سميربفرح: استاحشناك معقوله هكي متقولش نجي حتي شويه شويه
مالك:اهو جيتكم
وهوا كيف قاعد يتكلم تطلعلهم جنات وهوا كان عاطاها بالظهر
جنات: هيا تعالو تغدو
بعدين ركزت كويس وشافت مالك نصدمت
جنات بفرخ ودموع في عيونها: حي مالك جيت استحشتك
ومشتله تجري وحضناته وهوا بادلها ويشبحلها كانتت هيا الوحيده لقريبه ع مالك بحكم انهم كانو قبل ديما مع بعض وهما صغار وهكِ
مالك:كبرتي وصار منك
جنات: اكيد مش حنقعد عمري كله صغيره
سمير: هيا تعالو خشو
مشي خش سمير وخشت وراه جنات وقعد مالك وجاسر
مالك تنهد وهوا يشبح لي جنات
جاسر حط يده ع كتفه: خلاها ع ربي ومعاش تفكر وخي
مالك :شني
جاسر:شي شي
ومشي ومالك خش للحوش وهوا مستاحشش عيلتهه
مالك:امي
جاها يجري وحضنهاا وهيا تبكي
كوتر: لاه عليكم ي ولادي اديرولي هكي مره انت ومره خوك معاش تمشو وتخلوني
مالك باس ع راسها: بأذن الله ي غاليه
تلفت لي اخته مسره وهيا تبكي جي حضنها
مالك : مكنتش نسحاب انك ستاحشتيني لدرجه هاذي
مسره بفرح:مصحك ولله ستاحشتك
وفات اليوم كله وهما فرحانين برجعه مالك ودارو عشي
في ليل في لعشي
كانت روسن تجهز ومعاها شدى
روسن:شدى وين ميمونه مشبحتهاش بكل!
شدى: خليهم بروحهم هدوكم عاقبهم جدي هيا ويمني
روسن: الله علاشش؟
شدى وهيا ترتب في الصفر: طلعو بدون مايقولو لي حد وشبحهم جاسر فـي المطار فا عاقبهم جدي بأنه ميطلعوش لمده اسبوع مينزلوش حتَ معانا
روسن: وعلاش جاسر قال لي جدك هوا يعني عادي كان يقدر يكلمهم هوا بروحه وتمت القصه ومخلاهاش توصل لجدكم
شدى:جاسر مقالاش هوا جدي جي وسمع لأنا جاسر علاقته هوا وجدي من اول ماجي متغيره مليون درجه
روسن محبتش تسأل اكتر :اهاا لاكن يناري سخفوني لبنات حتي توا يعني مش حينزلو معاكم
شدى:ولله هوا شوفي جاسر الوحيد ممكن يقدر يقنع جدي انه لبنات ينزلو معانا ع الاقل الليله هاذي بس المشكله انه جاسر ميبيش يتكلم مع جدي
روسن:انتو كلموه باه وشوفوه
شدى:ولله مانعرف بس مستحيل جاسر يسمع كلامنا را
روسن: مشعارف المهم توا اني منركبله القهوه متاعه
مشت روسن ودارت القهوه وركبت طقت وخشت
حطتله قهوته وهوا كان لاهي يكلم في تليفون وكانت هيا بتطلع بس اشرلها بيده بمعني شويه قعدتت تسنا فيه لن كمل
جاسر: نبيك امتى تنزلي تكلمي امي تقوليلها مش حننزل للعشي
روسن : ع حسب مانعرف لي روح خوك!
جاسر: اي خوي
روسن: صح اني مدخليش بس علاش مش حتنزل وهوا خوك!
جاسربتعب: مخاطريش
روسن:اها براحتك عادي نطلب منك طلب
جاسر قعد يشبحلها وبعدين تكلم
جاسر:تفضلي
روسن: خلي يمنى وميمونه ينزلو للعشي اليوم كلهم ملتمين فا حرام يقعدو محبوسين فوق
جاسر:هذا مش قراري
روسن: قرار جدك كان بس انت تقدر تكلمه ولا!
جاسر: اي بس انتي شن الفايده من لي ديري فيه !
روسن: مفيش ولا فائده بس هكي سخفوني كيف بيقعدو بروحهم قلت ممكن انك تكلم جدك وينزلو معاكم ع الاقل الليله بس
جاسر ابتسم وهوا يشبحلها وعرف انها قداش ماطيبه وقلبها ابيض مع انها مش حتستفاد شي من لي دير فيه فلاخير هيا بتخدمهم وخلاص بسس محبتش تخليهم فوق
جاسر: مكنتش نسحابك طيبه لدرجه هاذي
روسن: وشن كنت تسحابني
جاسر :مشعارف
روسن:اي توا اني مننزل تو تركب مرتك واديرلي العار وتقعد تعيط عليا
جاسر بصوت واطي: مداما اني قاعد فالقصر مفي حد يقدر يرفع صوته عليك
روسن: عفوا قلت حاجه!
جاسر: اها شي شي هلاص توا انتي انزلي واني تو ندبره موضوع لبنات
مشت روسن ونزلت وجاسر قعد يفكر فاها ويدكر في كلامها وحركاتها وكل شي وكأنه قلبه بدي يميللهاا وهذا لي خايف منه يصيرله يوم اليامات فكرة انه حد يسيطر عليه او ع تفكيره شي ميبيش يتقبله!
وهوا في نص تفكيره خشت عليه غفران
غفران:خيرك
جاسر:شي
غفران :تعرف الخادمه الجديده درهتلي كبدي الصراحهه تحساب روحها كانا حلوه خلاص
جاسر:شن دارتلك هيا مش تقولي علاها هكي؟
غفران:هيا مادرتلي شي بس هكي مهضمتهاش الحقق
جاسر تنهد ومباش يرد علاها
غفران:جاسر
جاسر وهوا يدخن :شني
غفران: لي امتا حنقعدو هكي؟
جاسر:شني
غفران:يعني لي امتا حيقعد زواجنا ع ورق بس
جاسر: يعني انتي عابيه انه بتصير حاجه ولا كيف!
غفران :جاسر انت تعرف انه اني حبيتك
جاسر: غفران اني مندير روحي كأني مسمعت شي من لي قلتيه غفران را متحطيش فيا امل حتي صفر فالميه اهو قتلكك اني ي بنت الناس خديتك وسترت عليك وتوا اهو منلقا اماليك ومنرجعك شن مزال تبي مني اكتر من هكي اما انك تكوني عابيه انه حتصير حاجه بينا فا هذا لا بكل غفران
وناض طلع وغفران قعمزتت وهيا تبكي بس بدتت الخطط متاعهاا تشتغل
مشت نزلت غفران للعشي ومشي جاسر كلم جده وبدون حت مايناقشه خلا ميمونه ويمني ينزلو اكتر حاجه ع عيون روسن دارها
أنت تقرأ
عائلتي سبب ضياعي
قصص عامةالمقدمة اول روايه ليا ومن وحي الخيال بس فاها حاجات من واقعنا ❤️ تحكي ع حياة بنت في الميتم هيا وصاحبتها وحيتبونهم عائلات ولكنن حياتهم بـعد خروجهم من الميتم هل ستصبح احسن او اسوأ كلشيي حنشوفوه في الحلقات.. دعمكم حبايبي للكاتبة meme fg✨
