التصويت و التعليق🦋.
#سم الرقشاء
....
ناز :
أنتفضت و خفت مِنها تباوع و مركزه على ملامحي اتكلمت متلبكه بأبتسامه بالكذب
- كلت أرشلها مُعطر جو من مالتي ريحته لطااافه
رفعت حواجبها مامصدكه بكلامي بعد أردفت بقبول -: خوش روحي
دخلت لغرفتها و غلقت الباب سندت نفسي عليّه و اتنفست براحه كُلش خفت منها هالمره
ولّو اني اعرف هواي سوالف عليها و هيه متحبني هم ولا كأنها امي و اني هم طلعت من قلبي من الصغر ماحبيتها بعد هواي مواقف محلوة
أخذت موبايلي و طلَّعت الصناديق ثبتت الموبايل بلأرض و صورت كُلشي موجود حتى غرفتها حسبت حساب كُلشي خاف يصير فدشي
خلصت و رشيت معطر جو الها خليته بغرفتها و طلعت خفيت الصور و الفيديوات
رَحت للصالة كعدت على القنفه أباوع علىٰ حوض الاسماك متعددة الألوان و شكلهُم جميل لطيف صفنت عليهم و سحبني النوم فزيت بين النايمه و الكاعده حولت أنظاري للكاميرات
أباوع لأُمي تستقبل حجية كبيره بالسن لابسه صاية باللون الزيتوني و رادت تِدخلها للصالة وكفت بسرعه لكن وقعت بالأرض بآثر النوم
آحس نفسي كاعده بس جسمي نايم وكفت مَره آُخرى و ركضت للمطبخ استلقيت بتعب و ضحكت على نفسي
غسلت وَجهي و آستعاديت وعيي دخلت للصالة امي كاعدة و المرة يسولفن قِطعت الحديث بدخولي سلمت و ردت السلام
- منو هالحلوة
جاوبتها امي بأبتسامه-: بنتي ناز
أتكلمت المرة بعد متباوعتلي من تحت لفّوق
-: شحلاتها تعاي يمي ليش واكفه ليغاد
اتشكرت منها علىٰ المدح و كعدت يمها رجعت تسولف هيه و أُمي سئلت بفضول
-: خاله منو انتِ اول مرة اشوفج
التفتت عليَّ و اتكلمت
-: انه جيرانكم امل يبعد خالتج
-: اهلاً بيج
امل-: تعاي لبيتنه هاي أحنى يمكُم بالبستان بهذاك الكتر بيت ابو نوح هم عدنه بنيات بكدج صاحبيهن
أبستمت و اومأت براسي اتكلمت بتسرُع بدون ماباوع لأمي
-: خاله اني أروح وياج هسه ماعندي شي
أستبشرت و ملامحها صّارت سعيده
-: ياه جا أمشي هسه اريد اروح للبيت هم يالا
أنت تقرأ
سم الرقشاء
Mystery / Thrillerالرقشاء ، حيثُ الداهية و الغرابة هل تعرفُ طَريِقها أم ضلِلتّ الطِرقّ لّقد ضعفّت يومًا و تمنت المَمات تعذَبت و خانّت بِها الحياة أتَبّقى بالعذاب مِن دّونَ ذنبٍ .. _______ بقلمي : قَمر ألليِلّ
