عائلتي سبب ضياعي

الحلقه5

روسن كنت نشوف في مرا وراجل شادين في يدين بعض ويشبحولي ويبتسمو واني كل منقرب منهم يبعدو
لن لمرا قعدتت تمشي بشويه وتقولي سامحيني وامتى وضحت الرؤيه عندي طلعو هادم ماما وبابا لـِ متبنيني قعد نقرب اكتر منهم وهما يبعدو لن اختفو
ونضتتت مخلوعه شبحت للمكان ادكرت لـِ صار
قعدو دموعي ينزلو ونشبح للفوق بس: ياريت طلع هذا كله حلم ياريت ياربي كيف مندير من بعدهم وين منمشي كيف بنقعد بروحي كيف بنتصرف

خشت عليا ريناد بنت خو مختار :خلاص معاش تبكي يوم كامل وانتي ع هذا الحال توا ماعليك الا تدعيلهم بالرحمه انتي هكي تزيدي تعدبي فيهم وتعدبي ففيِ روحك خلاص نوضي وصلي ركعتين وتعالي معانا استقبلي الناس بيعزوك وربي يصبرك وخليك قويه كيف مربوك ايمان ومختار هما فخورين فيك هلبا وديما يحكو عليك وكأنك بنتهم الحقيقه وانتي ببكاءك هدا تعدبي فيهم يهون عليك تو هكي خلاص حبيبتي نوضي امسحي دموعك ومتبيني لحد ضعفك غير الله خلاص بكيتي وطلعتي لي فقلبك وتوا خلاص اوقفي ع رجليك وقيمي راسهم وخليهم فخورين فيك زي م كانو صلي ركعتين وادعي فيهم لي ربي وبأذن حتلقي روحك احسن وخودي نصيحه مني انه كل م ضاقت بيك الدنيا او حتي تبي تبكي بري لملجأك الوحيد الله هوا الوحيد لي اضعفي قدامه وابكي واشكيله همك ومهما كان مطلعي لحد ضعفك غير الله
روسن نشبحلها ودموعها ينزلو من كلامها وقداش م اتر فاها ودكرت كلام مختار وايمان لاها قبل م يمشو وكأنها فاقت من غيبوبتها توا كانت محتاجه تسمع هدا لكلام من حد مسحت دموعها وقامت راسها :شكرا شكرا هلبا ع كلامك بجديات كنت محتاجاته وفي امسْ الحاجه ليه وزي م قلتي لا اشكو همي ولا ضعفي لغير الله لأنا الشكوى لغير الله مذله وبأدن الله حندير جهدي مش نقعد واقفه وقويه زي م خلوني
شبحتلها ريناد وابتسمت لكلامها وعرفتها قداش م قويه بالرغم من لي عاشاته في حياتها كلها ومزال صامده قعدتت تدعيلها في سرها ربي يصبرها ويقواها عارفتها حتواجها حياة صعبه بروحها تنهدتت وناضتت طلعت وخلت روسن مقعمزه تصلي وتدعي لي ربي وتبكي  وكأنها تبي تفرغ كل لي فقلبها هني مش توقف ع رجلاها من جديد
هذا لي تعودتت عليه في حياتها✨

استنتها ريناد وقعدتت معاها لن طلعو من المستشفي ووصلو للحوش وكانت الخيمه قدام الباب
روسن الطريق كله واني ساكته ونتفرج ع روشن ونفكر كيف مندير في حياتي توا وني في نص تفكيري شبحت سياره وقفت ونسمع في لعياط والخيمه قدام الباب معاش قدرت نشد روحي اكتر قعدو دموعي ينزلو ومشقادره نخش جت ريناد وخدتني ودخلتني واني نشبحلهم ومش مصدقه وكلهم كانو ساخفين ع حالتي دخلتني ريناد وشربت اميه وخشيت لداري وسكرتها وقعدتت بالحال هذا الليل كله لن صبح عليا الصبح

‏_____________ meme Fg✨
عند نرجس
حمزه : نرجس تـعالي ديريلي لفطور
نرجس :وين ماما
حمزه :امك مشت لـِ مرت عمك قالت تاعبه
نرجس : اها تمام خن ندلعلك فطور من يدياتي اليوم
حمزه ضحك: هي ورينا فلاحتك
نرجس : راا متستهزاش ع قدراتي
حمزه ضحك: هي بري بري
مشت وهيا تضحك للكوجينه وبدتت توتي في الفطور وكملت وحطاته ع طاوله
حمزه:مشالله ع بنيتي طلعت فالحه
نرجس : مش تعرف را مش بايره زي ماتقولك ماما
كانت نرجس تحمد في ربها عليهم بجديات حمزه ورجاء عوضوها ع هلباا حاجاتتت وكانتت سعيده هلبا معاهمم بدو عيلتها