Chapter 1: Siren Town
ပိုင်လျိုနှိုးလာသောအခါတွင် ကားနောက်ခန်း၌ ထိုင်နေသည်ကို သတိပြုမိလိုက်၏ ။
ကားအတွင်းပိုင်းသည် အနည်းငယ်အိုဟောင်းနေပြီး ထိုင်ခုံများဆီမှ အောက်သိုးသိုးအနံ့ကိုတောင် ရနေခဲ့သည်။လက်တွေ့ဆန်တာဆိုလို့ စီးကရက်အနံ့ ပျံ့လွင့်နေတာပဲဖြစ်၏ ။
အပြင်ဘက်တွင်မိုးသည်းထန်စွာရွာသွန်းနေပြီး မိုးစက်မိုးပေါက်များက ပြတင်းပေါက်မှန်ကိုလာရောက်ရိုက်ခတ်နေသည်။ထိုမိုးစက်မိုးပေါက်များက ပြတင်းပေါက်မှန်မှတဆင့် အောက်သို့စီးကျနေသည်ကို မပီပြင်ဝိုးတဝါးမြင်နေရ၏ ။
ကောင်းကင်တစ်ခွင်လုံး မည်းမှောင်လို့နေကာ နေဝင်ရီတရောအချိန်လား ညအချိန်လားဆိုတာ ပြောဖို့ခက်လှသည်။ရုတ်တရက် နှာခေါင်းထဲ ငါးညှီနံ့ရလိုက်တာကြောင့် ပိုင်လျှို့စိတ်ထဲ မအီမသာဖြစ်လာသည်။
သူ့ရှေ့တွင် [Game Instructions] ဟုရေးသားထားသော ဖောက်ထွင်းမြင်နိုင်သည့်သုံးဖက်မြင်ဖန်သားပြင်တစ်ခု ပေါလောပေါ်နေသည်။
ဒီနေရာက ဘာလဲ ? သူဘာလို့ဒီမှာရှိတာလဲ ? ဒီမျက်နှာပြင်ကရော ဘာကြီးလဲ ?
သူ့အတွေးတွေကို ဖောက်မြင်နေရသည့်အလား ....သုံးဖက်မြင်ဖန်သားပြင်ကြီးက သူသိလိုသမျှတွေကို ဖြေပေးလာသည်။
[ သင် အခု deadly game တစ်ခုထဲမှာ ရောက်နေတာဖြစ်တယ်။ဘာလို့ ဒီကိုရောက်လာတာလဲဆိုတော့ သင် အလုပ်ဖြုတ်ခံလိုက်ရပြီးကတည်းက ငွေလိုချင်စိတ်အရမ်းပြင်းပြလာလို့ပဲ။ သင့်စိတ်ဆန္ဒက အရမ်းပြင်းထန်လွန်းတဲ့အတွက်ကြောင့် ဂိမ်းဆော့ဖို့လိုအပ်ချက်တွေနဲ့ကိုက်ညီသွားတဲ့အတွက် ဒီကိုရောက်လာခြင်းဖြစ်တယ် ]
သုံးဖက်မြင်ဖန်သားပြင်ကြီးပေါ်တွင် စကားလုံးများ တစ်ခုပြီးတစ်ခုပေါ်လာသည်နှင့်အမျှ ပိုင်လျိုသည်လည်းပဲ သူ့ဖြစ်အင်ကို ပြန်သတိရသွားခဲ့သည်။
ဟုတ်သား....ငါ အလုပ်ဖြုတ်ခံလိုက်ရတာပဲ !
သူက ငွေလို(ရှာ)ချင်စိတ် အရမ်းပြင်းပြတဲ့လူတစ်ယောက်။ငယ်စဉ်ကလေးဘဝကတည်းက ပုံမှန်မဟုတ်တသည့် မသမာတဲ့နည်းလမ်းနဲ့ရတဲ့ငွေကို ပိုနှစ်သက်ခဲ့သည်။
YOU ARE READING
ထိတ်လန့်စရာသည်းထိတ်ရင်ဖိုဂိမ်းတွေမှာ ငါနတ်ဘုရားတစ်ပါးဖြစ်လာခဲ့တယ် (BL)
TerrorAuthor - blnovelreader- k ခေါင်းစဉ်- သည်းထိတ်ရင်ဖိုဂိမ်းတွေမှာ ငါ နတ်ဘုရားဖြစ်လာခဲ့တယ် ပိုင်လျှိုအလုပ်ဖြုတ်ခံလိုက်ရပြီးနောက် သူသည် မကောင်းဆိုးဝါးမျိုးစုံ ၊ ကစားသူအချင်းချင်းသတ်ဖြတ်ခြင်းနှင့်ပြည့်နှက်နေသော တိုက်ရိုက်ထုတ်လွှင့်သည့်ထိတ်လန့်စစရာသည်းထိတ...
