إِنَّمَا الأَخُ سَنَدْ

القسم 02

تذكير:

؟؟؟؟؟/ما شاء الله هاك حليت بكري اليوم موش
عوايدك هاطفل هاجوهر
زفر جوهر بضيق من ذلك الصوت الذي يعرفه جيداً لينظر له /
جوهر /اش فما يا عمي محسن هي اول مرة نجي للخدمة في الوقت هذا انا كل يوم نفس الوقت وانت كل يوم نفس المعبوكة(السؤال).
واخذ يقلد نبرة العم محسن /ما شاء الله هاك حليت بكري ها طفل ها جوهر .
ليضربه العم محسن بعصاه /تعايب فيا يا مقصوف يالي مشفتش دقيقة تربية ياخسارتك يا إبراهيم في ولادك .
بينما جوهر يتلوى من ضربات العم محسن وهو يستنجد بأيمن /أيمن يا شلاكة تعالى بعد علية الراجل هذا .. يأيمن تعالى اااه يأيمن ضربتو توجع ايمن اجريلي.
بينما في ركن من اركان الورشة يجلس على مقعده ويحمل كيس شيبس ويتسلى بالعرض اليومي الذي يحدث كل يوم حيث يسأل العم محسن جوهر نفس السؤال و يجبه جوهر بنفس السخرية و تكون نفس ردة فعل العم محسن وهو يضحك بشدة/استنى ياجوهر خلي نكمل الشيبس متاعي و بعد نجيك هههههه.
جوهر/اش تكمل ياولدي ما كملت انت من الشيبس متاعك كان هو كسرلي ضلعتين في صدري و يزرقلي بدني اااااه .. احيه توجع .. نوض يا أيمن فيسع
نهض ايمن بملل بسبب افساد متعته وحاوط العم محسن من الخلف و حمله الى دكانه حيث كان ابن العم محسن داخلها
ليردف ايمن/وليد(ابن العم محسن) تعالى شد بوك .
تحرك وليد وامسك ولده ليردف/كي العادة
ابتسم ايمن بمشاكسة/لا اليوم كسرلو ضلعتين في صدرو وزرقلو بدنو.
وخرج دون ان يلاحظ صدمة وليد خلفه
دخل الورشة ليقول بمشاكسة/جوهر حرام عليك علاش ماخلتيش عمك محسن يكمل يضربك و..
لم يكمل كلامه بسبب مفك البراغي الذي رماه جوهر عليه لكنه تفاده بسهولة لي يردف جوهر بحنق/ياكلـ... قاعد على كرسي وتاكل في الشيبس وانا نكل في المصبط احيييه .
ضحك ايمن بشدة على صديقه/ اشبيك جوهر عمي محسن ضربتو متوجعش.
نظر له جوهر بشرار ينطلق من عينيه/متوجعش عندك الحق انت عمرك مجربتها اه بدني الكل مدڨدق.
ليعود لجديته ويسأل ايمن/ شكون الراجل الي يحب يشوفني اش حاجتو بيَّ.
ليجبه ايمن/واحد قالك عندو كراهب (سيارات)للكراء يحب شكون يولي يخدم عندو يصلح في الكراهب وكل خطوة بحسنة اما قالك كي يستحقك يلزمك تخلي كل شي وراك وتمشيلو .
ضحك جوهر بسخرية/ايمن قولو الي انا نصلح في الكراهب منيش طبيب باش نخلي كل شي ورايا ونمشي لسي السيد .
ايمن/هاو جاي قولو انت انا بيدي ماعجبنيش فيه حاجة بيزار (مو طبيعي)وخايف يطلع يخدم من غير رخصة.
ربت جوهر على كتفه/متخافش خوك جوهر ديما وراك.
ليتذكر ايمن ويبدو انه عاد لمرحه/ اه حقى تذكرت قالتلك امال تعال انت ريمة افطر عندنا في دارنا اليوم ليجيبه جوهر وهو ينافسه في مرحه/مالا قول لأمال تعمل الفطور كسكسي ومتنساش اللبن على خاطر ريمة تحبو .
ليجيبه ايمن/ منغير ماتوصي اصلا امال كي عرضت عليكم يعني الفطور كسكسي واللبن ومعاه الطاجين اليوم فطور قمقوم (لذيذ) متلقاه كان عند أمال .
ليقول جوهر/ربي يخلي هالك إن شاء الله.
ليلاحظ ايمن بعض الحزن في عيون جوهر ليضم رقبته تحت ذراعه بمشاكسة وهو يقول/جوهر أمال امك انت زادا معناه ربي يخلي هالنا.
ابتسم جوهر على ذلك الصديق والاخ و عائلته التي تتعتبره ابنها.
ليتذكر/ ااه لازم نحكي مع ريمة باش تعرف الي لفطور عندكم .
ليوافقه ايمن الرأي وهو يقول بلهفة/ اي برسمي احكي معاها توا.
نظر له جوهر بحاجب مرفوع لي يتنحنح بخجل مردف/قصدي باش ما تغلطش وتروح لداركم .
ليتصل جوهر بريمة لينتظر قليلا لترد عليه الاخرى/ها جوهر اش فما.
جوهر/ريمة ماتروحش لدار في الفطور امشي لدار خالتي أمال استدعتنى للفطور عندها .
صمتت ريمة ولم تتكلم ليردف جوهر بعد تنهيدة فهو يفهمها حتى دون النظر اليها/فما لبن يا ريمة ماتخافش.
لتقفز ريمة بفرحة/يعني الفطور كسكسي واللبن ياااس.
ضحك جوهر جنون اخته وودعها واغلق الخط ليسمع صوت خلفه
؟؟؟/وين نجم نلقى جوهر الحمراوي