التصويت و التعليق بين الفقرات🕯
قراءة ممتعة
•••
فَتحت عيوني علىٰ سقف المستشفىٰ باوعت الكتفي لافينه بباندج و مخليلي مُغذي حولت انظاري على جدي يباوع لخواتمه
انتبهلي و أستقام من الكرسي اتقدم علي مسح على شعري و اتكلم-: شلونج هسه؟
رقشاء-: الحمدلله
رّجع لمكانه اتكلمت بهدوء و تعب
-: جدو اسفه اعرف هاي الفتره حساسه بالنسبه الك و أني خليتك تخالط الناس و تطلّع من وحدتك بهالفتره
رعد-: هذا الشهر تعيس من زَمان عمومًا أنا هم أجيت حتى نروح للمقبره نزور بيبيتج كالعادة
اومأت بقبول و بقينه فترة منتضرة المُغذي يخلص اجه هيثم يضحك بخفه و يمسح شعره
هيثم-: اويلي اول مره يخلولج مغذي سجلوها بالتاريخ
رقشاء-: انجب لاتطكني عين نوب كليوم أتمرض
هيثم-: بخت ولاتتمرضين
لزمت بطل المّي و شمرته عليه-: اشش ولك هسه اموت من عينك
ضحك جدو و أشر لهيثم حتى يفّلت المغذي من أيدي اجه وّخر الكانولا يعرف لأن ابراهيم علّمه حتى اي شخص يتمرض بعدم وجود ابراهيم او شي هوه يعرف
وكف منتضرني نروح و جدو طلّع قبلنه باوعت لأقدامي بدون شوز
-: ياا هاي لعد شلون امشي ليش مجايبيلي شوز صخام البسه
رفع حواجبه ماعاجبه كلامي و يباوع بأستهزاء
-يلا فضينه تره تعبتوني كلساع واحد
اتكلمت بعبوس و ضوجه-: ماا شلون امشي حافية القدمين انطيني شوزك للابسه و امشي حافي
هيثم-: اوي عيني حافية القدمين امشي يلا كافي ملّحه
رقشاء-: كتلك ما امشي بدون شوز ماا
اتنهد بغضب و كعد على السرير يخلّع شوزه و خلاه يمي-: يلا لبسي منتضرج بره
-: بس اني كتفي محترق و الآلم صاير على ايدي مااكدر والله
-: اي وشلون هسه؟
ابتسمت بوجهه و اتكلمت بهدوء العب بخصلة شعري
-: سهله انت لبسني الشوز و نروح مو مستعجل يلا بسرعه
نتر بصوت عالي-: طبججج مرض اني رايح
دمعت عيوني و نزلت راسي باوعلي و اجه كعد بلأرض يلبسني بقلة حيله ابتسمت بأنتصار و طلعت قبله اتمشى براحه و اضحك
أنت تقرأ
سم الرقشاء
Mystery / Thrillerالرقشاء ، حيثُ الداهية و الغرابة هل تعرفُ طَريِقها أم ضلِلتّ الطِرقّ لّقد ضعفّت يومًا و تمنت المَمات تعذَبت و خانّت بِها الحياة أتَبّقى بالعذاب مِن دّونَ ذنبٍ .. _______ بقلمي : قَمر ألليِلّ
