جاسر : مني انتي
روسن من الصدمهه معاش عرفت تتكلم خدتت طول وشاحها وحطاته وتلفتت : الناس يستأذنو ع ماعتقد!
جاسر : ولله الحوش حوشي انتِ لي مني!
روسن طبست راسي: اني نخدم هني جديده
وكملت تغسل في الماعين وهوا مقعمز ع طاوله ويشبحلها
جاسر يعني معقوله بنت صغيره فالعمر هاذا وقنينه تخدم خدامه !
ناض جاسر ومهتمش بالموضوع وكلي شويه ومشي طلع وركب لـِ غرفته وهوا متكي ع سرير ويفكر رن تليفونه
جاسر : ايوا
غفران: اهلين
جاسر ببرود:تبي حاجه؟
غفران :خيرك تدوي هكي اني منسأل عليك
جاسر : مليون مره مقايلك معاش تتصلي الا اذا اني اتصلت ولا اديري فاها عناد
غفران بدلع : بشويه هدي خيرك انتَ خلوقك في شيشه
جاسرر بنرفزه : غفران فوتي امي ومتستفزينيش لأنا بعدين مش حتسمعيي طيبب
وسكر علاها الخط ولوح التليفون وهوا حاط راسه بين يديه ويفكر فالمصيبه لـِ طاح فاها وهوا مسافر
اتصل بي هشام
جاسر : ايوا
هشام : خيرك
جاسر : واقسم بالله ي هشام ماعارف كيف منطلع من لمصيبه لي طاحت فوق روسنا
هشام :مني غفران ؟
جاسر :وهوا في غيرها
هشام : ماعليك كان الصبر توا لنن نكلمو عيلتها ونلقو حل
جاسر : ي راجل اما حل باللهِ واني متزوجهاا شن منمشو نقولولهم
هشام: قصدي ي جاسر كلنا عارفين انك متزوجها ع خاطر شني وخلاص نكلمو عيلتها وتمت القصه
جاسر: باللهِ نبي الموضوع هذا يتمم قبل مايعرف حد من القصر
هشام : ولله كانا مش من طيبت قلبك لي كانت عندك قبل راهو توا مش هذا حالك
جاسر : انت بروحكك قلتهاا قبل اما توا شي تاني وانت عارف
هشام: اكيد اكتر من يعرف اني عاشرتك قبل كيف وتوا كيف تغيرت سبحان الله مغير الاحوال بس تغيرتت للأسوا للأسف
جاسر : ولله كان قعدتت ع نفس حالي قبل راهو اشبحح وين وصلت توا فا ي وخيي هادي الدنيا تبي واحد قاسي مش تعرف كيف تكمل حياتك خودها نصيحه من لمجرب
هشام : اي ولله وتوا شن مقرر ادير بزبط في غفران!
جاسر : منتصل بي مصعب لـِ يخدم فيِ المستخبرات يجيبلي عيلتها وين ونتمو الموضوع لأني فديت
هشام : باهي شن بيصير في غفران نفسها!
جاسر ببرود : شن بيصير فاها متلا بتمشي لي عيلتها
هشام بتردد: متحسش انها متعلقه بيك بزياده!
جاسر: هشام فكني باللهِ كانتت هيا عارفه نهايه هذا الزواج شني فا ميهمنيش
هشام: غر باهي خيرك انت تمام تمام
جاسر : تم هي توا طير
وسكر الخط وخش يدوش ويفكر في كلام صاحبه
__________
روسن كملت كل شي الضمان وقعمزتت فالكوجينه ندير بالتليفون
خشت سيرين: ع ماعتقد انتي جايه تخدمي مش تشدي تليفون
روسن بتعب : كملت كل شي فا قلت ناخد بريك شويه
سيرين : حبيبتي انتي جايه تخدمي هني فا تليفون بحح نوضي دوريي حاجه اديراها
روسن ناضتت بدون ماترد علاها مخاطرهاش تناقشها وفاتتها وطلعت من الكوجينه ومشت لصاله وين مامقعمزين
روسن :السلام عليكم
ردو علاها كلهم ولولاد مستغربين من هاذي
روسن : احمم اني توا كملت الكوجينه وخملتها ووتيت الحاجات لـِ تبوهم تبو حاجه تانيه؟
كوتر : اي نبيك توا تحطي غدي لـِ جاسر وتركبيهوله متغداش
جت سيرين : لا متعبيش روحك تو نركبه اني
عائشه برفعه حاجب :قعمزي انتي وروسن بري ديري لي قتلك عليه
روسن :حاضر
ومشتت للكوجينه وتت السفره
وركبت لغرفته وقعدتت اطق ع باب
أنت تقرأ
عائلتي سبب ضياعي
General Fictionالمقدمة اول روايه ليا ومن وحي الخيال بس فاها حاجات من واقعنا ❤️ تحكي ع حياة بنت في الميتم هيا وصاحبتها وحيتبونهم عائلات ولكنن حياتهم بـعد خروجهم من الميتم هل ستصبح احسن او اسوأ كلشيي حنشوفوه في الحلقات.. دعمكم حبايبي للكاتبة meme fg✨
