقيقه لا يتم نكرها. في مواَجهِه الَقاتلْ والمضَلوم. حيَاة احدِهم قَد افُسدت وقع في حفره القبر روحياً بدلاً عنها. وقعت في ايام قد دمرت طفولتها. وقع في حياه مأساويه لم يحصل فيها على مايريد. الله لم يترك عٌب...
