أعشقه ولكن في السر

الفصل السابع

جسور شدها لحضنه وقال عن قريب قوي يا حبيبتي

لكن فجاه سمع صوت وهو بيقول

ايه اللي بيحصل هنا ده يا جسور

الاتنين وقفوا مصدومين وما بيتكلموش

جسور بتوتر /جدي انا هفهمك
الجد وهو بص لهم باستغراب/ تفهمني ايه ايه اللي مخليكي هنا يا جميله وسايبه ابوك جوه وهو في الحاله دي

جميله بكذب/ انا كنت جايه اعتذر لجسور يا جدي عن اللي عمله بابا جوه فهو مهما كان ابن عمي برده وعمل الواجب وانا كنت شايفه ان غلط اللي عمله بابا لما لما ازعق

الجدي الكبير/ ماشي يا جميله بس ارجو ما تكررش تاني من غير ما يعرف ابوكي لان لو عرف انك اتكلمت معاه هتبقى مشاكل للركب يلا روحي

جميله /حاضر يا جدي

مشيت بسرعه قبل ما يفتح اي كلام تاني معاها

الجدي قرب من جسور اللي بيبص على اثرها بحب واضح على وشه وظهرت على وشه ابتسامه وقال بتحبها يا جسور

جسور بكدب/ لا طبعا يا جدي حب ايه وكلام فارغ فيه

الجد بمراوغه /براحتك على العموم هي حلوه والف واحد يتمناها

جسور /قصدك ايه يا جدي الكلام ده
الجد ببراء مزيفه/ اقصد اللي اقصده بقى يلا بينا عشان نتاخرنا

جسور /يلا يا جدي
مشى جسور جنب جدو وهو بيفكر معقول ممكن حد ياخذ منه جميلته ويتجوزها غيره لا هو مش هيسمح بكده ابدا حتى لو اضطر ان هو يقتل عشان يحافظ على حبه
********
وفي نفس الوقت عندي جميله دخلت اوضه ابوها لقيتهم كلهم بيضحكوا وبيحاولوا يغيروا الجو قربت منهم بمراح  المعتاد وقالت

ايه ده ايه ده يعني انا اغيب نص ساعه اجي الاقيكم هايصين خالص اخص عليكم للدرجه دي مش حابين وجودي وعايزين تخلصوا مني بس انا مش هسيبكم وكاتمه علي نفسكم

ابراهيم بضحك
يوه جاتك ايه يا جميله عارفه يا بت انت الوحيده اللي تقدري تضحكيني من قلبي من مرحك وجنونك المعتاد

جميله بتزمر طفولي/ ليه بقى ياسي بابا حد قال لك ان انا اراجوز

ضحكت ساره بصوت عالي وقالت
اراجوز ايوه انت اراجوز يا جميله

جميله وهي بتدبدب اكتر في الارض

يا ستي ساره انا مش اراجوز انا ملكه جمال الهند مش صح يا بابا

الاب بضحكه /خلاص يا حبيبتي مش اراجوز انت احلى من كده بكثير

جميله وهي بتحضن باباها وبتطلع لسانها لاختها اتغاظي يا عيني بيمدح فيا انا وبيقول عني احلى من منك ومن ماما

نارين بغيره مزيفه ابعدي /يا بنت عن جوزي

جميله/ لا مش هبعد بابا بتاعي انا وحدي