ذهبت ريمة الى عملها و ايمن اخذ شهد و عادو الى المنزل و ظل اسكندر مع جوهر الذي ينتظر بفارغ الصبر ان يتحدث.
اسكندر / جوهر الحكاية طلعت كبيرة بارشا اكبر ملي تتخيل .
جوهر بترقب/ احكي نسمع فيك .
تنهد اسكندر / باهي . الخاتم الي القيناه في الڨراج مهوش خاتم عادي و زادا ماطاحش منهم خلوه بلعاني .
جوهر / من لخر عرفت شكون وإلا لا .
هز اسكندر رأسه / اي نعرفو مستثمر من مستثمرين الشركة متاعي اسمو الهادي ....
قطعه جوهر / لحظة لحظة لحظة ..هادي؟ .. تقوليش هذا الي عندو كراهب للكراء و يحبني نخدم عندو و انا قتلو لا
اسكندر / هو اما فما حاجة اخرى السيد هذا متورط مع المافيا الروسية و هو إستعان بيهم باش يحرقولك الڨراج وحكاية الخاتم العصابة هاذي عندها عادة كي تكمل المهمة متاعهم تخلي الخاتم هذا باش تعرف الي هوما عملوها...
جوهر بتلعثم / ما..ماف..مافيا.. اسكندر تحكي بجدك معناها على ڨراج يهز زوز كراهب اكهو يستعينو بالمافيا .
احس اسكندر بعدم استيعاب جوهر للموضوع و وضح له / جوهر بشوي افهمني لحكاية صعيبة ياسر و من المستحيل يكونو كملو عملتهم مازلو باش يخنقوك حتى توافق و تخدم عندهم .
جوهر / اش معنتها .
اسكندر / معناها رد بالك على روحك و على اختك و ماعدش تخليها تخرج و حدها و قللها تبطل الخدمة حتى لين نلقاو حل مع سي هادي هذا .
هز جوهر رأسه و هو شارد و مايهمه الان هو سلامة اخته لا أكثر لا اقل . حتى وقف سأله إسكندر / لوين ؟
جوهر / ماشي نجيب ريمة خايف يعملولها حاجة .
اسكندر / استنى خليني نجي معاك نوصلكم و نمشي لخدمتي .
******************
كانت ريمة تقف خلف ألة صنع القهوة تملئ كوب لأحد الزبائن حتى دخل جوهر و اسكندر الكفتيريا لتقول ريمة دون النظر لمن دخل / السلام عليكم في المحل أقعد ارتاح إستنى لين نكمل مع الكليون و نجيك .
جوهر بمرح / واحدة اكسبرس و دبوزة ماء .
رفعت ريمة نظرها فورًا تفجأة بوجود جزهر مع صديقه اسكندر في مكان عملها و في نفس الوقت هي سعيدة بشدة لوجود سندها معها.
انتهت ريمة مع الزبون و ذهبت نحيتهم تتسأل / جوهر لاباس...
قطعها جوهر / صاحب لمحل هوني ؟
هزت ريمة رأسها / اي هو لداخل . علاش تسأل؟
جوهر / ناديه .
دخلت ريمة دون نقاش و نادت صاحب الكافتيريا.
خرج رجل في الأربعينات من عمره و جلس على طاولة جوهر و إسكندر / سلام عليكم باش حاجتكم ؟
جوهر/ و عليكم السلام و رحمت الله و بركاته . سامحني عمي الراجل نعرف الي اختي معندهاش ساعتين من الي بدات تخدم اما سامحني مرة اخرى لازم نهز ريمة فما حكاية اكيدة و لازم تقعد في الدار المدة هاذي كان يساعدك و كان لا شوف صانع أخر .
ربت الرجل على كتفه / تنجم تهز أختك و تنجم ترجع تخدم وقت الي تحب .
ابتسم جوهر على تفهمه و اتجه نحو ريمة / هيا ريمو نحي حوايج الخدمة و إيجا معايا .
ريمة / لوين.
جوهر / هيا برك توا نقلك في الثنية .
في السيارة .
ريمة / علاش جيت هزيتني من خدمتي.
جوهر / باش تقعد في الدار لأيامات هذي حتى تتفض الأمور .
ريمة بإستغراب / شنية الامور الي باش تتفض.
جوهر بنفاذ صبر/ ريمة اسكت في الدار توا نحكيلك.
جلست الأخرى في مقعدها بعد ان كانت تطل على جوهر برأسها الى الأمام و ضمت ذراعيها الى صدرها وقامت بتعابير الغضب في وجهها ظنت نفسها تبدو غاضبة و مخيفة لكن بدت لطيفة جدا و حركتها كالأطفال .
