راقده في امان الله تجيي فجأه وحده تقربع الباب بقوه وحني راقدين بس من بيكون غيرهاا مديره الميتم وكالعاده تصيح علينا وتخبط مش انوضو من ساعه 9 وحني تعودنا ع شي هذا لأنا مش يوم ولا تنين سنينن المهم نضنا مخلوعين واني نحس فروحي مريضه بس مع هذا نضتت بسيف ودمعه في عيني
____________
اول شي نعرفكم بروحي اسمي روسن عمري 16 ملامحي ع خفيف شعري عسلي وطويل محليني ومش سمينه ومش ضعيفه يعني جسمي مناسب لعمري وكنت جميلهه ع حسب مايقولو
يعني اكيد بتقولو علاش انتي في الميتم وكيف ووووو حتشوفو لـِ صار مع لوقت ...
_________
طلعت المديره بـ؏ـد منوضتهم بطريقه الهمجيه
روسن بتعب : اني نحس في روحي مريضه مش حننزل للفطور
لبنات وهما يوتو في روحهم مش ينزلو شبحولها لأنه يعرفو ضروري الكل ينزل للفطور وحتي لو كنتي مريضه
ردتت صاحبتها نرجس :روسن خيرك شن تقولي تعرفي المديره انتي لو مشبحتكش لوطه شن ادير
البنت لـِ معاهم ابرار : نوضي انزلي بلا دلعع زايد اديري في الجو مش تتهربي من ضمان بعدين ميفوتشش علينا حبيبتي
نرجس تنرفزت :ابرار هنينا بسكوتك باللهِ وبري انزلي را مش وقتك
ابرار مشت هيا وصاحبتها وقالبين وجوهم
روسن :ي نرجس ولله ماقادره تـعبانه كيف مننزل
نرجس قربت علاها : بس لو منزلتيش تعرفي شن بيصير تعالي انزلي وكولي حاجه ع الاقل متقعدش بطنك فاضيه وانتي مريضه ومنهاا المديره تسكر فمها من علينا هيا تـعالي وبعدين اركبي رتاحي هيي!!
روسن :اهخخخ حسبيي الله فاها هالمديره لمعكرشه ان شالله تتكركب من دروج بعكازها
نرجس ضحكت وقعدتت تدعي معاها
نزلو مع بعض وهما يضحكو وخشو لي غرفه الاكل لي ياكلو فاها بنات الميتم كلهم وبدتت كل وحده تاكل
وميخلوش نظراتت الحقد عند ابرار هيا وصاحبتها ليهم
روسن كليت شويه وبسيف مخاطريش بعدها مشيت ركبت ورقدتها نومه من كتر التعب محسيتس بالوقت لن جتنيي نرجس تنوض فيا
معرفتكمش ع نرجس تكون صاحبتت روسنن راسس من هما صغار مع بعض كانت صداقتهمم حلوه هلباا ملامحها داكنه ع اسود وشعرها كيرلي ولي محليها اكتر غمازاتها وكانتت قنينه حتي هيا
________ meme Fg✨
روسن نضتت مخلوعه : هاا شن فيي العفو خيركم ياربي مفيشش واحد ينوض طبيعي في هالميتمم
نرجس:تي نوضي ياسركك راقده من صبح وتوا العصر نوضي صلي ونقعمزو نهدرزو كسدتت ونديرو اجواء غدوا عندنا مدرسةة را
روسن :اففف قصدك منوضتيني ع خاطر هاذي تي شن الاجواء لـِ بديريها هني تو تجيكك لمعكرشه تجري ماهو خليتيني نربح نومتي خير
نرجس : واكك عليك نكد فيك شن هذاا
وهما يهدرزو فجأه خشت عليهم ابرار هيا وصاحبتها لـِ تمشي وراها زي الهيدوقه
ابرار قايمه حواجبها: روسن تبيك المديره بري اجري اشبح شن مدايره من عمله
روسن بأستغراب ناضتت وهيا متبيش ترد علاها وفاتتها ومشت للمديره وخشت لداخل وهيا تشبح في المديره وهيا عيونها في الملف لي قدامها بنظارتها بعدين قامت راسها وتتكلم
المديره : شوفي اني تواا جاياتكك بموضوع
روسن بخوف :ان شالله خير ؟
أنت تقرأ
عائلتي سبب ضياعي
General Fictionالمقدمة اول روايه ليا ومن وحي الخيال بس فاها حاجات من واقعنا ❤️ تحكي ع حياة بنت في الميتم هيا وصاحبتها وحيتبونهم عائلات ولكنن حياتهم بـعد خروجهم من الميتم هل ستصبح احسن او اسوأ كلشيي حنشوفوه في الحلقات.. دعمكم حبايبي للكاتبة meme fg✨
