﷽
توفانا الزعيم
بقلمي روايه: اغلال الجحيم
"أچيت تگضَي وگتِك ما أچيت تحبَ"
لطفاً لاتنسون التصويت والتعليق بين الفقرات
♡ليا♡
_تعوفيني بس تعرفين جنت مدمن مخدرات و...
_و شنو كمل يلا احجي.
_اغتصبوني اني وصغير.
للحضات احس الدنيا وكفت كلبي دكاته تسارعت من كلام محمد
ليا: منو منو هيج اذاك محمد باوعلي منو.
_همه همه.
_منو همه بس احجيلي.
_اخخخخخ راسي ابتعددددي.
كعد بالكاع وجهه صار احمر ويتنفس بصعوبه
اريد اروح اله يبعدني وصار يستفرغ دم
احتاريت شسويله خفت كلش هواي خفت افقده نزلت اركض ادور التلفوني لكيته
واول رقمين صارو كدامي علي وهب اتصلت على وهب قافل تلفونه
ماصار كدامي بس علي اطلب من المساعده من الخوف والرهبه اتصلت علي
جاوبني بسرعه حجيت واني ارجف واحجي
_علي حباب تعال بسرعه.
علي: لياااا؟ شبيج.
_محمد مـ محمد مادري شبي تعال عليك الله.
_جايج جاي لاتخافين.
سديته وصعدت على محمد يستفرغ وروحه رايحه لزمته اهدي بي
مايقبل يصرخ ويطلع دم من حلكه مسحت وجهه احاول اخلي بس يهدء
ربع ساعه ودخل علي للغرفه من شاف منضر محمد نصدم
علي: شبي؟
_مادري مادري حباب ساعدني نأخذه للمستشفى.
اجه يريد يشيله مايكدر اله حط ايده على كتفه ويمشي بي كوه
علي: محمد حبيبي بس ساعدني نوصل للسياره يلا.
ماكدر اله بس وحده لن جسمه ضخم نومه على الجربايه واتصل يحجي بسرعه
علي: الوو دكتور تعال بسرعه... لالا مو
البيتنه لبيت ابويه الي بالمزرعه.
سده وكعد يم محمد لزم كصته وايده
علي: مصخن، شبي ليش هيج تعاركتو؟
_لالا بس أحياناً من يطلع يجي هيج صاير ويعصب بسرعه.
_الغبي يمكن بعده يتعاطى، انتِ تأذيتي؟
_لا ماسوالي شي.
هز راسه وحط ايده على شعر محمد يمسح بهدوء عض شفته السفليه مقهور ويحجي بهمس
علي: صير زين حتى اطمن عليك واسافر.
ليا: تحبه؟
_اي والله اكثر من روحي اخويه الصغير هذه.
_لعد ليش هيج تسوي وياه.
_اقسم بالله احبه بس رائد عذبه وحط براسه فكره بسببي هوه تعذب.
_بس هوه يكول بسببك حبسه رائد.
_ابويه سلمه لـ رائد بس والله مالي علاقه بشي وحتى اني ماعرف ليش ابويه يكرهه.
أنت تقرأ
أغلال الجحيم
Ficción Generalوفي ليلاً مُضلمً لا بدرُ فيه تمددت اغلالٌ مِن الحقدُ و الكره غُلٌ يتبعُ غُل وفي كُل غلٌ حكايةٌ خلدتها قصه"اغلال الجحيم" أَنا تلكَ ألتي شَهِدت مَقتَلُ خليلُها وَأشعل فُراقهُ جوفي حتى فارقت الحياة وانا على قيدها سكن فؤادي و ملئ جوفي على مدار سنين افت...
