همسات عاهرة

بارت 7

❣همسات عاهرة ❣

قصي شاف فيه وكمل طريقو بلا مينطق حتاا شي كلمة ..اماا سامي رجع لوضعيتو كيفكر لبعيد...نرجعو عند قصي من بعد متفارق مع سامي مشاا للبار ..كيشرب كاس ورا كاس كيحاول ينساا الاحداث د اليوم ..وخاا هو عارف بلي شحاال مبقاا غادي يرجع لوعيو ولواقعو المر.. نزل على الكاس فدقة.. ومع طلع عينو لقاا وحدة زعرة جلساات مقابلة معاه مبتاسمة علات حاجبهاا وغمزات بطريقة محلونة ..قصي بتااسم بشر وخبث شدها من شعرهاا وجرها عندو نطق بصوت باين فيه التعب والسكر:طلعي لفوق انا جاي ..غير رخاا منهاا طلعاات مقادهاا فرحة حيت طيااحاات واحد بحاالو فشباكهاا ولا هاد شي لي كانت كضن ..تقابلة مع المراية كتقاد العكر على شفايفهاا وتماصيهم ...سمعات الباب كتحل قادت الكسوة باش يباان صدرهاا ويبرز غادة كتعوج عندو وكل خطوة كتخطيهاا كتقربهاا من نهايتهاا بلا متحس ...بتاسمت وبدات كتحلون عليه ..قصي نفض يديها وجلس على الفطوي ونطق بصوت حرش :متعيناا...البنت بقات واقفة مفهماتش قصدو ..قصي تعصب قاام ليها شدها من شعرهاا وزدحها مع الارض بجهد ..مشا عمر كاس لراسو ورجع نطق من تحت سنانو:قلت متعيناا...البنت بزز باش وقفات على رجليها وكلها كترعد..:اناا...قصي شطخ الكاس وقام ليهاا شنق عليهاا ومرخف حتاا حس بروحهاا طلعاات عند ربي...غير رخف منهاا طاحة جثة هامدة.. حرك راسو لجنب وهو كيفكر فصحر بتاسم بحقد وخرج ببرود بحاال ماشي دابا شوية قتل روح.. دار اشارة لواحد من راجلو بااش يتكلف بالجثة وخرج.. ركب فالرونج روفير موقف حتاا وصل للقصر...دخل بخطوات بطيئة كيدور فعينيه الحفلة تسلات والضيوف غادرو الضو كان مطفي وكلشي ناعس شاف الضو دياال الكوزينة مشعول تاجه صوبهاا وهو مضيق عينيه ..شافها كانت عاطيها بالضهر لابسة سوميج لاسقة بالاسود مبينة كاع مفيتينهاا بطريقة جذابة وشعرهاا مطلوق على طولتو  كيتمايل معها بكل حركة كديرهاا بقا واقف مفيكسي عينيه عليهاا وبلا ميحس قرب بخطوات بطيئة وهو خاشي يديه فجيابو وقف وراها وهو كيشم رحيتهاا حتاا ضارت مخلوعة يد حاطهاا على بوطاجين واليد الخرا على قلبها كتبحلق فيه ..قصي حيد خصلة كانت على وجهها وهو كيتأمل فعينيهاا الخضرين ولي باين فيهم الخوفو والجراة فنفس الوقت...صحر :شكدير...قصي بتاسم بسخرية:يكماا نتي بشرفك وانا مفخباريش ،عارف لي كاين وعارف بلي لي جاا يقسك كيف بغاا.. عارف نوعك وحافضو بلا مديري فيها دور الشرفية العفيفة حيت الوسخ كيبقاا وسخ ..صحر بتاسمة:مممم متنساش بلي هاد الوسخ قريب يولي مرت ادريس برادة والمالكة الوحيدة لهاد القصر ونتاا بححح بحاال مكاينش....قصي علا حاجبو:واثقة من راسك ولكن متخاافيش قريب نشوفك عند رجلياا كترجايني بااش نرحمك ...حط يديه على بوطاجين محاصرهاا وقرب من وجهها ونطق بصوت كينذر بالشر:واناا لي قلتهاا نديرهاا .. شاف فشفيفها ورجع شاف فعينيها بتاسم بشر رخاا منهاا ومشاا... مخلي صحر مبتاسمة:هاا حناا غنشفو اس قصي..