دخل جوهر الى غرفة ريمة وضعها على الفراش وخرج اتجه لغرفته و استلقى على سريره اغمض عينيه ناويا النوم لكن لم يستطيع لينظر في الساعة ليجدها السادسة مساء .
جوهر/ معادش بكري نمشي نشري حاجة ناكلوها قبل ماتفيق ريمة.
غير ثيابه لأخرة وخرج.
في هذه الاثناء كانت ريمة قد استيقظت و لم تجد جوهر في المنزل ذهبت الى قاعة الجلوس و فتحت التلفاز وظلت تشاهد بعض المسلسلات
الى ان فتح جوهر الباب و في يده كيس الطعام و فور دخوله اختطفت ريمة كيس الطعام و عادت الى مقعدها وجوهر ينظر لها ببلاهة ليقول بغيض منها فهي تنسى كل شيء امام الطعام/ ريمة مكنتش باش نكلو وحدي راني قريت حسابك معايا اما مشاالله انت لا تقري حساب حد هذاك عشانا الزوز موش وحدك .
نظرت ريمة للكيس كان مليئ بالأطعمة لكن ليس بنظرها فهي تراه قليل واردفت/ امشي أشري حاجة اخرى ولا طيب حاجة . هذا الي جبتو شوية نشاالله يزيني انا وحديييييييييي . صرخت عندما رأت جوهر يجري نحيتها و فرت هاربة منه وجوهر ورأها يصرخ بها/ ايجي لهوني يا كلبة زوز ملاوي و باكو(علبة) فريت و كسكروت وتقول انشاالله يزيك وحدك وين تمشي بيه الي تاكل فيه وانت جلد على عظم .
وقفت ريمة بعيدا عنه و قالت / قول مشاء الله تحب تسخطني بعين على خاطر مانسمنش (لا اسمن) يا نغار
لكن هربت مرة اخرى عندما رأت جوهر يقترب منها و لم تخطو خطوة واحدة وأمسكاها جوهر من عنقها ليقول بفحيح/هاتي الساشي(كيس) ياريمة وإلا اقسم بالله نفكهولك ونرميك مشباك .
نفخت ريمة وأعطته الكيس اخذ هو سندويتش (ملاوي)
وارجع لها الكيس وقال/ نعرفك تاكل الاخضر واليابس شد جبتلك كسكروت و ملاوي و فريت اشبعي بهم. اخذت الكيس منه / هاو الرجال ولا لوح اما مشريتش حاجة مهمة كيفاش تنساها .
زفر انفاسه وأشار بيده للمطبخ / عندنا في الفريجدار (ثلاجة).
ركضت للمطبخ واحضرت ماتريده فهي كانت تتحدث عن المشروبات الغازية وجلسو على الطاولة و انهو عشاءهم .
****************
كان ايمن يجلس في قاعة الجلوس وهو يكتم ضحكته ومعه اسكندر الذي يكاد ينفجر من كثرة كتمه
لضحكه
فعندما سأل ايمن اخته عن سبب صراخها .
......
خجلت شهد من اسكندر الذي دخل المطبخ مع ايمن قالت بصوت منخفض /حرقت ايدي.
ايمن/ كيفاش.
احفضت رأسها وقالت بخجل/ مشا في بالي الي انا هزيت الطبق يخي حطيت ايد في عوض الطبق في الكوشة(فرن).
كان الصمت يعم المطبخ الي ان انفجر ايمن بالضحك على غباء اخته حتى احس بشيء يضربه استدار ليرى امال تضربه بمغرفة الحديد وصرخت به/ في عوض تمشي تداوي اختك قاعد تضحك عليها . ورفعت يديها في الهواء وقالت بحسرة / ياخسارتك في تربية ولادك يا أمال ياخسارتك .
اخذ ايمن شهد وعلاج يدها و هو يكتم ضحكته خوفا من امه .
انتهى العشاء وعاد اسكندر الى منزله الذي يعيش فيه هو و امه فقط.
فهو خسر والده في حادث سيارة و منذ ذلك الوقت وهو يتحمل مسؤولية امه ومسؤوليته حتى بدأ العمل في شركة والده في سن صغير . وإستطاع ادارتها و اصبحت من انجح الشركات في تونس .
*****************
صباح اليوم التالي.
في ورشة جوهر كان ايمن يجلس على كرسي قريب من الباب ويمسك رأسه من الالم الذي دهمه ليجلس جوهر بجانبه يتحسس جرحه بقلق / ايمن برا روح توا نكمل الخدمة وحدي . انت ماكش لاباس حتى طرف .
رفض ايمن العودة وترك الاعمال لجوهر بمفرده / لا منيش مروح لازم نكملو اليوم تصليح الكراهب صاحبهم باش يجي اليوم و يهزهم هيا.
جوهر / راسك حجرة . نوض مالا كمل الكرهبة وبعد امشي روح .
هز ايمن رأسه وعاد للعمل بينما كان الاثنان يشتغلان دخل رجل الورشة ليسأل / جوهر الحمراوي هوني.
تقدم جوهر ناحيته/ نعم اش حاجتك بجوهر الحمراوي .
الرجل / انا هادي الراجل الي وصلتلك مساج مع الصانع متاعك باش تخدم عندي
جوهر/ كيفاش نخدم عندك .
هادي/ انا قلت تافصيل الخدمة لسي ايمن ماقلكش .
تذكر جوهر حديث ايمن عندما اخبره بشخص يريد مقابلته .
جوهر / اي قالي وسامحني على خاطر منيش باش نخدم معاك .
هادي/ نجم نعرف علاش .
جوهر / اموري . وتوا سامحني البرا .
خرج هادي من الورشة وهو يتوعد لجوهر بالكثير .
عاد جوهر لداخل الورشة ليتوقف فجأة ضرب جبهته / كفاش نسيت.
اقترب منه ايمن/ اش نسيت ؟
جوهر / ريمة عندها استدعاء ولي لازم نمشي نسيت خلاص.
حمل جاكته وهاتفه / ايمن اقعد هوني حتى نجي.
خرج و إتصل بي اسكندر . ثواني وكان اسكندر يجيب على هاتفه / الو ..
جوهر/ الو اسكندر فاضي توا.
اسكندر/ اي علاش
جوهر / ايمن في الڨراج محبش يروح وهو موش لاباس راسو يوجع فيه.
اسكندر/ وانا اش باش نعمل.
صرخ جوهر/ باش تمشي تقعد بحذاه حتى نجي فهمت .
واغلق المكلمة دون انتظار رده.
ذهب جوهر الى مدرسة ريمة وقابل المدير/ سلام انا جوهر الحمراوي ولي ريمة الحمراوي .
المدير/ سامحني اما القانون مايسمحليش غير بأمها وإلا بوها
جوهر / وانا خوها و احنا ايتام امي و بويا ماتو .
المدير بحرج/ سامحني سي جوهر تفضل.
استدعيتك على خاطر اختك تعمل في المشاكل داخل مؤسسة تربوية وضربت صاحبتها.
جوهر بثقة/ صاحبتها الي ضربتها حكات على اهلي كلام خايب وتعرف نقط ضعف ليتيم امه وبوه هذاك علاش هي ضربتها كان بدافع الغضب .
المدير/ مالا نجيب ريمة و البنية الي ضربتها وأختك تطلب السماح
وقف جوهر وقال/ ريمة طلبت السماح نهار العركة اما الطفلة قاعدة تصيح عليه و انا منرضاش لأختي تطلب السماح مرتين وتوا عندي خدمة سلام.
وخرج من مكتب المدير ليسمع رنين هاتفه رد عليه وقد كان اسكندر/ ...........
