قطع حديثهم جرس المنزل نهض جوهر وفتح الباب مع قوله / شكون؟
كان اسكندر يقف عند الباب ومعه كيس من التسالي ورفعها امام جوهر وقال/ فما بلاصة ثالثة نرقد معاكم في الدار.
ابتسم جوهر وجذبه من كتفه / الدار دارك .
ثم قال بتحذير / اما كان كي تبدا ريمة ما فماش .
ضحك اسكندر ودخل الى الصالة حيث ايمن وضع امامه كيس التسالي وقال بإستفزاز/ هز الساشي هذي فرغهم في صحن و حط الكوكا الكولا في الفرجيدار كي تبرد امشي جيبهم .
نظر له ايمن بغيظ وجز على اسنانه / شكون كذب عليك وقالك الي انا خديم في دار بوك .
اجابه إسكندر بنفس طريقته المستفزة / كانك على الخدمة باش تقوم و راسك مطبس وكان على الدار جوهر قالي الي الدار دارك .
ايمن بغباء/ حتى انا قالي الدار دارك ناوي يغشنا ويبيعلنا نفس الدار .
دفعه اسكندر نحو المطبخ / امشي اعمل اش قوتلك ويزي من البهومية.
دخل ايمن المطبخ.
بينما جلس اسكندر على الاريكة و بجانبه جوهر .
اسكندر / على اش كنتو تحكيو قبل ما نجي.
جوهر/ كلام وبرا . وانت اش عندك عرفت الي حرق الڨراج شكون
اسكندر ببساطة / لا .
جوهر / شنوة لا مو على اساس توا تعرف . وين كنت توا
اسكندر/ كنت في العطرية الي فالشارع وراكم نشري في هاك القضية.
جوهر بإستفهام / اما قضية ؟
اسكندر / القضية الي عطيتها لـ أيمن . فجاء تذكر!
صاح اسكندر / أيمن جيب هاك الحلوى و الفاكية اشبيك بطيت.
لا رد . لم يرد ايمن عليه
استغرب اسكندر و جوهر فإستقامو و إتجاهو الى المطبخ .
جوهر بقلق / ايمن لاباس .. راسك توجع فيك ..
اسكندر / ايمن جاوب.
دخلو الى المطبخ و تفجائو .
ايمن جالس امام رخامة المطبخ و قد اكل كل التسالي التي جلبها اسكندر و كان يشرب فالعلبة الثانية من الكوكا كولا.
احس ايمن بشخص خلفه استدار برأسه ليرى نظرات جوهر و إسكندر الغاضبة و الحانقة منه.
ابتسم ببلاهة وهو يقول / نسيت روحي و انا ناكل ياخي غزرت لساشي لقيتو فارغ هو أصلاً مكانش معبي يدوب يزيني انا وحدي .
جز جوهر على اسنانه / يعني موش انت الي كملتو الساشي الي كان موش معبي .
هز ايمن رأسه ببراءة مصطنعة فجاء وقع من على الكرسي بسبب صراخ جوهر / ساشي اكبر منك ومني و موش معبي وهذا الكل تحريشة مالا كي تتعشى باش تاكلنا الكل .
امسك اسكندر ذراع جوهر ومنعه من الصراخ على ايمن بسبب حالته التي لم تتحسن بعد .
هدأ جوهر ثم قال / نطلبو بيتزا للعشاء ولا ملاوي .
قطعه ايمن / حتى واحد .
جوهر / علاش سيدي خويا بعد ماعبيت كرشك تعطي في رايك .
صحح له ايمن كلامه / اولا انا مزلت معبيتش كرشي ثانياً امال طلبتي وقالت باش تبعثلنا لعشاء مع شاكر .
اسكندر بعدم فهم / شكون امال و شاكر ؟
اجابه ايمن / امي و بابا .
اسكندر / عادي تعيطلهم بأسميهم هاكا مفماش قدر.
اجابه جوهر / ايمن ديما يناديهم بأسميهم صحيح امال تتقلق شوية اما تتحمل .
ايمن / موش وقت امال و شاكر توا انا جيعان نحب ندمق حاجة قبل لعشاء .
نظر له جوهر بصدمة / يا راجل راك كليت ساشي كاملة ماتشبعش .
ايمن / ماتنساش الي شربت بعدو كوكا كولا توا هضمت نحب ناكل حاجة اخرى .
انحنى جوهر برأسه وهو يقول / هاو راسي كي تشبع رجعو كان خليت فيه حاجة. تعرف انت وريمة كان تعرسو و تسكنو في دار وحدة تصير مجاعة في البلاد ماتشبعوش.
سمعو جرس المنزل ذهب جوهر وفتح الباب وجد شاكر في الباب و معه عشاءهم
رفع شاكر الفطور وقال/ عشاكم . و اشار خلفه . امشي لريمة تستنى فيك فالكرهبة .
افسح الطريق لشاكر ليدخل و يضع العشاء و ذهب هو الى ريمة نقر على زجاج السيارة إلتفتت له ريمة و فتحت الباب احتضنها جوهر وقال/ ريمو تقلقت علية انا مقوى سعدي. كان يمزح ليخفي حزنه لكن ريمة صدمته/ جوهر فبالي الي الڨراج تحرق .
جوهر بصدمة / كي... كيفاش عرفت؟
ريمة/ سمعت امال وشاكر يحكيو في الكوجينة.
رفعت رأسها ونظرت في عينيه و تشدقت / جوهر من غدوة باش نخدم في الكافيتيريا الي حذا اللسي و ما تقوليش لا انا خذيت قراري وحكيت مع مولا المحل وتفاهمت معها غدوة نبدا.
جوهر / وقتاش صار هذا الكل .
ريمة / كي سمعت بالڨراج تحرق خذيت نمرو مولا المحل من عند نورسين وحكيت معاه وتفاهمنا على كل شيء.
اخفض جوهر رأسه بحرج . هي اخته الصغرى و ستشتغل لأجله بينما هو الاكبر لايملك عمل وصعب ان يجد عمل لأنه لا يملك شهادة
امسكت ريمة بوجه جوهر ورفعته / خويا و راسك لاهو عيب . عندك عشرة سنين تخدم علية وتوا في وقت غصرة نخدم انا حتى وقت تلقى خدمة .
جوهر بحرج/ منجمش نخلي اختي هي الي تصرف علية بوجودي.
