أعشقه ولكن في السر

الفصل السادس

ثاني يوم الصبح بتصح جميله على صوت رنين التليفون بتاعها بتقوم مفزوعه لانها نامت بره البيت وبتمسك التليفون وبتتصدم لما بتشوف ان والدتها هي اللي بترن عليها فبترد عليها بسرعه

جميله: الو يا ماما

نارين بغضب :انت فين يا جميله برن عليك من الليل وما بترديش ليه

جميله بتوتر :التليفون كان عامل صامت يا ماما عشان كنا بنذاكر فما انتبهتلهوش انا اسفه اني بيت بره وما قلتلكش بس صاحبتي اصرت علي ان انام معاها بعد ما لقينا الوقت اتاخر من المذاكره

نارين بحزن وصوت موجوع: تعالي بسرعه يا جميله على المستشفى

جميله بصدمه :ايه مستشفى ليه يا ماما في ايه

نارين بحزن: باباك اتضرب بالنار واحنا في المستشفى من امبارح وانت حضرتك مش بتردي علينا تعالي بسرعه

جميله بحزن وتوتر :حاضر يا ماما مسافه السكه واكون عندك

وقفلت بسرعه وقامت من على السرير وهي بتدور على هدومها اللي مرميه على الارض وابتدي تلبس بسرعه

في الوقت ده كان جسور صحي وقعد على السرير وهو بيبص لها باستغراب وقال

في ايه يا جميله اهدي الدنيا مش هتطير يعني على كل اللي بتعمليه ده

جميله بدموع: بابا ياجسور بابا

جسور بخضه :اهدي يا جميله ماله عمي ايه اللي حصل بس

جميله بانهيار :بابا ضرب بالنار انا عايزه اروح بسرعه

قام جسور بسرعه بعد ما سمع كلامها وقال
اهدى يا جميله ان شاء الله ما فيش حاجه هتحصل وهيبقى كويس انا هلبس بسرعه واجي معاكي

جميله هزت رصه من غير ما تتكلم وهي في حاله انهيار شديده وهي مش متخيله اصلا ان ممكن تكمل حياتها من غير وجود ابوها في ظهرها
********

وفي نفس الوقت في المستشفى كانوا كلهم متجمعين الجد الكبير ونارين وشريف وساره اللي كانت منهاره على والدها

الجدي الكبير: انا عايزه اعرف ايه اللي حصل بالظبط يا نارين

نارين بدموع :اللي حصل كان ابراهيم شغال في المكتب بتاعه عشان في صفقات بيخلصها وبيراجعها وانا دخلت انام وكنت مستنياه ولكن لما اتاخر قلت اشوفه قبل ما انام واول ما رحت على المكتب اتصدمت لما لقيته غرقان في دمه قدام المكتب بجد المنظر ده مش قادر يطلع من دماغي ابدا

الجد الكبير/ ربنا يقومه لك بالسلامه يا بنتي وما يضركيش فيه ابدا انت وبناته بس ان شاء الله البوليس لما يجي يحقق في الموضوع ده وهيجيب حقه

نارين بدموع/ ايوه ان شاء الله

بعد شويه وقت وصل جسور ومعاه جميله وطلعت تجري على اوضه العمليات عشان تطمن على ابوها