شدى :كيف محكولكش
ميمونه: شن بيحكولي
شدى شبحتلها وعرفتها مشعارفه بالموضوع تنهدتت وبدتت تحكي ع موضوع الخطبه وبعد كملت
يمنى بصدمه :لا ياربي خيرهم هادم هبلو ت كيف وعمي عصام وافق زي م نشوف فيك
شدى بأسف:اي قال مدابيا نسقد بناتي بكري بكري
مسره تشبح لي ميمونه وقلبها واجعها علاها: كيف هكي باهي نكلمو جدي بالك يغير رايه
وقعدو يتناقشو
و اه عن شعور ميمونه في هديكا اللحظه لي تمنت فيها تموت ومتسمع هدا لكلام صح بوها تتوقع منه يدير كلشي لكن مش لدرجه هادي مش لدرجه يعطي بنته بدون ميشاورها واحد كبير وهيا متببش لدرجه هادي هيا هم علي قلبه وتقل عليه
قعدتت مصدومه وتشبحلهم ودموعها ينزلو وخلاص وكانت كيف نايضه والخبر طول خلاها تستاقط كويس تمنت روحها هيا في حلم لكن للأسف هدا واقع ولازم تعيشه
لبنات يشبحولها بألم وحزن علي حالها
مسره:ميم
وقاعده مكملتش كلامها ناضتت ميمونه وطلعت ومشت تجري لجناحهم وخشت لدارها وسكرتها علي روحها
عند لبنات في الدار
مسره ودموع في عيونها:ياربي حالها يسخف وهيا تبي تكمل قرايتها اصلا ولا ومش حتي شاب يمشي معاها تي كبيرر الراجل لي بياخدها حرام عليهم
يمنى وشدى متأترين علي ميمونه
شدى:ولله حتي حني قلناه هدا لكلام لكن مفي حد يسمع تو زعميتك كان تكلمنا منديرو فايده تي ميشبحوش فينا مره وحده
يمنى:ربي يهدي وخلاص وان شاءلله خير تعالو ننزلو وخلو ميمونه ميخطم علاها حد تو تهدا بروحها وتنزل
هزو روسهم وضمو الدار ونزلو لوطه سلمو ع عيله وعائشه تشبحلهم من فوق لي لوطه
عائشه :نوم لي توا
مسره قلبت عيونها بملل:خدانا النوم
عائشه:بري انتي وياها مع لبنات تعاونو في الغدي
مشو وخشو الكوجينه
يمنى:شن الاجواء غادي
جنات:حلوه ناقصتكم بس
غفران خشت للكوجينه بأرتباك وقعدتت ادور بعيونها ع روسن لن لقتها تغسل في الماعين وسارحه تنهدتت براحه
جنات:ميمونه تسخف تعرفو باهي توا شن بيصير فاها
نسرين قلبت عيونها بملل:واك درتو منها قضيه تي بتتزوج وبتفتكى من بوها كلنا نعرفو علاقتها هيا وبوها شني
غفران بفضول:كيف علاقتها خيرهم
جوري:هدا يحنه بوهم معيشهم عيشه متوداها لعدوك ع طالعه ونازله يهزب فيهم يحرم فيهم من مصروف ويهزب فيهم بحدا العيله كلها وحتي وصلت درجهه مره ضربها قدامهم كلهم واشبح عاد شن صاير اكتر من هكي بيناتهم وح
شدى بحده:سكري فمك جوري سكريه هدا م فالحين فيه انتو
نسرين:شن قالت هيا قالت الحق بس شن منكدبو
غفران:مالا هكي خل تتزوج وتفتك وعلاش هيا مسكره ع روحها الدار وخاشه في كآبه ت تحمد ربها هيا مفروض توا تضحك مش تبكي عوج الحق
وجنات لـِ كانت ساكته وتسمع ف لكلام ل ينقال وقلبها تقول من يطعنو فيه ودموعها في عيونها
روسن بضيق من كلامهم علي ميمونه صح هيا مجربتش شعورها بس كانت حاسه باها وواجعتها روسن: خلاص طلعو السفر واتيات
غفران شبحتلها من فوق لي لوطه :باللهِ منتعبك معاي جيبيلي اميه في الصاله
ومشت وروسن تشبحلها ومش طايقتها
ومشو طلعو بسفر وقعمزو كلهم في الصاله ويتغدو زي كل مره
روسن مشت وجابت اميه وخشت لصاله بأرتباك وعطتت لي غفران لميه وكانت بتمشي بس قتلها
غفران قامت حاجبها :لن نسيت انه طلبت منك اميه
عايشه بحده: اميه تجيباها بروحك وروسن بنتي تعالي قعمزي تغدي معانا
كلهم يشبحولها بنظرات استغراب وغفران قعدتت تشبحلها بحقد
روسن بأحراج:لالا شكرا ولله مخاطري كليت شويه في الكوجينه
عايشه: غر تعالي قعمزي حتي شويه
روسن مقدرتش تردها وقعمزت معاهم
واول م قعمزت ناضتت غفران
غفران فوق من نفسها :الحمدلله سفره دايمه
روسن نحرجت اكتر من الموقف وعرفت انه غفران ناضتت لأنها هيا قعمزت
كلهم لاحضوها الحركه لي دارتها غفران
كملو تهدريز ولطفو الجو
نسرين تشبح لي روسن :ولله حني زينا مافيه للي يجي يقعمز معانا قريب تجيبو من شارع وتوكلوهم
روسن معاش قدرت تقعد اكتر من هكي وناضتت
روسن بمجامله :الحمدلله اني توا منمشي نظم
ومشتت خشت للكوجينه ودمعتها في عينها
وفي نفسها تقول (اخي علي الوقت لي يخليك هكي عايشه في ذل واهانات بس هدا كله مش تاخدي فلوس حلال اخخ ياربي ساعدني وكون معاي)
وفي صاله
يمنى:خيركم هكي معقوله هدا كلام ينقال نسرين تحشمي علي وجهك حتي شويه
كوتر شبحت لي مرت ولدها بضيق:حتي لقطتك ي غفران مش حلوه بكل
غفران برفعة حاجب:وشن هيا لقطتي مدرت شي ي عمتي انتو مكبرين الموضوع
عايشه بصوت عالي شوي وصل لي الرجاله لي كانو بحداهم بس فيه فاصل بينهم بس يقدرو يشبحو بعض
عايشه:تعرفي انتي وياها مزال تتعاود لقطه زي هادي مره تانيه متلومو الا نفسكم ميهمنيش من تكونو زيكم زيها
وبين كل هدا في عيون ادور في ميمونه وقلبه واجعه للأخر لدرجه مش قادر ياكل او يهدرز كلشي مجامله يدير فيه وهوا يفكر وميعرفش علاش يدير هكي ومن بيكون غير اصيل
أنت تقرأ
عائلتي سبب ضياعي
General Fictionالمقدمة اول روايه ليا ومن وحي الخيال بس فاها حاجات من واقعنا ❤️ تحكي ع حياة بنت في الميتم هيا وصاحبتها وحيتبونهم عائلات ولكنن حياتهم بـعد خروجهم من الميتم هل ستصبح احسن او اسوأ كلشيي حنشوفوه في الحلقات.. دعمكم حبايبي للكاتبة meme fg✨
