توفانا الزعيم
بقلمي روايه: اغلال الجحيم
لو چنهَ نعرف بالنهّاية ، مابدينَا.
لاتنسون التصويت والتعليق بين الفقرات
♡ليا♡
قربت اذاني على الباب واسمع ام يوسف تحجي ويه خاله سمر
بقيت فاتحه عيوني ونصعقت بمكاني وياريت ماسمعت الي سمعته
_انتِ تدرين كلش زين لا بنتج مريم ترهم اليوسف ولا ابني يرهم اله ليش هل قرب بينهم، هاي كدامج تشوفين فرق العمر.
_شسوي ماتكولين شبيدي اكسر كلب بنتي بس كولي شسوي اموتها؟ حتى ترتاحين وانتِ شفتي ابنج عاشكها.
_هاي السوالف ماتضرب يمي مال ابنج عاشكها اني من الاول ردت نور الابني بس اجت مريم.
_كافي ام يوسف لاتكملين فدوه خلص اني من اليوم امنع مريم من يوسف اني طالعه.
بس سمعتها كالت طالعه نزلت اركض اشوف مريم حاضنه يوسف وتبوس بي
حجيت بيني وبين نفسي''شراح يصير بيج من تعرفين الشخص العاشقته امه تريد اختج''
علي: لياااا شكووو شبيج تتصفنين.
هزيت راسي بلا ورجعت صعدت اكل باضافري دقايق ودخل علي حضنته من بطنه هيج
بحنيه مثل الطفله الي تحتضن ابوها
_احجيلي شبيج مريضه؟ احد مضوجج؟ زعلانه مني اسف اذا غلطت.
_ام يوسف متريد مريم تريد نور مريم اذا عرفت تنكسر وتتخبل كلشي ولا يوسف.
_اعرف.
رفعت راسي من حضنه وبراسي الف سؤال
_منين تعرف وشلون.
_اعرف من قبل ويوسف يعرف بس مانريد مريم تعرف ونحاول نقنعها بعده صغيره على الزواج.
_ومريم بعد ثلاث اسابيع لعيد ميلادها وتدخل18شنو راح تكول اله.
_حاير وضايع بين فرحه اختي وامانه صاحب عمري ام يوسف حلفت اذا مريم تصير مره اليوسف تتبره منه.
_شكد اكره ام يوسف حقيره تره مريم احلى من نور والطف هيه نور هم لطيفه بس مريم اكثر.
_هههههه طبعاً التؤام مالتج وبلبل البيت.
_شنو مقرر انتَ ويوسف عل هذه الموضوع.
_مادري والله مادري حايرين ساعديني ليا
ساعديني واسنديني محتاجج هل فتره كلش.
_اسندك واصير الك ضهر لو بيوم ضهرك انكسر ابويه واخويه انتَ.
_يابعدي، وانتِ شسوين على موضوع الكتالين.
ارتبكت من الموضوع كلش وصرت اتاتت بلكلام وهوه فهم ماريد احجي شي بخصوص هذه الموضوع
طلع وعافني حطيت صورتي وصوره مريم اتامل ملامحها برائته، ضحكتها، طفوليتها، كلشي بيها يجنن
كمت طفيت الاضويه ونمت، ماعرف شكد مر وقت حسيت مريم حضنتني بادلتها الحضن ونمت
كعدت المغرب جسمي مكسر مديته وطكيت ركبتي، كمت وكفت غسلت وغيرت ملابسي ونزلت جوه كلهم لو بغرفهم لو بلصاله والخطار باقين كم شخص قريبين من عدنه
ليا: بداعت ايهم سويلي ريوك
غزل: ريوكككككك هاي شبيج انتِ ومريم انتِ تنزلين الساعه6المغرب ادورين ريوك.
أنت تقرأ
أغلال الجحيم
Fiction généraleوفي ليلاً مُضلمً لا بدرُ فيه تمددت اغلالٌ مِن الحقدُ و الكره غُلٌ يتبعُ غُل وفي كُل غلٌ حكايةٌ خلدتها قصه"اغلال الجحيم" أَنا تلكَ ألتي شَهِدت مَقتَلُ خليلُها وَأشعل فُراقهُ جوفي حتى فارقت الحياة وانا على قيدها سكن فؤادي و ملئ جوفي على مدار سنين افت...
