اقتباس
أن شاء الله، دا الاقتباس الأخير قبل العيد، وبكرة بأذن الله هنزل البارتات بمناسبة عيد الفطر المبارك ❤️
كل عام وانتم بخير ❤️
كل عام والأمة الإسلامية كلها بخير.
لا ننسى الدعاء لأهلنا في غزة، ربنا يجبر بخاطرهم ويرحمهم من اللى هما فيه.
يمكن مش بتكلم عن القضية، بس والله الواحد حزين جداً، ولو عندي شك واحد في الميه أن كلامي هيعمل حاجة كنت عملته.
أبتسمت عليه، وسرعان ما ظهر علامات الحزن على وجهها وقالت بصوت واهن وحزين:
- أنت عارف لما فارس خطب شهد، أنا قولت أى.
نظر يحثها على الأكمال، تنفست بألم وتجمعت الدموع بأعينها وكأنها لتو حدث معها هذا وقالت:
- أنا تفكيري بقى زي سمر، أقول أنا أكيد مش حلوه، وأن هو شاف فيا حاجه كرهتوا فيا، أنت عارف أنا كنت بحاول ألقي ليه سبب، ابرر ليه اللى عماله، لحد يوم الفرح وهو في القاعة وقاعد جنبها، ويبتسم للكل وأنا مش جانبه، وأقول هو دا اللى كان بيقول أنه ميقدرش أعيش من غيرك، من اليوم دا وأنا اتغيرت جداً حسيت اني أتبدلت واحده تانيه، بقيت بفكر بعقلي أكتر من قلبي.
صمتت تخرج كل الهما بتنهيدة قوية، لم يتعجب من هذا الكلام فهو سمعه منها على فترات من قبل، ولكن ما جعله في صدمة هو تغير ملامح وجهها الى الفرحة من جديد في ثواني، أعتدل في جلسته ونظر إليها وهو يضيق أعينه وقال بترقب:
- شروق أنتي كويسه.
تعجبت منه وقالت:
- بتسأل ليه.
-اصل من دقيقه كنتي زعلانه ودلوقتي بقيتي فرحانه، أستغربت بس.
قال وهي تعود للحزن مجدداً:
- مش عارفه أنا اليومين دول مش مظبوطة، بسرعة أزعل وعلطول افرح، مش عارفه فين المشكلة.
أوم لها متعجباً، وأخذهم الحديث عن هذا وذاك، غافلين عن تلك الأعين إلتى تناظرهم بحزن عميق.
نورهان صبحي.
دمتم سالمين ❤️
أنت تقرأ
قلوب تفهم الحب الجزء الاول مكتملة
Romanceليست من الضروره أن يكون الألم ،الم حب إنما يمكن أن يكون ،الم من ما حولك من مشاعر سلبيه لا يراها احد. من تعامل أحد معك ،يظن أن هذا هو الافضل ولكن بنسبة لك تألم . أن الحب ليس من الضروري أن يكون لمحب ،انما من الممكن أن يكون لعائلة ،ل صديق بقى معك ،ل أخ...
