توفانا الزعيم
بقلمي روايه: اغلال الجحيم
بسم الله الرحمن الرحيم
نبلش باول بارت من روايه اغلال الجحيم
اركض بكل سرعتي اتلفت وصلت للبيت كوه اجر نفس طبيت هوسه عرفت خالاتي هنا رحت من باب المطبخ صعدت للغرفه
لكيت مريم بعده نايمه وفاتحه اتصال ويه يوسف ابن خالتنه حب الطفوله ابتسمت على منضره
ليا: لج مريم كومي عماتج هنا وعلي هم جاي كومي بدلي وسبحي شكد وصخه صارلج اسبوع مسابحه دكومي.
حجيت هيج شو هاي كبل طفرت من الفراش تكمز هيه وشعرها المنفش
مريم: عزا عزا صخام السود وجهج ليا هسه عباله صدك اني ماسابحه صارلي اسبوع يبوو تعزيت.
كمزت تاخذ تلفونها شافته بعده نايم وكامت تحجي
مريم:يمه حبيبي بعده نايم نوم العوافي هاا صدك ليلو هاي منو يمنه شو هوسه؟
_خالاتج واخوانج هم رجعو من السفر.
مريم: والله اخوي رجع لج ولله مشتاقتله والكفل زينب باعي اني راح اغسل وجهي وامشط علمود اطلع اسلم انتضرج بين ماسبحين؟
ليا: يلا فوتي غسلي واني راح اسبح انتضريني نطلع سوه نسلم.
مريم: تمام.
راحت مريم حتى تغسل واني رحت على الكنتور اطلع ملابس طلعت تراك اسود وبي نقاط بيض رحت على الحمام سبحت وطلعت لكيت مريم كاعده لابسه فستان لون احمر و تحجي ويه حبيبهه غميته ورحت كعدت على الميز امشط وهيه تحجي كملت ونداريت على مريم لكيته بعده تحجي وياه
ليا: يلا كملت امشي خلي نطلع.
مريم: اي اي يلا امشي باي يوسف.
طلعنه سلمنه وهيه ادور الاخوه بلبيت صعدنه فوك لكيناه بلغرفه هوه والولد راحت كبل حضنته وتبوس بي وهوه مجلب بيهه وحاضنه كل قوته واني واكفه وراه ماشافني دمعت عيوني على منضرهم وخرت عنه وراحت الاخوه محمد هم حضنته وتبوس بي علي ندار عليهه ابتسملي
علي: شلونج ليلو.
ليا: تمام الحمدلله انته شلونك.
_ زين بشوفتج دراستج شلونهه انتي ومريم؟
_ لازينات بدراستنه مانسخت.
_ الحمدلله.
تحمحمت مريم انداريت وشفت الولد ومريم صافنين علينه حجت مريم هيه وضايجه
مريم: اي عليوي يسئله ويبتسمله واني بس حضني بسيطه الك وانتي هم بسيطه القزمه.
ضحكت بصوت عالي على كلامهه انتبهت محمد
صافن يمكن مايتذكرني ماهتميت اله وطلعنه اني وياه من الغرفه رحنه كعدنه يم النسوان وهنه يسولفن واحنه ممفتهمات شي
اجه اليل وكامو حتى يصبون الاكل حسيت بدوخه كلش قويه وردت اوكع حجيت ويه مريم
أنت تقرأ
أغلال الجحيم
General Fictionوفي ليلاً مُضلمً لا بدرُ فيه تمددت اغلالٌ مِن الحقدُ و الكره غُلٌ يتبعُ غُل وفي كُل غلٌ حكايةٌ خلدتها قصه"اغلال الجحيم" أَنا تلكَ ألتي شَهِدت مَقتَلُ خليلُها وَأشعل فُراقهُ جوفي حتى فارقت الحياة وانا على قيدها سكن فؤادي و ملئ جوفي على مدار سنين افت...
