أعشقه ولكن في السر

الفصل الثامن

جميله بصدمه /جسور

جسور بصدمه بعد هدير عنه وبصل جميله بتبرير وقال جميله انا

جميله بدموع متحجره في عينيها/ مش مستاهل انك تشرح لي بعد اذنك

طلعت تجري من غير حتى ما تسمعه وراحت على مكتبها وقفلت الباب

اما هو كان واقف مصدوم مش مصدق اللي حصل حبيبته شفته في منظر عمره ما كان يتوقع ان هي تشوفه فيه هو عمره ما فكر ان هو يكلم بنت غيرها لكن هي دلوقتي شافته بعينيها وشفايف بنت غيرها لمست شفايفه حس بالقرف من نفسه ومن هدير ومن الدنيا كلها وبص لهدير اللي كانت واقفه بخوف

واتكلم عصبيه مفرطه وقال
بره بره مش عايز اشوف وشك ثاني في الشركه من النهارده انت مطروده عارفه يعني ايه مطروده يعني تنسي انك كنت في يوم شغاله ،في شركه الابراشي يلا

هدير بتبرير/ لو سمحت يا بيه اديني فرصه انا ما كنتش اقصد اللي عملته ارجوك
هنا جسور فعلا كان جاب اخره منها وراح بكل قوته ومسكها من شعرها
وقال
قلت لك بره يا روح امك انت ما بتفهميش يلا غوري من وشي ورماها بره المكتب وقفلوا بعصبيه وهو بيتنفس بصعوبه من كتر الغضب اللي هو فيه

ام هدير وقفت وبصت للباب بغل وقالت
" ورحمه امي ما اعديها لك" ياجسور ما بقاش انا اما وريتك انا هعمل ايه وكل اللي عملته عشان عيون  السنيوره هقلبه عليك انت وهي وثمن الاهانه والذل اللي انا شفتها منك دلوقتي مش هعدي بسهوله ابدا مش مش هدير اللي يتلعب بيها
وراحت على مكتبها عشان تلم حاجتها وهي بتفكر ازاي تنتقم من جسور على الاهانه اللي عملها لها

*********
اما عند جميله كانت منهاره من العياط كذاب خاين بيقول بيحبها وهو رايح يخونها مع مين مع السكرتيره بتاعته لما هو هنا في الشركه وبيعمل كده اما بره بيعمل ايه تفكيرها كان هيتشل معقول الشاب اللي كله بيعتبره مثل اعلى يطلع بالقذاره دي ليه

كل دي افكار سوداء كانت بتدورفي دماغ جميله وبتزود في حزنها اكثر واكثر ما كانتش قادره تبطل عياط لانها للاسف ضعيفه ايوه ضعيفه بحبه حب وهو بس وهي بتعيط سمعت صوت خبط على الباب
فسمحت اللي بيخبط بالدخول

واول ما فتح الباب كان اللي بيخبط ساره وجوزها شريف اللي استغربوا من منظر جميله اللي كان باين جدا انها كانت بتعيط

ساره بحنيه قربت منها وقالت

في ايه يا جميله ايه ليه عينيكي وارمه من كثر العياط

شريف بتاكيد/ مع حق معاها حق اختك يا جميله ايه اللي وصلك للحاله دي حد ضايقك في الشركه ولا يكون جسور ابن عمك عمل لك حاجه

جميله اول ما سمعت اسم جسور غصب عنها دموعها زادت اكتر وهي بتتخيل المنظر اللي شافته وده زود الشك جوه شريف وساره اللي بصوا بعض باستغراب