Unicode Version
ဂျောင်ကုကီလေး ကိုရီးယားပြန်ရောက်တာ
တစ်ပတ်လောက်ရှိနေပေမယ့် အိမ်ဘက်လုံးဝ
ခြေဦးမလှည့်တာကြောင့် ဟန်ယူဂျောင်းတစ်ယောက်
ဂျောင်ကုကြိုက်တဲ့အစားအသောက်တွေပြင်ဆင်ကာGJ7သို့
ထွက်လာခဲ့သည်။"CEO ဧည့်သည်ရောက်နေပါတယ်"
"ဘယ်သူတဲ့လဲ"
ဂျောင်ကုစကားမဆုံးသေးခင် အခန်းထဲ
ဒေါက်ဖိသံတခွပ်ခွပ်နှင့် ဝင်လာသော
အသက်၄၀ခန့်အမျိုးသမီးတစ်ဦး။"တော်တော်တောင်အရွယ်ရောက်လာပြီပဲ"
သူမကိုမြင်လိုက်သည်နှင့် ဂျောင်ကုအလိုလိုနေရင်း
မျက်မှောင်ကြုံ့မိသွားသည်။ထိုနောက် လည်ပင်းကနကခ်တိုင်ကို
စိတ်ရှုပ်နေသည့်နှယ် ဆွဲခွာလိုက်ကာ"ဟန်ယူဂျောင်းက ဒီနေရာကိုဘာလာလုပ်တာလဲ"
"နေ့လည်စာလာပို့တာပါ မင်းကအိမ်မှပြန်မလာတာ
တွေ့ချင်တဲ့ငါကပဲလိုက်လာရတော့မှာပေါ့"ဟန်ယူဂျောင်းက အသက်နဲ့မှမလိုက်ငယ်ရွယ်နုပျိုသည်။
မသိရင်ဂျောင်ကုနဲ့မောင်နှမတွေနဲ့တောင်တူသေး။"ဟန်ယူဂျောင်းကို ဒီနေရာကမကြိုဆိုဘူး"
အတွင်းရေးမှူးမိန်းကလေးက လူသစ်ဆိုတော့
ဘာမှမသိတာကြောင့် အူကြောင်ကြောင်လေး
ရပ်ကြည့်နေမိသည်။"အတွင်းရေးမှူးလီ လုပ်စရာရှိတာသွားလုပ်"
"ဟုတ်ကဲ့"
ဂျောင်ကုပြောလိုက်မှ အတွင်းမှူးလီလည်းအရိုအသေပေးကာ
ရုံးခန်းထဲကနေထွက်သွားသည်။"အိမ်ကမင်းအိမ်ပဲ ပြန်လာလို့ရပါတယ်"
"ဒါပေါ့ ကျုပ်အမေအိမ် ကျုပ်အိမ်ပဲလေ
ကျုပ်ကမမြင်ချင်တဲ့မျက်နှာတွေရှိလို့ပြန်မလာတာ"ဂျောင်ကုစကားကြောင့် သူမမျက်နှာပျက်သွားရသည်။
"ခင်ဗျားပဲ အိမ်ပြန်လိုက်ပါကျုပ်က ကိစ္စတွေပြီးတာနဲ့ပြန်မှာ...
အလုပ်လုပ်တော့မှာမို့ ရုံးခန်းထဲကထွက်သွားပေးပါ""ကောင်းပြီလေ"
သူမလည်း ဘာမထီမျက်နှာပေးနဲ့ပင် ဂျောင်ကုအား
တစ်ချက်ကြည့်ကာ