أعشقه ولكن في السر

الفصل الثالث والعشرين

في بيت ادهم النوري
بعد شويه وقت نزلت جميله وباين على وشها الحزن
والالم وقعدت في الصالون وهي بتفرك في ايديها وقالت
خير يا حبيبي انت كنت عايزني في ايه لما كنت فوق

ادهم بحب ماسك ايديها /وقال حبيبتي انت كويسه انا قلقت عليك جدا لما تعبت فجاه قولي لي حسه بايه دلوقتي كويسه ولا اطلب لك دكتور

جميله بحزن لا مش محتاجه دكتور انا هبقى كويسه

ادهم طيب /يا قلبي جهزي نفسك يلا علشان نمشي

جميله باستغراب/ نمشي نروح فين انت حجزت لنا سفر ولا ايه

ادهم بتوضيح يا حبيبتي بصراحه كده انا نويت ان ارجع تاني مصر علشان استلم ورث من والدي عشان زي ما انت عارفه والدي كان عايش في مصر هو ومراته الثانيه ولاني ولد الوحيد بعد ما توفى لازم اني استلم شركته ومصانع بتاعته فانت ايه رايك

جميله بتوتر يعني مش ممكن انك انت تسافر وبعدين اتخلص شغلك ترجع هنا تاني ولا لازم نسافر احنا كلنا

ادهم بصي بصراحه كده يا حبيبتي انا عايز اكبر شركه ابويا ولازم اكون هناك انت ليه مش عايزه
تروحي هناك

جميله خلاص يا حبيبي زي ما انت عايز امتى السفر ان شاء الله

ادهم بكره الصبح

جميله بصيت له وتنهدت بالم وقلب  موجع
تمام هروح اجهز الشنط بعد اذنك

قامت جميله ووشها باين عليه الزعل والقهر هتروح لاكثر مكان اتوجعت فيه هتروح لي اكتر مكان منبوذه فيه يا ترى والدتها لما تشوفها هيحصل لها ايه يا ترى هم اهلها عايشين ازاي اسئله كثيره بالدور جوه دماغها وللاسف ما لهاش اي اجابه غير حاجه واحده بس ان هي اللي جابته لنفسها لما خانت وده عقاب اللي يخون العهد

**********
وفي منطقه شعبيه في السيده زينب
كانت قاعده نارين وهي بتقرا القران على رحمه بنتها وجوزها وبتدعي لهم ان ربنا يغفر لهم ويسامح بنتها على الخطيئه اللي عملتها

وهي قاعده خرجت ساره وهي بتقول عايزه حاجه يا ماما انا رايحه الشغل

نارين عايزه سلامتك يا حبيبتي خلي بالك من نفسك

ساره حاضر يا ماما هخلي بالي من نفسي

نارين كنت عايزه اقول لك على حاجه انا شفتك وانت بتتكلمي مع حد في التليفون كنت بتتكلمي مع مين

ساره بدموع كنت بتكلم مع واحده جارتنا بتجيب لي اخبار ابني اللي اتحرمت منه وظلمت اختي بسبب واحد زيه

نرن بالم ما فيش داعي لكل زعل ده يا حبيبتي احمدي ربك ان ربنا كشفه لك على حقيقته دلوقتي

ساره عارفه يا ماما قبل ما اسافر لما عرفت ان عمل كل ده عشان اتنزلت له عن نصيبي في الشركه واتجوز البنت اللي كانت بتيجي تزوره في الشركه ده جرحني جدا وخلاني حسه بالنفور من نفسي ازاي قدرت اعمل كده ازاي قدرت اخون اختي علشان انسان مريض زيه بس ربنا يسامحه
ويرجع لي ابني ان شاء الله