﷽
توفانا الزعيم
بقلمي رواية: اغلال الجحيم
لطفاً علقو بين الفقرات ولاتنسون التصويت
"ردت اكُلك حِبني بس والله استحيت
تكسر الروح المَحبة التنطلب"
♡مريم♡
_حتى تنحل هل مشكله حسين يتزوج نور.
فتحت عيوني على وسعهن مصدومه من حقارتهم، قاطع حديثهم
احمد اجه يهرول ويلهث وكف بنص الصاله يجر النفس بصعوبه ويرجف يصيح
_وسام قاتل واحد واخذو الشرطه.
لطمت امي على صدرها وابويه كام وكف بسرعه
اما رائد كون الزمه وانتفه واكف ومبين فرحان الدنيا ماتكفي، صاح ابويه بوجه احمد
_وينهههههه امشيي امشي اخذنييييي الهههه.
طلعو والولد كلهم طلعو وراهم اله حسين بقه كاعد لازم راسه
ومصدوم من كلامهم راح يكسرونه ويزوجوهم.
صعدت فوك ركض حتى اتصل على محمد وليا، هيه متجاوب
اتصلت على محمد اكثر من مره يلا جاوب
محمد: هممم.
_محمد راح يزوجون حسين ونور وسام قاتل واحد فدوه سوي شي.
_ههههههه ان شاءلله هسه عندي شغل بعدين اخابرج ولاتحجين ليا اي شي حتى مأتتوتر.
خلص كلامه وسد الاتصال بوجهي بقيت اباوع على رقمه وشلون يحجي برود
وخايف ليا تتوتر وتخاف ومايخاف على اخته ولا اهله!
طلعت من الغرفه ماعرف وين اروح ولمنو اشكي همي
جان يوسف يهون عليه بس هسه منو البيت
كله هدوء بس صوت البجي والنحيب مسموع
نزلت جوه البنات كلهن كاعدات والولد طالعين بس يوسف وحسين باقين، حجيت اني واشر عليهم ثنينهم
مريم: شو مارايحين وياهم؟
يوسف: رائد الـ... يستغل عدم وجود الولد ويجي.
_ليش.
حسين: يجي للبيت حتى ياخذ نور هوه وعمامج الـ....
هزيت راسي وكعدت بصف غزل وجهاا مورم وعيونها منفوخه، ندارت الي تحجي بهمس
_مايصيرلهم شي مو.
مريم: وسام.
_اي بي شي.
_سمعتي قبل بـ عار يموت؟
هزت راسها بـ لا وسكتت واني اباوعلهم كلهم
مقهورين وحسين ويوسف يخلصون جكاره يشربون الثانيه
اجت عيني بعين يوسف بالغلط بسرعه درت وجهي وفشلت هسه عباله جنت اباوعله وصافنه بوجهه
يابويه يالفشله... اششش كافي مريم العالم وين وانتِ وين
فزيت من صفنتي على رنه مال تلفون باوعت تلفون يوسف كل شوي يدك
وهوه ميجاوب لو ينطي رفض صارن6 مكالمات وجاوب يحجي.
_هاا بشرى.. اي ان شاءلله... ضروف هسه... لا ماكدر اعذريني... خوش عيوني.
أنت تقرأ
أغلال الجحيم
General Fictionوفي ليلاً مُضلمً لا بدرُ فيه تمددت اغلالٌ مِن الحقدُ و الكره غُلٌ يتبعُ غُل وفي كُل غلٌ حكايةٌ خلدتها قصه"اغلال الجحيم" أَنا تلكَ ألتي شَهِدت مَقتَلُ خليلُها وَأشعل فُراقهُ جوفي حتى فارقت الحياة وانا على قيدها سكن فؤادي و ملئ جوفي على مدار سنين افت...
