ရှေးဦးခေတ်ဝယ်ဇာမဏီကိုမွေးမြူမယ်

5

အပိုင်း ၅။ အရိုးဓားသွားဖန်တီးခြင်း

"ရတနာသေတ္တာ? သားရဲတွေကိုသတ်ပြီး ရတနာသေတ္တာတွေ ပေါ်လာလိမ့်မယ်လို့ ငါထင်မထားဘူး။ ဒါကဘာဖြစ်လို့ online game တစ်ခုနဲ့ တူလာရတာလဲ?

ရတနာသေတ္တာအား အစက တိုက်ရိုက်ဖွင့်ချင်သော်လည်း ယဲ့ချန်သည် ရုတ်တရက် တစ်ခုခုကို သတိရသွား၍ သေတ္တာအား စိုက်ကြည့်လိုက်သည်။ ခဏအကြာတွင် ရွှေရောင်စာလုံးများ ထပ်၍ ပေါ်လာသည်။

[ဘေးကင်းသော သစ်သားရတနာသေတ္တာ: အစားအစာ၊ ရေ၊ ပစ္စည်းအချို့နှင့် ပုံကြမ်းတစ်ရွက် ပါဝင်သည်။]

"ဘေးမကင်းတဲ့ သစ်သားရတနာသေတ္တာတွေရောရှိသေးတာလား?"

ဤအရာကိုမြင်ပြီး ယဲ့ချန်သည် ရွှေလက်ချောင်းအားပိုင်ဆိုင်ရခြင်းအတွက် အရမ်းဝမ်းမြောက်နေမိသည်။ မဟုတ်လျှင် အန္တရာယ်ရှိသော သေတ္တာများကို ဖွင့်မိပါက ဒုက္ခများသွားနိုင်သည်။ ထို့ကြောင့် တောထဲရှိအရာများမှာ အန္တရာယ်ရှိသည့်ပုံ မပေါ်လျှင်တောင်မှ သတိကြီကြီးထားရမည့် အသိဝင်သွားသည်။

သစ်သားသေတ္တာသည် အန္တရာယ်မရှိကြောင်း မြင်ထားသဖြင့် ယဲ့ချန်က တွန့်ဆုတ်မနေဘဲ တိုက်ရိုက်ဖွင့်ကြည့်လိုက်သည်။ သူ့ရှေ့၌ အမှန်တကယ်ပင် item သုံးခုပေါ်ထွက်လာသည်။ 1 လီတာ စာကပ်ထားသော ရေဘူး၃လုံး။ ကလေးလက်သီးဆုပ်အရွယ်ရှိသော အနီရောင် ကျောက်တုံး၁တုံးနှင့် သာလွန်အဆင့်အရိုးဓားပုံကြမ်း ဟုခေါ်သည့် ပုံကြမ်းစာရွက် ၁ရွက် ပါဝင်သည်။

ထိုအရာများကိုမြင်ရပြီးနောက် ယဲ့ချန်၏မျက်နှာပေါ်တွင် အပြုံးတစ်ခု ပေါ်လာသည်။ တောအုပ်ထဲရှိ ရေထဲတွင် အမည်မသိအရာဝတ္ထုများ ပါဝင်သည်။ အထူးနည်းလမ်းတစ်ခုခု မပါဝင်ဘဲ သူမသောက်ရဲပါ။ အနီရောင်ကျောက်တုံးသည် ဘာမှန်းသေချာမသိသော်လည်း မဆိုးမှာ သေချာသည်။

"ပုံကြမ်းတစ်ခုရရှိထားပါသည်။ အလိုလျောက်အသုံးပြုပါမည်လား?"

စနစ်၏အသံထပ်မံပေါ်ထွက်လာသည်။

ယဲ့ချန်မျက်ခုံးများမြင့်တက်သွားသည်။