الشخص:تعرف انه اني واصل لي حفيدتك
سميربصدمه وخوف: كيف
الشخص: يعني في اي لحضه نقدر نقول لي حفيدتك كل شي لاكن مش توا اصبر عليا بس ي سمير
وسكر عليه الخط وسمير قعد يفكر في كلامه توقعه انه ممكن يدير اي شي
__________. meme Fg✨
نرجس كانت كيف طالعه من القصر وهيا البرا كيف بتركب سياره يدرس مراد ونزل وهوا يشبحلها
مراد:ونيي نقول علاش القصر منور اليوم
نرجس:وووه زيد من عليا باللهِ مش ناقصاتك
مراد :غر هدي
نرجس مشت ركبت سيارتها وفاتاته وهوا واقف ويشبحلها ويبتسم
مراد: كلشي عندي ليه حل الا هيا معرفتش كيف نجيبها صاعبهه لكن مش صاعبه عليا
ومشي خش وهوا يتمتم مع روحه لقي قدامه روسن
مراد :روسن الخادمه صح؟
روسن:اي
مراد :منسألك
روسن:تفضل
مراد :البنت هاذي لـِ طلعت شن تكونلك
روسن:صاحبتي
مراد :باهي شن اسمها
روسن:نرجس
مراد وكيف جاي بيمشي بعدين تلفت من جديد
مراد :احمم وين تقرا؟
روسن:ففِ جامعه$&$@
مراد :تم منوره بكل ولله وكان صار لي في بالي مني ليك هديه
مشيي طلع وهوا فرحان وروسن تشبحله وتضحك عليه ومشت بضم المربوعه لـِ كانو مقعمزين فاها لولاد صحاب جاسر
مشت وخشت وقعدتت اضم فاها ورتبتها وخدت الماعين وطلعت للكوجينه وغسلتهم وبعد م كملت كل شي قعمزت وخشت علاها مسره
مسره:روسن تـعالي معانا البرا الجو يهبل منديرو شاهي ومنقعمزو كلنا لبنات وبتجي حتَ مرت جاسر
روسن مشعارف علاش حست بشعور اخي امتى قتلها بتجي مرت جاسر:لا ولله منبيش نضايقكم خودو راحتكم
مسره:كيف اضايقينا عاد انتي بديتي منا وفينا منبعد ماخشيتي للقصر را ولله وبدات انتي ف سن صغير تتأقلمي معانا وانتي وشريفه الوحيدين لـِ داومتو ف هذا القصر
روسن:من شريفه؟
مسره:مرا كبيره حت هيا تخدم هني غر توا مسافره حترجع وتشوفاها حتحباها
روسن:اها
مسره:المهم هيا اطلعي نستنو فيك
ميمونه:تمام
وطلعت مسره للبنات وفرشو البرا وقعمزو وقعدو يهدرزو
طلعتلهم روسن وهيا متحشمه وكانت قايمه شعرها فوق ديل حصان وكان طويل محلاه وطلعت بدون حجاب بحكم انه مفيش غير لبنات
جنات: اهلا اهلا تـعالي قعمزي
غفران ونسرين وجوري قلبو وجوهم
قعمزت روسن وبدو يهدرزو وميقلش من مضايقات بعض لبنات لاها بس متبيش تعدل عليهم
غفران:بجديات ي بنات بتمشو للأستراحه يوم الاربعاء؟
شدى:ع حسب ماقال جدي اي
نسرين:الله استاحشت يامات الاستراحه فاهاا جوو ومنمشو كلنا هاذي المره
جوري:لكن مش زي كل مره هاذي المره مختلفه المره ل فاتت جاسر بروحه بس هاذي المره كنه جديدهه في الحوش
روسن تشبحلهم وتذكر فف تفاصيل جاسر وكلامه وكل شي فيه بس بعدين ادكرت كلامهم وانه متزوج ضحكت ع روحها وهيا تشوف ل نسرين كيف تشبح ل غفران بغل وكره ونفس الشي غفران وهيا تشبحلهم بغصه وخلاص
شدى:لكنن خساره يمنى وميمونه مش حيمشو
روسن:علاش!
شدى:ماهو جدي معاقبهمم
مسره:للأسف حتَ اني منقدرش نمشي
جنات:علاش؟؟
مسره:ماهو الاربعاء عندي امتحان كيف منمشي وقال جدي منبيش نأجلها وبيقعد معانا اصيل
روسن:باهي كويس ع الاقل اقعدو سايروني
مسره:لا انتي بتمشي معاهم قال جدي
روسن:لالا منقدرش
جنات: هذا قرار جدي
وكملو هدرزه وبعدين كل حد وخش لـِ مكانه
وفات اليوم عـادي جدا واليومين لن جي الاربعاء
أنت تقرأ
عائلتي سبب ضياعي
General Fictionالمقدمة اول روايه ليا ومن وحي الخيال بس فاها حاجات من واقعنا ❤️ تحكي ع حياة بنت في الميتم هيا وصاحبتها وحيتبونهم عائلات ولكنن حياتهم بـعد خروجهم من الميتم هل ستصبح احسن او اسوأ كلشيي حنشوفوه في الحلقات.. دعمكم حبايبي للكاتبة meme fg✨
