مشيت معاهمم ووصلناا للحوش وكان قنين قعدتت نشوف للحوش لن طلعع منه ولد في عمري او هكي تعرفت عليه ويكون ولد خو مختار
خشيت للحوش وني نتفحص فيه صح هوا مش كبير هلبا كان متوسط وكان اتاته قنين ومنظم
ايمان :تعالي ي بنيتي هادي دارك من اليوم
روسن :محلاهااا صحيتو
مختار :مش بيننا خلاص عاد انتي بديتي بنتنا ولا
روسن :اي بس عادي سؤال !
مختار وايمان :تفضلي
روسن :يعني علاش تبينوتوني معندكمش صغار !
ايمان ودمعه في عينها :اني ي بنيتي ربي مرزقنيش بصغار منجيبش
روسن بحزن : سامحيني كانا جرحتك بسؤالي مكانش قصدي
ايمان :لا ي بنيتي منحقك تسألي
روسن : باهي علاش خترتوني اني بداتت يعني في هلبا بنات غادي؟
مختار وايمان شبحو لـِ بعض وتوتررو شوي
ايمان :اني من اول ماشبحتك حبيتك مشاءلله عليك خشيتي خاطري ❤️
روسن :تسلمي
خشيت لداري وقعدتت نشوف فاها كانت نازكه وقنينه وقعدتت نفكرر في الميتم ونرجس اني هكي وستاحتشها فمابالك كل الوقت بدونها
قعدتت نفكر هل عيلتي الحقيقه يندرو عليا اني حيه او ميته او لا كانت امنيتي نشوف عيلتي الحقيقه ماما وبابا وخوتي لكنن عارفه هذا الشي مستحيل هما مشو وحطوني قدامم باب الميتم في مزال اسوء من هكي!
قعدتت نبكي الليل كله لن رقدتت
ع مهمم فاتو اليامات كلهم نفس الروتين انوض نمشي للمدرسه نروح نرقد ونقرا ونهدرز ع مختار وايمان ونولي لداري وهكي ويعني نقولو بديت ننسجم ع وضعع ولكن ستاحشتتت نرجسس وهلبا والغريب في الموضوع انه كل منقوللهم نبي نزور الميتم يسكرو الموضوع منعرفش السبب
___________
جاسر لحد الان مش باين وكأنه اختفي كان جده عنده امل انه يرجع بس فاتو ياماتتت ومرجعش وامه تبكي طول الوقت وتلوم في الجد
________ meme Fg✨
بـعد 6سنين
فاتو ايام وشهور وسنين
وكبرو وصارتت احداتت وعاشت ناس وماتت ناس
روسن تأقلمتت مع العيله وبدتت تعتبر فيهم كأنهم عيلتها الحقيقه وكبرتت وبدي عمرها 21 وبدتت تقرا جامعه وديما تفكر في نرجس وين وشن مدايره لأنا اخر مره مشت للميتم ملقتهاش في عيله جو وتبنوها حتَ هيا كانت ديماا تدعيلها بأنها ان شالله تكون كويسه وبخير واهم شي مرتاحه وكانت روسن حياتها شبه سعيده لـِ هني!
لن جي يوممم غيرلهاا حياتهاا
روسن كنت كالعاده مقعمزه في داري ونقراا لن خشو عليا ماما وبابا لـِ هما ايمان ومختار
روسن : ان شالله خير لـِ وين بتطلعو بروحكم خيانهه
ايمان بضحكه: عيب عليك ي بنيتي
روسن بخبت :ولا بترجعو لـِ يامات المراهقه جو تطلعو مع بعض وعشي رومانسي وحركات
ايمان تحشمت وضحكت:تحشمي ي بنت
مختار بضحكه: وخيره ميجيش علينا
روسن جتهم وحضنتهم مع بعض وضحكت : كنت نبصر عليكم خودو راحتكم وادهورو اصلا اني عندي امتحان ف ضروري نقرا استمتعو
مختار : سلمها بنيتي الشاطره
ايمان جتها وشدتت يداها: اني نبيك تكملي قرايتك مهما كانن وتحققي حلمك لـِ تبيه وحتَ لو كنا حني مهناش ديماا نبيك تقعدي هكي واعتمدي ع روحك ومتوتقي في حد الدنيا مفيهاش امان وانتي بنت زي الغزاله مشاءلله
روسن بخوف: علاش تدوي وكأنه تودعي العفووو بأذن الله مداما اني معاكم حنقعد ديما هكي
مختار :ماهو ي بنيتي حني مش ديما دايميلك لقدر الله صارتلنا حاجه كيف بتواجهي الحياة بروحك من بعدنا ضروري تعتمدي ع روحك وني نعرفك انت قد كل شي وكبرتي وبديتي تعرفي شن هوا الصح وشن هوا الغلط مش حينخاف عليك لـِ بنقولهولك ي بنيتي ردي بالك ع روحك وزي ماقالت امك متوتقي في حد مش اي حد يخدعك بكلمتين معناها كويس متغركش المظاهر انتي كبيره وبديتي تعرفي
روسن ودموع في عينها :خيركم تدوو هكي نزعلل منكم راا اني بدونكم ولا شي اني فرحتت انه لقيت عيله تحبني زيكم اكيد مش حتمشو وتخلوني خلاص غيرو الموضوع نكدتو علياا
ايمان بضحك: اي صح قلبنا الموضوع نكد توا هيا بنمشوو ديري بالك ع روحك واقريي مش تشدي التليفون
روسن :تمامم باييي
مشو طلعوو واني كنت زي الحاسه بتصير حاجه قلبي مش مريحني بس فتت الموضوع ووليت نقرا وقعدتت نقرا وكملت وتفرجت ع مسلسلي بس الغريب انه متصلوش بيا بكل ولا كلموني وتوا يعني ليل وقت مش المفروض يروحو قعدتت نتصل بيهم بسس الخط ميشدش بديتت نخاف بس انطمن في روحي نقول مرات ميبو حد يزعجهم
___________
عند ايمان ومختار
كانو طالعين ويهدرزو ويضحكو في السياره وهوا كيف كان بيكلم روسن طاح منه التليفون ونزل بيقيمه وتجيهم سياره من الجنب وتخشش فيهم بالقوهه كان مفي شي ينسمع غير سيارات الاسعاف والدوشه والناس تتفرج ع الحادت لقوي ودم في كل مكان
وسمعو التليفون يشرن واحد من الاسعاف رد عليه
رجل الاسعاف :ايوا اختي
روسن بأستغراب :عفوا مني معاي مش هذا تليفون ايمان !!
رجل الاسعاف بأسف: صاحب هذا التليفون دارو حادتت قوي وحاليا منرفعوهم لمستشفي $&$& واشبح هل تلحقي عليهم او لا حالتهم حرجه هلبا
روسن تسكر الخط وهيا مصدومهه ودموعها ينزلو بدون صوت فجأه بدتت تبكي بالعبره ومشت خشتت للحمام حشاكم وتمسح في وجها وتشبح لي روحها في المرايه وتتكلم وتبكي :اني اني ضروري منضعفش حنشد روحي ومش حنبكي لأنا اكيد هما مش حيمشو ويخلوني امبكري هكي قالولي اكي اكيدد بيرجعو وبيطلعوني معاهم المره التانيه ومندهورو ومنضحكو خلاص حينوضوو مش حيخلوني بروحي م مش حيخلوني بروحيي
مشيت وبدلتت ع سريعع وطلعتت وني نبكي وناس كلها تتفرج عليا وني نبكي اتصلتت بي خو مختار وعيلته لي هما بيكونو عمامي وقلتلهم ع خبر وكلهم مشو ورفعوني معاهم واني منهاره وندعي انه ميمشوش ويخلوني بروحي شن مندير بروحي بدونهم
وصلنا للمستشفي وكانو يدخلو فيهم لغرفه العمليات وكانو كلهم دم واني نشبحلهم ونبكي مشقادره نشوفهم وهما في هادي الحاله قدمت بحداهم وني نبكي ونعيط :متخلونيشش باللهِ عليكم معنديشش عيركم انتو عوضتوني ع عيلتي الحقيقه باللهِ متخلونيش زي ماخلوني عيلتي اني هذا وين حسيت بيه هذا الشعور ياربيي
الممرضات جو يبعدو فيا وجو بنات العيله يهدو فياا ويبكو معايا
بكيتت اكتر امتى قال الدكتور جهزو روحكم لأي شي
يعنيي يعني ان انيي حنقعد يتيمه للمره التانيه هاذم اعتبرتهم عيلتي وبنفقدهم مستحيل ياربي
____________
للقصر
فاتو ايام وسنين وشهور بسسس الي كسر توقعاتهمم جاسرر لـِ مجاشش بكلل ومعاش قدرو يوصلو فيهه امهه قريب تهبلل وخواته وجده كان ديما عنده امل انه حيجي بس خيب كل اماله ومجاشش قعد يفكر في اليوم لي طرده فيه بس كلكلم متعرفوش علاش هوا تصرف هكي
في الصاله مقعمزين لكناين ولولاد ولبنات وكلهم ملتمين
الجد سمير :خلاص ي مرا لي امتى حتقعدي تبكي ع ولدك
كوتر بحزن ماليها: راهوو هذاا ولدي ياربي محروقه عليه وين دياره وشن يدير وشن ياكل وهل هوا حي او ميت منندرو ع شي عليهه راهو سنين ياربي قلبي محروق عليه وحسبي الله في من كان السببب
وناضتت
الجد سمير قام حاجبه ويشبح لي ولده: عبدلله شوف مرتكك وقوللها توزن كلامهااا مره تانيه مبيتش نرد علاها احترامآ لحزنها ع ولدها بس را
عبدلله مشي ركب وخلاهم وهوا في قلبه حسره علي ولده وفي نفس الوقت ميقدرش يتكلم ويرد علي بوه
عند الاحفاد
سند ولد عم جاسر :جاسر متوقعتهاش منه معقوله هالسنين هادي كلهااا يختفي هكي ولله شي غريب كيف خلا القصر هكِ وخالف كل قوانينه ومشي
يوسف ولد عمهم التاني :ولله ي راجلل اشبحح وين تلقاهه توا من مكان لـِ مكان يهيج مرات وحني لـِ واكلينها
اصيل قام حاجبه وضحك سأستهزاء: ي راجل راك تحكي ع جاسر اما هياجه باللهِ
سيرين بنت عمتهم : استاحشته تصدقوو
مراد خوها حدف علاها الشبشب :نوضي ي حيوانه تحشمي ع وجهك تقول فاها بحدا خوها زياده اقلبي وجهك
كلهم قعدو يضحكو
سيرين بخوف:تي باهي خيرك ولد عمي حتَ هواا ووك
حناهم عائشه :نوضي انتي وياها والهو في رواحكم تحركوو صبايا القهره
لبنات كيف ناضو وهما قالبين وجوهم
ولولاد كانو يهدرزوو وفجأه يخش عليهم
جاسر :السلام عليكم
الكل في حاله صدمهه...يتبع
__________ meme Fg✨
شن تتوقعو يصير في الاحدات الجايه
دعمكم حبايبي♥️
أنت تقرأ
عائلتي سبب ضياعي
Ficção Geralالمقدمة اول روايه ليا ومن وحي الخيال بس فاها حاجات من واقعنا ❤️ تحكي ع حياة بنت في الميتم هيا وصاحبتها وحيتبونهم عائلات ولكنن حياتهم بـعد خروجهم من الميتم هل ستصبح احسن او اسوأ كلشيي حنشوفوه في الحلقات.. دعمكم حبايبي للكاتبة meme fg✨
