﷽
توفانا الزعيم
بقلمي روايه: اغلال الجحيم
"أذا هجَرت فمنَ ليَ"
لاتنسون التعليق بين الفقرات والتصويت فضلاً
♡مريم♡
ثنه ركبته كعد كدامه طلع علبه مال حلقه فتحها ونطق كلماته
_ليا تقبلين تصيرين زوجه الي؟
كلنه نصدمنه وعلي فاتح عيونه على وسعهن رجع كرر كلامه
_ليا تقبلين تصيرين زوجه الي.
ضحكت ومدت ايدها لبسها الحلقه وكعت العلبه من ايد علي مصدوم وهيه صاحت
_موافقه.
جانت موافقتها كفيله بتدمير حياه علي وكسرته
لبسها الحلقه يضحكون، وكلهم يباوعون الـ علي مصدومين حتى ابويه وامي تقربت وكفت كدامهم مصدومه من فعلتهم
مريم: كافي مو وقت مقالب سخيفين ليا احجي شي مقلب اكيد مقلب احجي.
ليا: مقلب؟ ليش حتى اسوي مقلب حبينه بعض حرام.
قبل لا احجي شي وكف علي كبالهم ابتسم بقهر وعيونه مليانه دموع، همس بقهر وبلعومه متحجر كوه يحجي
_الف مبروك تستاهلون مبروك خويه.
حجاها وصعد فوك يفرك عيونه كعدت على قنفه اباوعلهم بصدمه وكلهم حالهم اسوء من حالتي
كعدنه ونور وغزل شالن الغراض وكعدن ابوي يحجي ويه محمد
ماجد: ليش ماحجيتو بهذه الموضوع وشنو
هل سرعه.
محمد: يابه اني سويتها مفاجئة الها واني اعترفتلها من قبل بحبي يعني متراهمين بقت بس موافقتكم.
سمر: اخ يايمه اخ حبيبي انتَ اذا تحبون بعض هاهيه يمه بقت بس موافقه سها.
محمد: خاله اتمنى توافقين حتى نحدد موعد العرس.
سها: موافقه يمه الله يوفقكم.
كام وكف وهلهل باس راس ابويه وامي وباس ايد خاله سها
كلهم فرحو الفرحته بس حايرين بـ علي عفتهم وصعدت فوك، دكيت باب غرفته مايحجي ولايفتح حجيت بتوسل
_علي بداعتي افتح الباب امانه الخاطري
والله بس اطمن عليك واطلع.
ما اجاني صوته ثواني وفتح الباب نازع التشيرت وعيونه مصبوغه حمر دم والغرفه كلها دخان
_علي احجي شبيك امانه احجي ليش ساكت.
ماجاوبني راح كعد على قنفه يشرب جكاير ودموعه تنزل ويمسحن
_باوع ليش ليش وافقت بس احجيلي انتَ تحبها ليش ساكت.
بقه ساكت دخل وهب خايف سد الباب وراه وكعد يم علي يحجي وياه وهو ميجاوب
_لك علي حبيبي علاوي كوم خويه كوم بس احجي ليش متجاوب.
علي: فرحانه بخطوبتها؟
وهب: لا لا مافرحانه كوم خويه شوف شصار بحالك كوم اسند نفسك
اعترف الها ونلغي كلشي ونخرب كلشي.
علي: محمد يحبها وهيه تحبه ليش اوكف بطريقهم
الف وحده تجي بمكانها خليها تروح ما احبها.
مريم: ماتحبها؟ شوف حالك شوف هذه حال واحد عاقل كوم خلي نلغي خطوبتهم
نحجي وياه وهوه رافع راسه ومغمض عيونه كل شوي يصيح اسكتو
من شافنه نلح بالموضوع كام لبس قميصه وسحب السويج وطلع
نزلنه اني وهب وراه كلهم كاعدين بالصاله وهوه باوعلهم وعاف البيت بكبره وطلع
وكفت كدامهم وهزيت راسي بـ اسف
رجعت صعدت للغرفه ابجي، اخواني ثنينهم اخواني بس والله علي يحبها كلش مكسور كسرته شكد صعبه من تشوف اخوانك مكسورين
دزيت رساله الـ يوسف حتى يصعد يمي دقايق ودخل يوسف باوعتله ارجف ودموعي ينزلن بقهر
فتح اديه ركضت الحضنه عبر ايده يسمح على راسي والثانيه على ضهري
_يوسف اخواني ده يتحاربون حابين نفس البنيه كول شسوي حايره بين روحي وكلبي.
_اشش كافي يعيوني يروحي انتِ هاي قسمتهم وليا مو من قسمه علي.
_انتَ شـ شفت علي شلون نكسر عود هوه راح والله جابـ جابلها الحلقه حتى يتقدم
ومحمد كسره شفت شلون نصدم.
_كلشي شفت الله يساعده بس كافي
"لا تشهكين مو اطلعين روحي ويه شهكاتج"
أنت تقرأ
أغلال الجحيم
Aktuelle Literaturوفي ليلاً مُضلمً لا بدرُ فيه تمددت اغلالٌ مِن الحقدُ و الكره غُلٌ يتبعُ غُل وفي كُل غلٌ حكايةٌ خلدتها قصه"اغلال الجحيم" أَنا تلكَ ألتي شَهِدت مَقتَلُ خليلُها وَأشعل فُراقهُ جوفي حتى فارقت الحياة وانا على قيدها سكن فؤادي و ملئ جوفي على مدار سنين افت...
